रोमी 6:11 - थुलुङ राई

¹¹ आरेसाकाङा गानी इनी त्‍वाप वो छु़लकाम लागि सिन्‍नी, लावो माम्‍चु़नीकाम लागि ने ख्रीष्‍ट येशूनुङङा नु़पा बुनी र्‍वाक्‍पा मिम्‍सिट्‍नी।

रोमी 6:11 Referans Kwoze

१ कोरिन्थी 6:20

गानीलाई माम्‍चु़नीका थि सोक्‍साका भ्रेन्‍निमिम सो़। मेम्‍मिमका गानी इनी मिरो़मकाङा माम्‍चु़नीलाई डोक्‍पु बेनी।

रोमी 6:2

मेम ने मेदु़म्‍नु़! गुइ छु़लकाम लागि सिइडिम बु, हाम आथावो गुइ छु़लङा बोमुम बुमु मा?

रोमी 6:13

त्‍वाकु मिरो़मडाम अंगमिमलाई मेजो़पा खारी बेबेसाका छु़लकु ल्‍वाड्‍डा मेग्‍वाक्‍नी। लावो सिमुलाम बक्‍साका त्‍वारो़म ल्‍वापा मु़चु़मिम होङङा इनीमा खोत्‍ले त्‍वारो़म माम्‍चु़नीडा जु़ल्‍नी मा त्‍वाकु अंगमिमलाई जो़पा खारी बोमु लागि गुमीलाई ग्‍वाक्‍नी।

कलस्‍सी 3:17

जेमुडा लोवो खारी बोमुडा लोवो गानी हा-हाम बोनी ङाचो़ येशूकु नङडा ओर्मिम खोत्‍ले बेनी, मा गुमीलामका माम्‍चु़नी पापलाई आलासो़ ग्‍वाक्‍नी।

रोमी 8:18

ओम्‍लो गुइ इम्‍डिमिम दु़खानुङ गुमीका गुइडला दिफु रेम्‍बोमिमिम यु़म झ्‍वाक्‍सी थो़म्मु मेघ्रेट्‍पा बु।

१ पत्रुस 2:5

गानीलाई वो माम्‍चु़नीका नु़पा लुङ होप्‍माम दु़म्‍बेसाका सो़रलोले दु़म्‍पा नेम बनेबोनिमी। गानी येशू ख्रीष्‍टलाम माम्‍चु़नीलाई गेर्सीबेट्‌पा उनीमा सेपा डु़म्‍लाचो़ बुनी।

एफिसी 2:7

रोक्‍पा थारीमिमडा हेल्‍लो लोवो गुइलाई बेसाड्‌डामिम डोक्‍पु रिखाम रेम्‍बोमुलाई ओर्मिम खोत्‍ले बेम्‍डी। ओराम रिखाम गुमीका गुइलाई ङाचो़ येशू ख्रीष्‍टलामका रेम्‍बेम्‍डिम बु।

यूहन्‍ना 20:31

येशूङा माम्‍चु़नीकु तारापाचो़ ख्रीष्‍ट, मा थो़र बेसाका उनीमा नङडा गानी त्‍वारो़म ल्‍वामु चाम्‍निनु़ र्‍वाक्‍साका ओर्मिम ल्‍वा र्‍यास्‍ताम।

१ पत्रुस 4:11

कोङनिम मु़चु़ जे माला माम्‍चु़नीकु सिजेम जेमिम होङङा मेरामका जेनु़। चापे-डुपे बु़ माला माम्‍चु़नीका ग्‍वामिमिम सोका बु़नु़। मेम्‍साका खोत्‍ले ल्‍वाडा येशू ख्रीष्‍टलामका माम्‍चु़नीकु नङ कोसिनु़। उनीमाङा हेल्‍लो लोवो यु़म नुङ यु़म झ्‍वानु़म बुनु़। आमेन।

फिलिप्‍पी 1:11

माम्‍चु़नीलाई डोक्‍पु बोमु नुङ उनीमा नङ कोमु लागि येशू ख्रीष्‍टका गानीलाई जो़पा बेसी-दोसी बेपा दु़म्‍बेनिमिनु़।

रोमी 5:1

मेम्‍मिमका थो़रलाम जो़पा न-गोकाम दु़स्‍तिम बु मा इकीमा ङाचो़ येशू ख्रीष्‍टलाम माम्‍चु़नीनुङ इकीमा न-थो़म घ्रो़म्‍बेसाड्‍डामिम बु।

रोमी 6:23

हेङालोने छु़लकु खारी बेपा मु़चु़का ने सिमुलाम रेडु़, लावो माम्‍चु़नीका मेडेङा ग्‍वाक्‍साड्‍डामिम राप्‍लावा ने इकीमा ङाचो़ येशू ख्रीष्‍टडाम हेल्‍लो मेसिपा त्‍वारो़म सो़।

फिलिप्‍पी 4:7

मेम्‍मा खोत्‍ले थेसिथेन्मुडाम वो डोक्‍पु माम्‍चु़नीकु न भ्रसी बेसीका ख्रीष्‍ट येशूडा इनीमा न नुङ गो बोमी-थार्मी।

रोमी 16:27

खोत्‍लेम थोक थेट्‍पा चक्‍पा माम्‍चु़नीकाम येशू ख्रीष्‍टलाम हेल्‍लो लोवो यु़म-झ्‍वानु़म बुनु़। आमेन।

रोमी 6:10

छु़लकाम लागि ख्रीष्‍ट कोखेप सिम्‍डिमका गुमीडला छु़लका घ्‍ल्‍वामु मेचाप्‍सु़। मेम्‍मा माम्‍चु़नीकाम लागि गुमी हेल्‍लो लोवो नु़पा दु़म्‍मिम बुमी।

रोमी 7:4

आमा वा-ल्‍वाकनी, गानी वो ख्रीष्‍टकु मिरो़मनुङ डु़म्‍लाकाम लागि सिन्‍निम बु। मेम्‍मिमका जो़पा मा-के सिन्‍बेडिमिम होम्‍साकाङा माम्‍चु़नीकु जो़पा खारी बोमु चापा दु़म्‍मु लागि गुइ ने सिमुलाम बग्‍गेसाका त्‍वारो़म ल्‍वापानुङ कोले दु़म्‍सी।

रोमी 7:6

ओम्‍लो गुइ ख्रीष्‍टनुङङा सिइडिमका डु़म्‍लालाम वाङ दु़स्‍तिम बु। आथा ने गुइ माकेम र्‍याक्‍मा डु़म्‍लाका र्‍वामिम होम्‍साका मेएँ, लावो माम्‍चु़नी-पेललाम लाले त्‍वारो़म होम्‍साका लाले-पाङके बिइ।

कलस्‍सी 2:20

गानी ख्रीष्‍टनुङ सिन्‍नी मा सु़म्‍दिसेरडाम मु़चु़मिमका बेम्‍खेम्‍डिम डु़म्‍लाडाम वाङ दु़म्‍निम बु। मेम माला हेङा ओ सु़म्‍दिसेरडाम मु़चु़ होङङा दु़म्‍साका मेर्मिम बोनिम बुनी?

१ पत्रुस 2:24

गुमीका इकी छु़लमिम उनीमा मिरो़मडा क्रूसडला कुर्मिडी। उनीमा पारमिमका गानी सन्‍निम बु। मेम्‍साका छु़ल मेबिइनु़ मा माम्‍चु़नीकु न-गो होम्‍साका नु़इनु़।