रोमी 5:5 - थुलुङ राई

⁵ हाम-हुम ल्‍वामु लागि हेल्‍लो वो इनी पाउ मेसोनु़। हेङालोने माम्‍चु़नी-पेललाम उनीमा रिखाम इकीमा न-गोडा देम्‍बेट्‌मिडिम बु।

रोमी 5:5 Referans Kwoze

गलाती 4:6

गानी माम्‍चु़नीकु जाउमो तारापाचो़ दु़म्‍निमका गुमीका उनी त्‍वाकु तारापाचो़कु पेल इकीमा नगोडा थु़र्मिडी, मेराम पेलका माम्‍चु़नीलाई “ए अब्‍बा, ए पाप” र्‍वाक्‍साका र्‍वामी।

फिलिप्‍पी 1:20

गो छो़म बोमु मालुमिम नुङ आमा न ओरामङा सो़, हामता वो आमा क्रो़म लु़मु बासिक्‍पा मेदु़म्‍ङु, लावो आमा रुखु छो़म फिन्‍सिक्‍पा दु़म, मेम्‍साका सिङुनु़का बुङुनु़ मेलामका आमा मिरो़मडा हेल्‍लो लोवो दु़म्‍मिम होम्साका ओम्‍लो वो ख्रीष्‍ट डोक्‍पु दु़म्‍मी।

२ तिमोथी 1:12

मेम्‍मिमका गो ओर्मिम ल्‍वाकु दुथाम दु़खा इम्‍तोङा लेट्‌पु, लावो ओरामडाम आमा क्रो़म मेलु़। हेङालोने सु़डला थो़र लु़ङडोम बु गो छेपु गुमी येशू। मेम्‍मा गुमीका गोलाई ग्‍वाङ्‌डिमिम खारीडा सु़म्‍दिसेर हुक्‍पा थारीसम्‍म बोङिमी-थार्ङिमी र्‍वाक्‍पा लु़ङ्‌डोम बु।

२ कोरिन्‍थी 1:22

गुइ गुमीकाम ङा र्‍वाक्‍साका गुमीका गुइडला उनीमा छेखोप ओप्‍मिडिम बु मा ङादो ग्‍वाक्‍पा बैना होप्‍मामङा इकीमा न-गोडा माम्‍चु़नी-पेल ग्‍वाक्‍साड्‌डामिम बु।

१ यूहन्‍ना 4:19

गुइ रिखाम बेबी, हेङालोने ङादो माम्‍चु़नीका गुइलाई रिखाम बेसाड्‌डामी।

एफिसी 1:13

मेम्साका गानी वो आच्‍छाङाकु सिजेम, सेल्सिक्‍पा जो़पा-सेला थो़न्‍निमा ख्रीष्‍टडा थो़र बेन्‍नी। मेम्मिमका माम्‍चु़नीका ङादो याचे जेम्‍डिम माम्‍चु़नी-पेल गानीलाई ग्‍वाक्‍साका उनीमा मु़चु़ र्‍वाक्‍पा छाप ओप्‍मिडिम बु।

थु़र्मा 2:33

माम्‍चु़नीका येशूलाई कोम्‍डिमा उनी जो़पलाम जु़ल्‍मिडी, मा ङादोङा माम्‍चु़नीका र्‍वाम्‍डिम होम्‍साका येशूका माम्‍चु़नी-पेल रम्‍डी। मेराम पेल अम्‍डिम ङा ओम्‍लो गानी ल्‍वानिमिम थो़निमिम सो़।

एफिसी 4:30

गानीगोडा बाट्‌पा माम्‍चु़नी-पेललाई इनी बासी-दोसीलामका मेभ्रसिक्‍पा मेदु़म्‍बेट्‌नी, हेङालोने सेल्‍सिक्‍पा नेम गानी वो सेल्‍सिमु ल्‍वानी र्‍वाक्‍साका माम्‍चु़नीका उनी त्‍वाकु पेल ग्‍वाक्‍साका गानीडला छाप ओप्‍मिडिम बु।

गलाती 5:22

लावो माम्‍चु़नी-पेलका ने गुइलाई आरेप्‍माम दु़म्‍बेसामी– रिखाम बेपा, न-थो़म भ्रसिक्‍पा, न-गो भ्रसिक्‍पा, इम्‍सिमु चापा, न-थो़मनुङमा, खोत्‍लेकाम लागि जो़पा मिम्‍पा, थो़र लु़इमिम,

थु़र्मा 2:17

‘हुक्‍पाथारी बिलि आरेप्‍माम दु़म र्‍वाक्‍साका माम्‍चु़नीका र्‍वामी, गो खोत्‍ले मु़चु़मिमडला आमा पेल थु़रु़, इनी जाउमो तारापाचो़मिमका माम्‍चु़नीलाम-जेमी, स्‍वाला इनी चो़मिमका मिक्‍सीलाम ल्‍वामी, इनी ङाउमिमका ङिमा म्‍वामी।

२ थेसलोनिकी 2:16

गुइलाई रिखाम बेपा ङाचो़ येशू ख्रीष्‍ट नुङ माम्‍चु़नी इकी पापकु दिदामका हेल्‍लो वो मेहुक्‍पा सो हन्‍बेसाड्‌डामिम बु, मा जो़पा ल्‍वा लथाक्‍पा दु़म्‍बेसाड्‌डामिम बु।

२ कोरिन्‍थी 4:6

“तुकुम्‍चिमलाम ओल झ्‍वानु़” र्‍वाक्‍पा माम्‍चु़नी ङा आकीमा नडा उनीमा ओल झ्वाबेसाका माम्‍चु़नीकु यु़म-झ्‍वाक्‍सीकाम नेप्ची गुकुलाई थेसिथेन्‍बेत्तिकी। आच्छाङा ओराम ओल येशू ख्रीष्‍टकु ङालीडा झ्‍वा।

रोमी 8:28

माम्‍चु़नीलाई रिखाम बेपा मा गुमीका उनीमा त्‍वाकु न होम्‍साका छेट्‌मिडिम मु़चु़मिमकाम लागि खोत्‍ले ल्‍वाडा माम्‍चु़नीका जो़पा दु़म्‍बेन्‍मी र्‍वाक्‍साका गुइ चडिम बु।

१ कोरिन्थी 8:3

लावो कोङनिमका माम्‍चु़नीलाई रिखाम बु़ माला मेरामलाई माम्‍चु़नीका छेमी।

२ कोरिन्‍थी 3:18

ङाचो़कु यु़म-झ्‍वाक्‍सी गुइलामका रेम्‍बेसिनु़ र्‍वाक्‍साका इकीमा कल हुपा पार्सिड्‍डाम बु। ङाचो़, गुमी ङा पेल सो़, गुमीलाम रोक्‍पा यु़म-झ्‍वाक्‍सीका गुइलाई वो गुमी होप्‍माम ङा दु़म्‍बेसा मा गुइ आथावो हापा यु़म-झ्‍वासिक्‍पा दु़म्‍तो लक्‍सी।

थु़र्मा 10:45

माम्‍चु़नीका उनी पेलकु राप्लावा वाङसामामिमडला अम्‍डिमका पत्रुसनुङ रोक्‍पा यहूदी थो़रलु़पामिम छो़म ङा ङाङाया दु़म्‍मिडी।

रोमी 1:7

रोम शहरडा बाट्‍पा गानी खोत्‍लेलाई माम्‍चु़नीका हापा रिखाम बेन्‍निमिमा उनीमा त्‍वाकु सेपा मु़चु़ दु़म्‍मु लागि येट्‌निमिम सो़: इकीमा माम्‍चु़नी पाप नुङ ङाचो़ येशू ख्रीष्‍टलामका गानी दिदाम नुङ न भ्रसी ल्‍वानिनु़।

रोमी 9:33

ख्रीष्‍टकु दुथाम माम्‍चु़नीका र्‍वाम्‍डिम होङङा माम्‍चु़नीकु सिजेमडा र्‍याक्‍मा बु, “रेप्‍नी, गो सियोनडा कोले साम्‍फ्‍ले लुङ जु़ल्‍पु, उहेम लुङडा मु़चु़मिमका खेल तुमी, मेरामका मेर्मिमलाई चार्सु़मी, लावो गुमीडा थो़रलु़पामिम सु़ वो क्रो़म लु़मु बासिक्‍पा मेदु़म्‍मी।”

२ कोरिन्‍थी 13:14

ङाचो़ येशू ख्रीष्‍टकु दिदाम, माम्‍चु़नीकु रिखाम नुङ माम्‍चु़नी-पेलकु सामा घ्रो़म्‍सी गानी खोत्‍लेनुङ दु़म्‍नु़।

१ थेसलोनिकी 4:8

मेम्‍मिमका सु़का ओर्मिम सीसि मेद्‌वाकु़, मेरामका मु़चु़लाई मेएँ, माम्‍चु़नी-पेल ग्‍वाक्‍पा माम्‍चु़नीलाई मेद्‌वाकु़।