रोमी 6:14 - थुलुङ राई

¹⁴ छु़लका गानीडला साखाम मेथो़डु़, हेङालोने गानी डु़म्‍लाकु साखामगोडा मेबुनी, गानी ने माम्‍चु़नीकु दिदामगोडा बुनी।

रोमी 6:14 Referans Kwoze

गलाती 5:18

लावो गानी माम्‍चु़नी-पेलका र्‍वामिम होम्‍साका लाम्‍दिनी माला गानीलाई डु़म्‍लाका बन्‍थामु मेचाम्‍नी।

रोमी 8:2

हेङालोने ख्रीष्‍ट येशूलाम त्‍वारो़म ल्‍वापा, माम्‍चु़नी-पेलकु डु़म्‍लाका छु़ल नुङ सिमुलाम रेट्‍पा डु़म्‍लाडाम गोलाई सेल्‍ङिडिमिम बु।

हिब्रू 8:10

मिप्रङमाका आथावो र्‍वामी, रोक्‍पा थारीका इस्राएलडाम मु़चु़मिमनुङ गो ओराम सो़रख्रेपु, मेर्मिमकु नगोडा आमा डु़म्‍ला जु़लु मा उनीमा नगोनो र्‍याक्‍साक्‍पुमी, गो मेर्मिमकु माम्‍चु़नी दु़म्‍ङु मा मेर्मिम आमा मु़चु़ दु़म्‍मी।

रोमी 6:12

मेम्‍मिमका त्‍वाकु मिरो़म होम्‍साका दोमु मेबासिनु़ र्‍वाक्‍साका इनीमा सिपामा लक्‍पा मिरो़मका आथावो छु़ल बोमु मेग्‍वाक्‍नी।

यूहन्‍ना 8:36

मेम्‍मिमका तारापाचो़का गानीलाई फ्‍वाक्‍नी माला आच्‍छाङा गानी फ्‍वान्‍सिनी।

यूहन्‍ना 1:17

हेङालोने माम्‍चु़नीका मोशालामका डु़म्‍ला ग्‍वाक्‍साड्‌डामी, लावो दिदाम नुङ आच्‍छाङाकाम ल्‍वा ने येशू ख्रीष्‍टलाम रेम्‍बेम्‍डी।

गलाती 3:23

ख्रीष्‍ट रोमु ङादो, माम्‍चु़नीका ओराम थो़र गुइलाई मेरेम्‍बेसावामिमसम्‍म, गुइ खोत्‍ले डु़म्‍लालाम चसिड्‌डिम बाइडा।

रोमी 8:12

मेम्‍मिमका वा-ल्‍वाकनी, इकीमा मिरो़मडाम नसीहोमका बोमु ङा बासी र्‍वाक्‍पा मिबु।

मत्ती 1:21

गुका कोले तारापाचो़ कक्‍सु़, मा गाना उनीमा नङ येशू बाबेना, हेङालोने गुमीका उनी त्‍वाकु मु़चु़मिमलाई मेर्मिमकु छु़लमिमडाम सेल्‍मी।”

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

गलाती 4:21

गानी मोशाकु डु़म्‍लागोडा बुमु माल्‍पामिमका गोलाई र्‍वाक्‍नी, डु़म्‍लाका हाम र्‍वाक्‍ताम बु हाम गानी मेचनी?

रोमी 11:6

ओराम ने दिदामलामका दु़स्‍ताम सो़, मेर्मिमकु जो़पा खारीलाम मेएँ, जो़पा खारी बेसाका मेम दु़म्‍सावाम माला माम्‍चु़नीकु दिदाम ङा मेदु़म्‍सावा।

रोमी 4:16

माम्‍चु़नीका याचेजेम्‍डिम ल्‍वा ने थो़रलाम ल्‍वासिक्‍पामिमका ओराम माम्‍चु़नीकु दिदामलाम रो। ओरामका डु़म्‍ला होम्‍साका दोपा अब्राहामकु खोत्‍ले चो़-चु़सु़मिमकाम लागि कोङङा मेएँ, लावो अब्राहाम होम्‍साका थो़रलु़पा मु़चु़मिमका वो आच्‍छाङा ल्‍वामी। हेङालोने थो़रलु़पामिमकु ङाउ-खुउ ने अब्राहाम सो़।

रोमी 6:15

हाम गुइ डु़म्‍लाकु साखाम गोडा मेबुइ, लावो दिदामकु साखामगोडा बुइ र्‍वाक्‍साका गुइ छु़ल बोमु? आरेप्‍माम ने हेल्‍लो वो मेएँ।

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

रोमी 5:17

कोले मु़चु़का बु़डु़म छु़लका खोत्‍ले मु़चु़मिमडला सिमुलाम रेड्‍डु़म होम्‍साका ङा माम्‍चु़नी छो़म न-थो़मनुङमा दु़म्‍साका मु़चु़मिमलाई जो़पा न-गोकाम दु़म्‍बेट्‌मिडी। मेर्मिमका येशू ख्रीष्‍टलाम त्‍वारो़म ल्‍वामी।

रोमी 5:18

हेसाका कोले मु़चु़कु छु़लका खोत्‍ले मु़चु़मिमका सिमु बासिक्‍पा देन्‍दे ल्‍वाम्‍डी, मेराम होम्‍साकाङा कोले मु़चु़का माम्‍चु़नीकु ङादोडा जो़पा खारी बेसाका मुमा मान्‍थिम दु़म्‍बेसाका त्‍वारो़म रेड्‍डु़।