रोमी 6:2 - थुलुङ राई

² मेम ने मेदु़म्‍नु़! गुइ छु़लकाम लागि सिइडिम बु, हाम आथावो गुइ छु़लङा बोमुम बुमु मा?

रोमी 6:2 Referans Kwoze

१ यूहन्‍ना 3:9

माम्‍चु़नीलाम गक्‍पा उहेम मु़चु़का वो छु़ल बु़होम मेबु, हेङालोने माम्‍चु़नीकु त्‍वारो़म मेराम मु़चु़ गोनो दु़म। मेराम मु़चु़का छु़ल बु़होम मेबु, हेङालोने मेराम मु़चु़ माम्‍चु़नीलाम गस्‍ताम सो़।

कलस्‍सी 3:3

हेङालोने ङादोम इनीमा बासी-दोसी हुक्‍ताम बु मा इनीमा आच्‍छाङाकु त्‍वारो़म माम्‍चु़नीडा ख्रीष्‍टनुङ थक्‍मा बु।

रोमी 7:4

आमा वा-ल्‍वाकनी, गानी वो ख्रीष्‍टकु मिरो़मनुङ डु़म्‍लाकाम लागि सिन्‍निम बु। मेम्‍मिमका जो़पा मा-के सिन्‍बेडिमिम होम्‍साकाङा माम्‍चु़नीकु जो़पा खारी बोमु चापा दु़म्‍मु लागि गुइ ने सिमुलाम बग्‍गेसाका त्‍वारो़म ल्‍वापानुङ कोले दु़म्‍सी।

१ पत्रुस 2:24

गुमीका इकी छु़लमिम उनीमा मिरो़मडा क्रूसडला कुर्मिडी। उनीमा पारमिमका गानी सन्‍निम बु। मेम्‍साका छु़ल मेबिइनु़ मा माम्‍चु़नीकु न-गो होम्‍साका नु़इनु़।

गलाती 2:19

हेङालोने गो डु़म्‍ला होम्‍साका दोमु माल्‍तोलो डु़म्‍लाका गोलाई मुमा बेट्‌ङिडी। मेम्‍मिमका गो माम्‍चु़नीकाम लागि नु़पा दु़म्‍मु चापुनु़ र्‍वाक्‍साका डु़म्‍ला होम्‍साका गो दोमु डित्तो।

रोमी 7:6

ओम्‍लो गुइ ख्रीष्‍टनुङङा सिइडिमका डु़म्‍लालाम वाङ दु़स्‍तिम बु। आथा ने गुइ माकेम र्‍याक्‍मा डु़म्‍लाका र्‍वामिम होम्‍साका मेएँ, लावो माम्‍चु़नी-पेललाम लाले त्‍वारो़म होम्‍साका लाले-पाङके बिइ।

१ पत्रुस 1:14

माम्‍चु़नीका र्‍वामिमिम थो़पा चो़च्‍चो़मिम होङङा गानी बोमु-दोमु बासी। ङादो बिलि आच्‍छाङाकाम ल्‍वा मेचक्‍साका इनी नकु कोकोक्‍सीका मेजो़पा बेन्‍निम होङङा मेबेनी।

कलस्‍सी 2:20

गानी ख्रीष्‍टनुङ सिन्‍नी मा सु़म्‍दिसेरडाम मु़चु़मिमका बेम्‍खेम्‍डिम डु़म्‍लाडाम वाङ दु़म्‍निम बु। मेम माला हेङा ओ सु़म्‍दिसेरडाम मु़चु़ होङङा दु़म्‍साका मेर्मिम बोनिम बुनी?

गलाती 6:14

लावो गो ने वाङमिम ल्‍वाडा मेएँ, येशू ख्रीष्‍टकु क्रूसडा कोङङा आमा नो़ डोक्‍पु बेउ। उनीमा क्रूसलामङा आमा लागि सु़म्‍दिसेर सिडाम बु, मा सु़म्‍दिसेरकाम लागि गो सिङ्‌डोम बु।

रोमी 5:11

आकोति कोङङा मेएँ, लावो इकीमा ङाचो़ येशू ख्रीष्‍टलाम गुइ माम्‍चु़नीडा गेर्सिक्‍तोङा बिइ, हेङालोने ख्रीष्‍टकाङा गुइलाई माम्‍चु़नीनुङ इकीमा न-थो़म घ्रो़म्‍बेसाका ङोप्‍सो़ दु़म्‍बेसाड्‍डामिम बु।

लूका 20:16

गु रोमा मे बोम्‍था बेपा मु़चु़मिमलाई सेडु़मी, मा अङ्‍गूर ये कोङमीलाई ङा ग्‍वाकु़मी।” मु़चु़मिमका ओराम थो़म्‍डिमा र्‍वाम्‍डी, “आरेप्‍माम हेल्‍लो वो मेदु़म्‍नु़।”

रोमी 6:15

हाम गुइ डु़म्‍लाकु साखाम गोडा मेबुइ, लावो दिदामकु साखामगोडा बुइ र्‍वाक्‍साका गुइ छु़ल बोमु? आरेप्‍माम ने हेल्‍लो वो मेएँ।