रोमी 6:21 - थुलुङ राई

²¹ मेम बिलि बेन्‍निम खारीकु दुथाम ओम्‍लो इनी क्रो़म लु़, मेराम ल्‍वाका गानीलाई हाम जो़पा बु़डु़ मा? मेर्मिम खोत्‍ले घ्राम्‍लु़पा खारीका ने सिमुलाम रेडु़।

रोमी 6:21 Referans Kwoze

रोमी 1:32

आरेप्‍माम मु़चु़का ने सिमुङा घ्रेट्‍पा दु़म्‍मी र्‍वाक्‍पा माम्‍चु़नीलाममिम छो़म जो़पा डु़म्‍ला थो़त्तो थो़त्तोङा वो मेर्मिमका मेप्‍माम ङा खारी बोमी। मेकोति कोङङा मेएँ, आथावो कोर्थो़लाम मेप्‍माम खारी बेपालाई कोमी।

रोमी 7:5

गुइ कोबिलि इकीमा मिरो़मडाम बादीखाम होम्‍साका दोस्‍थाल्‍ली। मेम्‍लो डु़म्‍लाका इकीमा न होम्‍साका दोमु लागि गुइलाई कोमुमा छु़लथो़ लाम बबेसाका गुइगोडा सिमुलाम रेथाल्‍लु़।

रोमी 6:23

हेङालोने छु़लकु खारी बेपा मु़चु़का ने सिमुलाम रेडु़, लावो माम्‍चु़नीका मेडेङा ग्‍वाक्‍साड्‍डामिम राप्‍लावा ने इकीमा ङाचो़ येशू ख्रीष्‍टडाम हेल्‍लो मेसिपा त्‍वारो़म सो़।

१ यूहन्‍ना 2:28

आमा चो़च्‍चो़ होप्‍माम मु़चु़नी, ख्रीष्‍टडा बानिम बानी, मेम्‍साका गुमी रेम्‍बेम्‍सिप्‍मिलो मेङिसिनु़ मा गुमी योमिलो उनी ङादोडा इकीमा क्रो़म मेलु़नु़।

हिब्रू 6:8

लावो मेराम ये-दका चु़ नुङ चोङ्‍खी कोङङा ल्‍याबेड्‌डु़ माला मेराम हाम ना हामकाम दु़म। आरेप्‍माम ये-द ने माम्‍चु़नीका वाइतो बेन्‍मी मा चङ्‌डा मेराम मुका बुक्‍तु़र ख्‍या।

रोमी 8:13

हेङालोने इनीमा नसीहोमका दोनी माला गानी सिनी। लावो माम्‍चु़नी-पेलकु यु़मका इनीमा मिरो़मडाम बादु़खाम पार्नी माला गानी त्‍वारो़म ल्‍वानी,

रोमी 8:6

मिरो़मडाम नसीहोमका दोपा मु़चु़ सिमुलाम ख्‍लकु़। लावो माम्‍चु़नी-पेल होम्‍साका दोपा मु़चु़का ने त्‍वारो़म नुङ नभ्रसी ल्‍वासु़।

रेम्‍बेट्‌मिडिम ल्‍वा 20:14

मेम्‍मा सिमु नुङ खादी मुकु भुल्‍मु गोडा छाघ्रोसिक्‍ची। मे मुकु भुल्‍मु ननोम सिमु सो़।

रेम्‍बेट्‌मिडिम ल्‍वा 16:6

हेङालोने मेर्मिमका इनीमा मु़चु़मिम नुङ गानीलाम जेपामिमकु सिसि हाट्‌मिडिम बु, मा गानी मेर्मिमलाई सिसि डुमु ग्‍वाक्‍निमी बु। मेम बोमुका घ्रेट्‌पा मेर्मिम सो़।”

१ पत्रुस 4:17

हेङालोने माम्‍चु़नीकु मु़चु़मिमलामकाङा निया दु़म्‍मु चो़म्‍सिक्‍पा थारी रोक्‍ताम बु। निया दु़म्‍मु गुइलामकाङा चो़म्‍सी माला ने माम्‍चु़नीकु जो़पा-सेला होम्‍साका दोमु मेद्‌वाक्‍पामिमलाई ने हाम दु़म?

याकूब 5:20

ओराम चनी: उहेमका कोले छु़लचो़लाई मेजो़पा लाम्‍दीलामका ख्‍लोकु़मा रेडु़, मेरामका मे छु़लचो़लाई सिमुलामका सेलु़, मा गुका मेरामकु हापा छु़लमिम माम्‍चु़नीलाम हेम्‍बेसाडु़।

याकूब 1:15

मा मेराम मेजो़पा ल्‍वा न-गोडा हु, मा छु़ल ग। छु़ल बर्तो लमा सिमुलाम रेडु़।

हिब्रू 10:29

मेम माला ने माम्‍चु़नीकु तारापाचो़लाई खेल गोयु़ देम्‍पा, गुलाई सेपा दु़म्‍बेड्‌डु़म सो़रख्रेप्‍सीकु सिसि मेसेपा दु़म्‍बेट्‌पा, मा दिदाम रेम्‍बेपा माम्‍चु़नी-पेललाई डक्‍पा मु़चु़ हाङको हापा इम्‍मु मेझापा देन्‍दे ल्‍वामुका घ्रेट्‌पा दु़म र्‍वाक्‍पा गानी लु़नी?

२ कोरिन्‍थी 7:11

माम्‍चु़नीकु न होम्‍साका इनीमा न नो़डाम ल्‍वाका गानीगोडा हाम बु़डु़म बु र्‍वाक्‍पा मिम्‍नी। ओराम ल्‍वाका गानीगोडा त्‍वापलाई आच्‍छाङा जो़पा बोमु माल्‍पा हाङकोम इनीमा न, मेम्‍मा हाङकोम छोक्‍चो, हाङकोम ङिम, गोनुङ घ्रो़म्‍मु हाङकोम न, हाङकोम इनी पाउ मेसोक्‍पा, छु़ल बेपालाई देन्‍दे ग्‍वाक्‍पा हाङकोम न रेड्‍डु़म बु। खोत्‍ले ल्‍वाडा गानी इनी त्‍वापलाई हाम वो मेख्‍लो़ट्‌पा रेम्‍बेन्‍निम बु।

फिलिप्‍पी 3:19

मेर्मिमकु लखोप ने पुयु़लुक्‍पाथो़, मेर्मिमकु मिरो़मका हाम मालु़ मेराम होम्‍साका बुमी-दोमी, मा मेर्मिम उनी क्रो़मलु़मु बासिक्‍पा ल्वाडा डोक्‍पु लिम्‍सिमी। मेर्मिमकु न सुबुडा बाट्पा ल्‍वामिमडा बु।

रोमी 5:12

सु़म्‍दिमोलोम मु़चु़ आदमलामका सुबुडा छु़ल गस्‍ता मा मेराम छु़लका सिमुलाम रेड्‍डु़। आरेसाका खोत्‍ले मु़चु़मिमका छु़ल बेम्‍डिमका खोत्‍ले मु़चु़डा सिमुलाम छास्‍ता।

रोमी 6:16

गानी उहेमकु ल्‍वा थो़निमा मेराम होम्‍साका बोनी माला मेरामकु डु़ल्‍चो़ दु़म्‍नी। छु़लकु डु़ल्‍चो़ दु़म्‍निमा मेरामकु ल्‍वा थो़नी माला गानी सिनी, लावो माम्‍चु़नीका र्‍वामिमिम थो़नी माला गानी उनीमा ङादोडा जो़पा न-गोकाम दु़म्‍नी।

२ कोरिन्‍थी 4:2

गुकु क्रो़म लु़पा नुङ थसिसाका बेपा खारी मेबोकु। गुकु लु-फेले वो मेबोकु, मा माम्‍चु़नीकु सिजेम वो मेफाल्‍कु। लावो गुकु आच्‍छाङाकु सिजेम जो़होमका सीकुमी, मा माम्‍चु़नीकु ङादोडा गुकु हेप्‍माम मु़चु़ बुकु रेछा र्‍वाक्‍पा ल्‍वा खोत्‍ले थो़रलु़इमिम मु़चु़मिमका उनीमा न-गोडा चमु चाम्‍मी।