रोमी 5:2 - थुलुङ राई

² येशू ख्रीष्‍टडा बिइडिम थो़रलामका गुमीका गुइलाई माम्‍चु़नीकु दिदामगोडा रेसाड्‍डामिम बु। ओम्‍लो गुइ मेराम दिदामगोडा बुइ। गुइ माम्‍चु़नीकु यु़म-झ्‍वाक्‍सीगोडा दु़म्‍पा न बेत्तो गेर्सी द्‍वाकी।

रोमी 5:2 Referans Kwoze

एफिसी 2:18

येशू ख्रीष्‍ट क्रूसडा सिम्‍डिमका यहूदी नुङ मेयेहूदी गुइ खोत्‍ले कोलेङा माम्‍चु़नी पेललामका माम्‍चु़नीकु ङादोडा रोमु चाप्‍स्‍तिम बु।

एफिसी 3:12

ख्रीष्‍टडा दु़म्‍साका मा गुमीडा थो़र बेसाका ङा गुइ माम्‍चु़नीकाडा रोमु मेङिपा मा इकी सो हन्‍पा दु़म्‍सी।

१ कोरिन्थी 15:1

वा-ल्‍वाकनी, गो गानीलाई थो़बेट्‌निनिम जो़पा-सेला मिम्‍बेन्‍मु आमा न बु, उहेम गानी रन्‍नी मा मेरामडाङा बुनिम बुनी।

१ पत्रुस 3:18

इकीमा छु़लमिमकाम लागि ख्रीष्‍ट सिम्‍डी। कोखेप गुमी सिम्‍डिम बाइडा, आथा ने सिमु मेबासी। गुमीका हेल्‍लो वो छु़ल मेबेमिवा लावो गानीलाई माम्‍चु़नीकाडा रेन्‍मु छु़लचो़मिमकाम लागि गुमी सिम्‍डी। मिरो़मडा सिसाका गुमीका दु़खा ल्‍वाम्‍डी, लावो पेलडा गुमी नु़साका बम्‍गेम्‍डी।

रोमी 12:12

गानी इनी नगोडा हाम-हुम लन्‍थानिमिम ल्‍वाडा गेर्सी द्‍वाक्‍नी, दु़खा थारीडा इम्‍सिसाका बानी मा हेल्‍लो लोवो सो़म्‍दी बेनिम बानी।

हिब्रू 3:6

लावो येशू ने माम्‍चु़नीकु नेमडाम मु़चु़मिमलाई रेपा थो़रलु़इमिम उनीमा तारापाचो़ सो़। गुइ मेङिसाका हाम हुम लथाडी माला माम्‍चु़नीकु मु़चु़मिम दु़म्‍सी सो़।

२ थेसलोनिकी 2:16

गुइलाई रिखाम बेपा ङाचो़ येशू ख्रीष्‍ट नुङ माम्‍चु़नी इकी पापकु दिदामका हेल्‍लो वो मेहुक्‍पा सो हन्‍बेसाड्‌डामिम बु, मा जो़पा ल्‍वा लथाक्‍पा दु़म्‍बेसाड्‌डामिम बु।

यूहन्‍ना 10:9

हुखोप लाम्‍चोको गोङा सो़, उहेम मु़चु़ गोलामका गोनो हु मेराम सेल्‍सी। नेमगो-पाखा हुपा लुक्‍पा बु़ मा जाखोप ल्‍वासु़।

२ कोरिन्‍थी 4:17

गुकुनुङ ओम्‍लो कति दु़पा थारी नुङ याक्‍के दु़खा बु, ओरामका हेल्‍लो वो मेदाम्‍पा यु़म-झ्‍वाक्‍सी गुकुगोडा रेडु़। ओराम दु़खाडाम वो मेराम यु़म झ्‍वाक्‍सी ने हापा डोक्‍पु बु।

यूहन्‍ना 5:24

“आच्‍छाङा गो गानीलाई र्‍वाङु, उहेमका आमा सिजेम थो़सु़, मा गोलाई थु़र्पा पापडला थो़र बु़, मेरामनुङ मेसिपा त्‍वारो़म दु़म। मेम्‍मा मेराम मुमा बेन्‍ला मेसो़सी। गु सिमुलामका त्‍वारो़मडा हुमुदु़म्‍स्‍तु़म बु।

रोमी 15:13

सेल्‍सिमु ल्‍वापा न ग्‍वाक्‍पा माम्‍चु़नीडा गानी थो़रलु़न्‍निम बु। गुमीका गानीलाई न-गो भ्रसिबेन्‍मिनु़। मेम्‍साकाङा माम्‍चु़नी-पेलकु यु़मका मेराम ल्‍वापा इनीमा नगोडा गानी बर्तो लमु चापा दु़म्‍नी।

रेम्‍बेट्‌मिडिम ल्‍वा 21:23

मे शहर छ्‌याङ-छ्‌याङया बोमु नेम्‍सुङ, ख्‍लो़मु मेबासी, हेङालोने माम्‍चु़नीकु यु़म-झ्‍वाक्‍सीकाङा छ्‌याङ-छ्‌याङया बु़, मा मेसिन्‍डाम धिप्‍री ने भेन्‍दाचो़ सो़।

रेम्‍बेट्‌मिडिम ल्‍वा 21:3

मेम्‍मा साखाम थो़पा गन्‍खोपलामका आरे र्‍वाक्‍पा डोक्‍पु लो़लाम गो थो़उतो, “रेप्‍नी, माम्‍चु़नीकु बाखोप मु़चु़मिमनुङ बु, मा गुमी मेर्मिमनुङ बुमी। मेर्मिम उनीमा मु़चु़मिम दु़म्‍मी मा माम्‍चु़नी उनी त्‍वापङा मेर्मिमकु माम्‍चु़नी दु़म्‍साका मेर्मिमनुङ दु़म्‍मी।

रोमी 5:5

हाम-हुम ल्‍वामु लागि हेल्‍लो वो इनी पाउ मेसोनु़। हेङालोने माम्‍चु़नी-पेललाम उनीमा रिखाम इकीमा न-गोडा देम्‍बेट्‌मिडिम बु।

रोमी 3:23

खोत्‍ले मु़चु़मिमका छु़ल बेम्‍डिमका माम्‍चु़नीकु यु़म-झ्‍वाक्‍सीलामका होनोवा दु़म्‍मिडिम बु।

रोमी 2:7

याक्‍के दु़म्‍साका जो़पा खारी बेपाम्‍बाट्‍पा, माम्‍चु़नीकु यु़म-झ्‍वाक्‍सी, जो़पा दु़म्‍सी नुङ हेल्‍लो वो मेसिपा त्‍वारो़म माल्‍मी। मेर्मिमलाई माम्‍चु़नीका हेल्‍लो वो मेसिपा त्‍वारो़म ग्‍वामी।

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

यूहन्‍ना 10:7

मेम्‍मिमका येशूका आथावो मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, भेन्‍दामिमकु हुखोप लाम्‍चोको गोङा सो़।

रेम्‍बेट्‌मिडिम ल्‍वा 21:11

माम्‍चु़नीकु यु़म-झ्‍वाक्‍सी मेरामडला झ्‍वाक्‍ताम बाइडा। मेरामकु झ्‍वाक्‍सी हापा थिकाम बिल्‍लौर लुङ नुङ सोरलुङ होप्‍माम छ्‌याङलो-छ्‌याङलोम बाइडा।

रेम्‍बेट्‌मिडिम ल्‍वा 3:21

गो घ्‍ल्‍वाङडोमा माम्‍चु़नी पापनुङ उनीमा गन्‍खोपडा गन्‍पा साखाम ल्‍वाउतोम होङङा मेजो़पाडला घ्‍ल्‍वापामिमलाई गोनुङङा हप गन्‍खोपडा गन्‍मु ग्‍वाक्‍पुमी।

हिब्रू 6:18

माम्‍चु़नीका गुइनुङ जेम्‍डिम याचे नुङ कसम पेम्‍डिम निफिङा गुमीका आच्‍छाङा रेन्‍थिमी। हेङालोने गुमीका लिमा मेथेन्‍मी। मेम्‍मिमका उनीमा थेर्मा-थेर्सीडा लक्‍पा मु़चु़मिमका बिइडिम हाम-हुम ल्‍वापा न हेल्‍लो लोवो झेन्‍थमु इकीमा सो हन।

रोमी 8:24

हेङालोने गुइ हाम हुम ल्‍वामु लागि ङा माम्‍चु़नीका गुइलाई सेल्‍साड्‍डामी। हाम हुम ल्‍वाउनु़ र्‍वाक्‍साका नगोडा लन्‍थामु सो़। मु़चु़का ङादोङा ल्‍वामु दु़स्‍तु़म ल्‍वा गुका नगोडा मेलथाडु़। ङादोङा दु़स्‍ताम ल्‍वा सु़का लथाडु़ मा?

रोमी 8:1

मेम्‍मिमका ख्रीष्‍ट येशूडा थो़रलु़पामिमलाई माम्‍चु़नीका देन्‍दे मेग्‍वामी।

थु़र्मा 14:27

मेर्चिप एन्‍टिओखियाडा रोक्‍फाट्‌ची, मा खोत्‍ले थो़रलु़पामिमलाई कोदेप येट्‌चिमी। मेम्‍मा माम्‍चु़नीका बेम्‍डिम खोत्‍ले खारीमिम सो़च्‍ची, मा हेसाका माम्‍चु़नीका वाङसामामिमकाम लागि थो़रलु़पा लाम्‍दी होल्‍साम्‍डिम मेर्मिम खोत्‍लेङा सो़च्‍ची।

मत्ती 25:21

“नेमहपका मेरामलाई र्‍वाक्‍ता, ‘जो़पा बेन्‍ना, थो़रलु़इमिम नुङ जो़पा डु़ल्‍चो़ गाना, याक्‍के ल्‍वाडाङा थो़रलु़इमिम दु़म्‍ना। गानालाई गो हापा डोक्‍पु ल्‍वामिम रेपा बनेबोनी। बिका, इमा नेमहपनुङ गेर्सा।’

एफिसी 6:13

मेम्‍मिमका माम्‍चु़नीका गानीलाई ग्‍वानिमिम खोत्‍ले क्‍वाल्‍बा बेखोप गिजो-वाजोमिम बिम्‍सिट्‌नी मा गानीडला मेजो़पा थारी रोलो क्‍वाल्‍बा बोमु चापा दु़म्‍नी मा क्‍वाल्‍बा हुमिम चङडा वो गानी सो नुङमा दु़म्साका येम्सिमु चापा दु़म्‍नी।

२ कोरिन्‍थी 3:18

ङाचो़कु यु़म-झ्‍वाक्‍सी गुइलामका रेम्‍बेसिनु़ र्‍वाक्‍साका इकीमा कल हुपा पार्सिड्‍डाम बु। ङाचो़, गुमी ङा पेल सो़, गुमीलाम रोक्‍पा यु़म-झ्‍वाक्‍सीका गुइलाई वो गुमी होप्‍माम ङा दु़म्‍बेसा मा गुइ आथावो हापा यु़म-झ्‍वासिक्‍पा दु़म्‍तो लक्‍सी।

रोमी 14:4

वाङमिमकु डु़ल्‍चो़काम निया बेपा गानी सु़ मा? उमा नेमहपकाङा डु़ल्‍चो़कु खारी बेसी जो़पा बु डे मेएँ र्‍वाक्‍साका निया बोमी। जो़होमका खारी बोमु मेचापा डु़ल्‍चो़लाई ङाचो़काङा जो़होमका खारी बोमु चापा दु़म्‍बेन्‍मी।

रोमी 11:20

मेराम ने आच्‍छाङा सो़, यहूदीमिमका माम्‍चु़नीडा थो़र मेबेमिवामकाङा ग्रेम फल्‍साका घ्रोक्‍मा होङङा मेर्मिम घ्रोला सो़सिम्‍डी। गानी थो़र बेन्‍निमका ङा मेसिन्‍डा बुनी। ओराम ल्‍वाकु दुथाम गानी इनी नो़ डोक्‍पु मेबेनी, लावो माम्‍चु़नीकु ङिम जु़ल्‍नी।