रोमी 6:23 - थुलुङ राई

²³ हेङालोने छु़लकु खारी बेपा मु़चु़का ने सिमुलाम रेडु़, लावो माम्‍चु़नीका मेडेङा ग्‍वाक्‍साड्‍डामिम राप्‍लावा ने इकीमा ङाचो़ येशू ख्रीष्‍टडाम हेल्‍लो मेसिपा त्‍वारो़म सो़।

रोमी 6:23 Referans Kwoze

यूहन्‍ना 3:36

उहेमका माम्‍चु़नीकु तारापाचो़डला थो़र बु़, मेरामनुङ मेसिपा त्‍वारो़म दु़म। उहेमका तारापाचो़का र्‍वामिमिम मेथो़सु़, मेरामका मेसिपा त्‍वारो़म मेल्‍वासु़। लावो माम्‍चु़नीकु देन्‍दे मेरामडला दु़महोम बु।”

रोमी 5:12

सु़म्‍दिमोलोम मु़चु़ आदमलामका सुबुडा छु़ल गस्‍ता मा मेराम छु़लका सिमुलाम रेड्‍डु़। आरेसाका खोत्‍ले मु़चु़मिमका छु़ल बेम्‍डिमका खोत्‍ले मु़चु़डा सिमुलाम छास्‍ता।

याकूब 1:15

मा मेराम मेजो़पा ल्‍वा न-गोडा हु, मा छु़ल ग। छु़ल बर्तो लमा सिमुलाम रेडु़।

यूहन्‍ना 6:40

हेङालोने आमा पापकु न ओराम बु, उहेम-उहेमका तारापाचो़लाई रेम्‍मी, मा गुडला थो़रलु़मी मेर्मिमका मेसिपा त्‍वारो़म ल्‍वामिनु़। मेम्‍मा हुक्‍पा थारीनेम गो मेर्मिमलाई नु़बेट्‌पुमी।”

मत्ती 25:46

“मेर्मिम मु़चु़ हेल्‍लो लोवो देन्‍दे ल्‍वापाम बाट्‌पाडा लमी, लावो माम्‍चु़नीकु लाम्‍दीडा लाम्‍दिपा मु़चु़मिमका ने हेलो वो मेसिपा त्‍वारो़म ल्‍वामी।”

यूहन्‍ना 5:24

“आच्‍छाङा गो गानीलाई र्‍वाङु, उहेमका आमा सिजेम थो़सु़, मा गोलाई थु़र्पा पापडला थो़र बु़, मेरामनुङ मेसिपा त्‍वारो़म दु़म। मेम्‍मा मेराम मुमा बेन्‍ला मेसो़सी। गु सिमुलामका त्‍वारो़मडा हुमुदु़म्‍स्‍तु़म बु।

रोमी 5:21

मेराम थारीका छु़लका सिमुलाम रेड्‍डु़ मा मु़चु़मिमडला साखाम थो़डु़म होम्‍साकाङा ओम्‍लो माम्‍चु़नीकु दिदामका साखाम थो़त्तोङा बु़। ओराम दिदामका गुइलाई माम्‍चु़नीकु ङादोडा जो़पा न-गोकाम दु़म्‍बेसाका इकीमा ङाचो़ येशू ख्रीष्‍टलाम हेल्‍लो वो मेसिपा त्‍वारो़म ग्‍वाक्‍साड्‍डामिम बु।

रोमी 2:7

याक्‍के दु़म्‍साका जो़पा खारी बेपाम्‍बाट्‍पा, माम्‍चु़नीकु यु़म-झ्‍वाक्‍सी, जो़पा दु़म्‍सी नुङ हेल्‍लो वो मेसिपा त्‍वारो़म माल्‍मी। मेर्मिमलाई माम्‍चु़नीका हेल्‍लो वो मेसिपा त्‍वारो़म ग्‍वामी।

यूहन्‍ना 10:28

मेर्मिमलाई मेसिपा त्‍वारो़म ग्‍वाक्‍पुमी, मा मेर्मिम हेल्‍लो वो पुयु़ मेलुमी, मा सु़का वो मेर्मिमलाई आमा ल्‍वालामका रोसाका लमु मेचाप्‍सु़।

रेम्‍बेट्‌मिडिम ल्‍वा 21:8

लावो ङिजो़ल्‍पा, थो़र मेलु़पा, घ्रामलु़पा खारी बेपा, मु़चु़ सेट्‌पा, वाङमिम मेसेमनुङ अम्‍पा, मुनाङका थो़पा सो़र्मुनुङमा, ङाटा सेव साट्‌पा नुङ खोत्‍ले लिमाचो़मिम ने गन्‍धक वाक्‍तोङा बेपा ङिमलु़पा मुकु भुल्‍मु गोडा दु़म्‍मी। ओराम ननोम सिसि सो़।”

तीतस 1:2

ओराम थो़र नुङ आच्‍छाङाकु सिजेम थेसिथेट्‌पा नेप्‍चीलाम मेर्मिमका त्‍वारो़म ल्‍वामु लागि लथाक्‍पा दु़म्‍मी। मेराम त्‍वारो़म हेल्‍लो वो लिमा मेथेट्‌पा माम्‍चु़नीका सु़म्‍दिमोलोङा याचे जेम्‍डिम बाइडा।

रोमी 5:17

कोले मु़चु़का बु़डु़म छु़लका खोत्‍ले मु़चु़मिमडला सिमुलाम रेड्‍डु़म होम्‍साका ङा माम्‍चु़नी छो़म न-थो़मनुङमा दु़म्‍साका मु़चु़मिमलाई जो़पा न-गोकाम दु़म्‍बेट्‌मिडी। मेर्मिमका येशू ख्रीष्‍टलाम त्‍वारो़म ल्‍वामी।

रोमी 6:16

गानी उहेमकु ल्‍वा थो़निमा मेराम होम्‍साका बोनी माला मेरामकु डु़ल्‍चो़ दु़म्‍नी। छु़लकु डु़ल्‍चो़ दु़म्‍निमा मेरामकु ल्‍वा थो़नी माला गानी सिनी, लावो माम्‍चु़नीका र्‍वामिमिम थो़नी माला गानी उनीमा ङादोडा जो़पा न-गोकाम दु़म्‍नी।

यूहन्‍ना 17:2

हेङालोने गानी गुलाई ग्‍वाक्‍निम खोत्‍ले मु़चु़लाई मेसिपा त्‍वारो़म ग्‍वाक्‍नु़मी र्‍वाक्‍साका खोत्‍ले मु़चु़डला गुलाई साखाम ग्‍वाक्‍निम बु।

यूहन्‍ना 6:68

सिमोन पत्रुसका गुमीलाई र्‍वाक्‍ता, “ए ङाचो़, गुकु सु़काडा लमु मा? गानीनुङ मेसिपा त्‍वारो़मकु सिजेम बु।

यूहन्‍ना 6:27

फिपामा ब्‍लाम-ब्‍लाम दु़म्‍पा पोमुडुमुकाम लागि ब्राम्‍दु़ल्‍वा मेबेनी, लावो हेल्‍लो वो मेफिपा, मा त्‍वारो़म ग्‍वाक्‍पा पोमुडुमुकाम लागि ब्राम्‍दु़ल्‍वा बेनी, उहेम त्‍वारो़म मिनीचो़का गानीलाई ग्‍वानी। हेङालोने माम्‍चु़नी पापका उनी साखामकु छाप गुडला ओप्‍मिडिम बु।”

१ यूहन्‍ना 2:25

येशू ख्रीष्‍टका गुइलाई हेल्‍लो वो मेसिपा त्‍वारो़म ग्‍वानिनी र्‍वाम्‍डिम बु।

गलाती 3:10

माम्‍चु़नीकु ङादोडा मुमा मान्‍थिम दु़म्‍मु लागि डु़म्‍लागोडाम खारी बेसीडा थो़र बेपा खोत्‍ले मु़चु़मिम वाइतो बेन्‍ला सो़सिमी। हेङालोने माम्‍चु़नीकु सिजेमडा र्‍याक्‍मा बु, “मोशाकु डु़म्‍लागोडा बाट्‍पा खोत्‍ले ल्‍वा जो़होमका मेबेसाका बाट्‍पा खोत्‍ले मु़चु़मिम वाइतो बेन्‍ला सो़सिमी।”

यूहन्‍ना 4:14

लावो गो ग्‍वाक्‍पुमिम कु सु़का डुङु़, मेराम हेल्‍लो वो कोरा मेसि। गो मेरामलाई ग्‍वाक्‍पुमिम कु मेसिपा त्‍वारो़म ग्‍वामु लागि गुगोडा हेल्‍लो लोवो पुट्‌पाम बाट्‌पा कु पुन्‍खोप खोम दु़म।”

यूहन्‍ना 4:36

मा-के हक्‍पाका उ ज्‍याला ल्‍वासु़, मा मेसिपा त्‍वारो़मकाम लागि मा-के खोप्‍डु़। मेम्‍मा मा-के ख्‍लिपा नुङ रु़पा कोयोङा गेर्सिन्‍ची।

रोमी 1:32

आरेप्‍माम मु़चु़का ने सिमुङा घ्रेट्‍पा दु़म्‍मी र्‍वाक्‍पा माम्‍चु़नीलाममिम छो़म जो़पा डु़म्‍ला थो़त्तो थो़त्तोङा वो मेर्मिमका मेप्‍माम ङा खारी बोमी। मेकोति कोङङा मेएँ, आथावो कोर्थो़लाम मेप्‍माम खारी बेपालाई कोमी।

रोमी 6:21

मेम बिलि बेन्‍निम खारीकु दुथाम ओम्‍लो इनी क्रो़म लु़, मेराम ल्‍वाका गानीलाई हाम जो़पा बु़डु़ मा? मेर्मिम खोत्‍ले घ्राम्‍लु़पा खारीका ने सिमुलाम रेडु़।

रोमी 8:6

मिरो़मडाम नसीहोमका दोपा मु़चु़ सिमुलाम ख्‍लकु़। लावो माम्‍चु़नी-पेल होम्‍साका दोपा मु़चु़का ने त्‍वारो़म नुङ नभ्रसी ल्‍वासु़।

रोमी 8:13

हेङालोने इनीमा नसीहोमका दोनी माला गानी सिनी। लावो माम्‍चु़नी-पेलकु यु़मका इनीमा मिरो़मडाम बादु़खाम पार्नी माला गानी त्‍वारो़म ल्‍वानी,

रोमी 8:38

हेङालोने उहेम ल्‍वाका वो ख्रीष्‍टकु रिखामलामका गुइलाई वाङ बोमु मेचाप्‍सा र्‍वाक्‍पा गुइ चडिम बु। ना सिमुलामका ना त्‍वारो़मका ना पाह्रीचो़मिमका ना मुनाङपेलमिमका ना ओम्‍लोम नुङ दिफु दु़म्‍पा ल्‍वामिमका, ना कोङनिम यु़मका,

रोमी 8:39

ना येप्‍पालाम ल्‍वाका, ना घ्‍लु़म्‍पा ल्‍वाका, ना प्रङसिड्‍डाम खोत्‍ले ल्‍वाका, येशू ख्रीष्‍टनुङ बाट्‍पा माम्‍चु़नीकु रिखामलामका गुइलाई वाङ बोमु मेचाप्सा।