रोमी 5:20 - थुलुङ राई

²⁰ डु़म्‍ला रोक्‍ताम चङडा छु़ल बर्डा। छु़ल बर्तो लस्‍ता लोवो मेरामडाम हापा माम्‍चु़नीकु दिदाम बर्तो लस्‍ता।

रोमी 5:20 Referans Kwoze

रोमी 6:1

मेम माला गुइ हाम र्‍वामु मा? हाम गुइ माम्‍चु़नीकु दिदाम हापा ल्‍वासी र्‍वाक्‍साका छु़ल बोमुम बुमु?

रोमी 6:14

छु़लका गानीडला साखाम मेथो़डु़, हेङालोने गानी डु़म्‍लाकु साखामगोडा मेबुनी, गानी ने माम्‍चु़नीकु दिदामगोडा बुनी।

रोमी 4:15

डु़म्‍लाका र्‍वामिम मेथो़पामिमडला माम्‍चु़नीका छोक्‍चो हान्‍मी, मा डु़म्‍ला मेबायावाम माला ने छु़ल वो मेगक्‍सावा।

लूका 7:47

मेम्‍मिमका गो गानालाई र्‍वाङु, ओराम मेसेमकाम हापा छु़लमिम हेम्‍सिड्‌डाम बु, मा ओराम मेसेमका गोलाई हापा रिखाम बोङी। लावो उहेमकु छु़ल कि-कि कोङङा हेम्‍सी, मेरामका कि-कि कोङङा रिखाम बु़।”

यूहन्‍ना 10:10

“खुचु़वा ने खुप्‍डा, सेड्‌डा नुङ पुयु़ लुबेड्‌डा कोङङा रो। लावो गो ने मेर्मिमका त्‍वारो़म ल्‍वामिनु़, मा मे त्‍वारो़म हापा ल्‍वामिनु़ र्‍वाक्‍साका योङडो।

यूहन्‍ना 15:22

गो मेयोङुवा, मा मेर्मिमनुङ मेर्‍वाङुवाम माला मेर्मिम उनी छु़लकु मुमा बेन्‍ला मेसो़म्‍सिप्‍मिवा। लावो आथा ने मेर्मिमका छु़ल मेबेमिवाम लिसिक्‍पा ल्‍वा मेर्मिमनुङ हाम वो मिबु।

मत्ती 9:13

‘हादी-बारा सासेन्‍मु मेएँ, न-थो़म रेम्‍बेबेनी र्‍वाक्‍पा गो न बेउ।’ र्‍वाक्‍साका माम्‍चु़नीकु सिजेमका र्‍वामु मालु़मिम ल्‍वा लक्‍निमा थेसिथेट्‌नी। माम्‍चु़नीकु मिक्‍सीलामडा जो़पा बुङु र्‍वाक्‍साका मिम्‍सिक्‍पा मु़चु़मिमलाई मेएँ, छु़लचो़ र्‍वाक्‍साका मिम्‍सिक्‍पा मु़चु़मिमलाई येड्‌डा गो योङडोम सो़।”

मत्ती 20:9

“ङो (५) जेस्‍तालो आथाम खारी बोमु चो़म्‍पामिम रोम्‍डिमा खोत्‍लेका नेम्‍तोमकाम खउलुङ ल्‍वाम्‍डी।