रोमी 6:10 - थुलुङ राई

¹⁰ छु़लकाम लागि ख्रीष्‍ट कोखेप सिम्‍डिमका गुमीडला छु़लका घ्‍ल्‍वामु मेचाप्‍सु़। मेम्‍मा माम्‍चु़नीकाम लागि गुमी हेल्‍लो लोवो नु़पा दु़म्‍मिम बुमी।

रोमी 6:10 Referans Kwoze

२ कोरिन्‍थी 5:21

माम्‍चु़नीका ख्रीष्‍टडा गुइलाई उनी त्‍वाकु ङादोडा जो़पा न-गोकाम दु़म्‍बेन्‍मु लागि हेल्‍लो वो छु़ल मेबेपा ख्रीष्‍टलाई इकीमा छु़ल कुर्बेट्‌मिडी।

१ पत्रुस 4:6

मेम्‍मिमका हेल्‍लो वो मेसिपा त्‍वारो़म मेल्‍वापामिमलाई जो़पा-सेला थो़बेट्‌मिडी, मा खोत्‍ले मु़चु़ होङङा मेर्मिम सिमुङा बासावा लोवो आथा ने मेर्मिम पेलडा माम्‍चु़नीनुङ हेल्‍लो लोवो नु़मिम बुमिनु़।

१ पत्रुस 3:18

इकीमा छु़लमिमकाम लागि ख्रीष्‍ट सिम्‍डी। कोखेप गुमी सिम्‍डिम बाइडा, आथा ने सिमु मेबासी। गुमीका हेल्‍लो वो छु़ल मेबेमिवा लावो गानीलाई माम्‍चु़नीकाडा रेन्‍मु छु़लचो़मिमकाम लागि गुमी सिम्‍डी। मिरो़मडा सिसाका गुमीका दु़खा ल्‍वाम्‍डी, लावो पेलडा गुमी नु़साका बम्‍गेम्‍डी।

२ कोरिन्‍थी 5:15

गुमी खोत्लेकाम लागि सिम्डी। मेम्‍मिमका लाले त्‍वारो़म ल्‍वापामिमका आथाडा आनो त्वाकाम लागि मेएँ, लावो ख्रीष्‍टकाम लागि नु़मु बासी, गुमी मेर्मिमकाम लागि सिम्‍डी मा सिमुलाम बम्‍गेम्‍डिम।

रोमी 8:3

छु़लनुङमा मु़चु़कु बादीखामका डु़म्‍ला होम्‍साका दोसाका बोमु मेचापा ल्‍वा माम्‍चु़नी उनी त्‍वाकाङा बेम्‍डी। माम्‍चु़नीका उनीमा त्‍वाकु तारापाचो़लाई छु़लचो़ मु़चु़ होप्‍माम दु़म्‍बेसाका थु़र्मिडी, मेम्‍मा मु़चु़मिमकु छु़ल हेम्‍मु लागि उनीमा तारापाचो़कु मिरो़म सासेसाका देन्‍दे ग्‍वाम्‍डी।

रोमी 6:11

आरेसाकाङा गानी इनी त्‍वाप वो छु़लकाम लागि सिन्‍नी, लावो माम्‍चु़नीकाम लागि ने ख्रीष्‍ट येशूनुङङा नु़पा बुनी र्‍वाक्‍पा मिम्‍सिट्‍नी।

लूका 20:38

गुमी सिपा मु़चु़मिमकु माम्‍चु़नी मेएँ। लावो नु़पा मु़चु़मिमकु माम्‍चु़नी सो़। हेङालोने उनीमा लागि खोत्‍ले मु़चु़मिम नु़पा बुमी।”

रोमी 6:9

ख्रीष्‍ट सिमुलाम बम्‍गेम्‍डिम बु, मा गुमी हेल्‍लो वो मेसिमी र्‍वाक्‍पा ल्‍वा गुइ चडिम बु। मेम्मिमका आथाडा आनो गुमीलाई सिमुका घ्‍ल्‍वामु मेचाप्‍सु़।