रोमी 5:9 - थुलुङ राई

⁹ गुमी सासेन्‍ला सो़सिम्‍डिमा उनीमा सिसिलामका गुइलाई माम्‍चु़नीकु ङादोडा जो़पा न-गोकाम दु़म्‍बेसाड्‍डामी। मेम्‍मिमका गुमीका गुइलाई माम्‍चु़नीकु छोक्‍चोलामका आच्‍छाङा गेसाड्‍डामी।

रोमी 5:9 Referans Kwoze

१ थेसलोनिकी 1:10

मेर्मिमका आरे वो र्‍वामी, माम्‍चु़नीका सिमुलाम फम्‍डिम पाह्रीलाम योक्‍पा उनीमा तारापाचो़ येशूलाई गानी लन्‍थानिमिम बु ए। रोमुखापा ङिमलु़पा माम्‍चु़नीकु नियाडाम येशूका गुइलाई वाङ बेसामी।

रोमी 8:1

मेम्‍मिमका ख्रीष्‍ट येशूडा थो़रलु़पामिमलाई माम्‍चु़नीका देन्‍दे मेग्‍वामी।

एफिसी 2:13

गानी मेराम थारीका माम्‍चु़नीडाम होनोवा बान्‍नी, लावो आथा ने माम्‍चु़नीका ख्रीष्‍टकु सिसिलाम गानीलाई उनीमा फार्डा रेट्‌निमिम बु।

यूहन्‍ना 5:24

“आच्‍छाङा गो गानीलाई र्‍वाङु, उहेमका आमा सिजेम थो़सु़, मा गोलाई थु़र्पा पापडला थो़र बु़, मेरामनुङ मेसिपा त्‍वारो़म दु़म। मेम्‍मा मेराम मुमा बेन्‍ला मेसो़सी। गु सिमुलामका त्‍वारो़मडा हुमुदु़म्‍स्‍तु़म बु।

रोमी 5:1

मेम्‍मिमका थो़रलाम जो़पा न-गोकाम दु़स्‍तिम बु मा इकीमा ङाचो़ येशू ख्रीष्‍टलाम माम्‍चु़नीनुङ इकीमा न-थो़म घ्रो़म्‍बेसाड्‍डामिम बु।

रोमी 1:18

पाह्रीलाम माम्‍चु़नी पापकाम छोक्‍चो मु़चु़मिमकु छु़ल नुङ मेजो़पा खारीकु कोर्थो़लाम रेम्‍बेसिड्‍डाम बु। मेर्मिमकाम उनीमा त्‍वाकु मेजो़पा खारीकाङा आच्‍छाङाकाम सीसि रिप्‍डु़म बु।

हिब्रू 9:22

आच्‍छाङा र्‍वामु माला डु़म्‍लाका र्‍वामिम होम्‍साका ने खोत्‍लेमथोक सिसिका सेपा दु़म्‍बेडु़, मा सिसि मान्‍थि ने छु़ल मेहेम्‍सी।

हिब्रू 9:14

लावो येशूकु सिसिका ने ओरामडाम छो़म डोक्‍पु खारी बु़। येशू मुमा मान्‍थिम दु़म्‍साका हेल्‍लो लोवो दु़म्‍पाम बाट्‍पा माम्‍चु़नी-पेललाम माम्‍चु़नीडा सासेन्सिम्‍डी। उनीमा सिसिका सिमुलामथो़ लक्‍पा खारीलामका गुइलाई ख्‍लोक्‍सा मा इकीमा मेजो़पा न-गोलाई सेपा दु़म्‍बेडु़। मेम्‍मा गुइलाई हेल्‍लो लोवो दु़म्‍पा माम्‍चु़नीकु खारी बोमु चापा दु़म्बेसा।

रोमी 8:30

गुमीका ङादोङा छेट्‌मिडिम मु़चु़मिमलाई वो येट्‌मिडी मा मेर्मिमलाई उनीमा ङादोडा जो़पा नगोकाम दु़म्‍बेट्‌मिडी। मेम्‍मा जो़पा न-गोकाम दु़म्‍पामिमलाई गुमीका यु़म-झ्‍वाक्‍सी ल्‍वापा वो दु़म्‍बेट्‌मिडी।

१ यूहन्‍ना 1:7

माम्‍चु़नी ओलडा बुमिमिम होङङा गुइ वो ओलडा बुइ-दोसी माला कोलेकाम कोङमीडला इकीमा हेमकेम दु़म। मेम्‍मा उनीमा तारापाचो़ येशूकु सिसिका खोत्‍ले इकीमा छु़लडाम गुइलाई छेको-छेको बेसा।

रोमी 5:10

गुइ माम्‍चु़नीकु स्‍वाक्‍चिमो मु़चु़ बाइडिलो ने उनीमा तारापाचो़ ख्रीष्‍ट सासेट्‌मिडिमा गुमीनुङ न-थो़म घ्रो़म्‍बेट्‌मिडिम बाइडा माला, आथा ने गुइ गुमीनुङ न-थो़म घ्रो़म्‍बेडिमका गुमीका ख्रीष्‍टकु त्‍वारो़मलाम आथावो गुइलाई सेल्‍सामी।

एफिसी 2:3

गुइ वो कोखेप मेर्मिम होप्‍मामङा बाइडी। त्‍वाकु मिरो़म नुङ नका र्‍वाक्‍ताम मेजो़पा ल्‍वा होम्‍साका दोस्‍थाल्‍ली। मेम्‍साका इकीमा त्‍वाकु मेजो़पा न होम्‍साका दोसिवाम माला गुइ वो वाङमिम होम्‍साकाङा माम्‍चु़नीकु देन्‍दे ल्‍वामु बासिक्‍पा बाइडा।