रोमी 5:18 - थुलुङ राई

¹⁸ हेसाका कोले मु़चु़कु छु़लका खोत्‍ले मु़चु़मिमका सिमु बासिक्‍पा देन्‍दे ल्‍वाम्‍डी, मेराम होम्‍साकाङा कोले मु़चु़का माम्‍चु़नीकु ङादोडा जो़पा खारी बेसाका मुमा मान्‍थिम दु़म्‍बेसाका त्‍वारो़म रेड्‍डु़।

रोमी 5:18 Referans Kwoze

१ कोरिन्थी 15:22

हेङालोने आदमनुङ हेमकेम बाट्‍पा खोत्‍ले मु़चु़मिम सिमी, मेम्‍साकाङा ख्रीष्‍टनुङ हेमकेम बाट्‍पा खोत्‍ले मु़चु़का लाले त्‍वारो़म ल्‍वामी।

रोमी 5:12

सु़म्‍दिमोलोम मु़चु़ आदमलामका सुबुडा छु़ल गस्‍ता मा मेराम छु़लका सिमुलाम रेड्‍डु़। आरेसाका खोत्‍ले मु़चु़मिमका छु़ल बेम्‍डिमका खोत्‍ले मु़चु़डा सिमुलाम छास्‍ता।

रोमी 5:15

लावो राप्‍लावा ने छु़ल होप्‍माम मेएँ। हेङालोने कोले आदमका बु़डु़म छु़लका हापा मु़चु़मिम सिम्‍डी लावो माम्‍चु़नीकु दिदामका मा कोले मु़चु़ येशू ख्रीष्‍टकु दिदामलामका हापा मु़चु़मिमलाई राप्‍लावा ग्‍वाम्‍डी।

रोमी 5:19

कोले मु़चु़का माम्‍चु़नीका र्‍वाम्‍डिम ल्‍वा मेथो़सु़वामका हापा मु़चु़मिम छु़लचो़ दु़म्‍मिडी, मेम्‍साका ङा कोले मु़चु़का माम्‍चु़नीका र्‍वाम्‍डिम थो़स्‍तु़मका हापा मु़चु़मिम जो़पा न-गोकाम दु़म्‍मिडी।

थु़र्मा 13:39

मोशाकु डु़म्‍लाका खोत्‍ले इनीमा छु़ल सेल्‍मु मेचाप्‍सु़वा, लावो येशूडा थो़रलु़पा खोत्‍ले सेल्‍सिट्‌निम बु।

हिब्रू 2:9

लावो गुइ येशूलाई ल्‍वासी, गुमी घरिकोङकाम लागि पाह्रीचो़मिमडाम याक्‍के दु़म्‍मिडी। मेम्‍मा माम्‍चु़नीकु दिदामका खोत्‍लेकाम लागि गुमीलाई सिप्‍डा थु़र्मिडी। येशूकाङा सिमु दु़खा इम्‍मिडिमका माम्‍चु़नीलामका यु़म झ्‍वाक्‍सी नुङ डोक्‍पु बेसीकु मुकुट ल्‍वाम्‍डी।

रोमी 4:25

येशू इकीमा छु़लकाम लागि चेन्‍ला सो़सिम्‍डी मा गुइलाई मुमा मान्‍थिम दु़म्‍बेन्‍मु लागि गुमीलाई माम्‍चु़नीका आथावो सिमुलाम फम्‍खेट्‌मिडी।

यूहन्‍ना 1:7

खोत्‍लेका मेराम ल्‍वा थो़साका थो़रलु़मिनु़ र्‍वाक्‍साका ओलकु दुथाम मु़चु़मिमनुङ सो़प्‍डा गु रोक्‍ता।

यूहन्‍ना 12:32

लावो गो सुबुलामका कोङसिङुमा खोत्‍ले मु़चु़लाई आमाडा रेट्‌पुमी।”

१ यूहन्‍ना 2:20

लावो ख्रीष्‍टका गानीडला माम्‍चु़नी-पेल अम्‍डिम बु मा गानी खोत्‍लेका आच्‍छाङाकाम ल्‍वा चनी।

२ पत्रुस 1:1

गो येशू ख्रीष्‍टकु डु़ल्‍चो़ नुङ थु़र्मा सिमोन पत्रुसका, इकीमा माम्‍चु़नी नुङ गुइलाई सेल्‍पा येशू ख्रीष्‍टकु चोमिक्‍सी मान्‍थिम नुङ जो़पा खारी बेसीलामका आकीमा होप्‍माम हापा थिकाम थो़र ल्‍वापा गानीलाई ओराम सेलाखाजेम र्‍याक्‍तोङा बेउ।

यूहन्‍ना 3:26

यूहन्‍नाकु सीसिपामिम यूहन्‍नाकाडा रोम्‍डिमा र्‍वाम्‍डी, “सीपा, यर्दन ब्‍लोकु होम्‍बुनो गानीनुङ बाट्‌पा, मा उनीमा दुथाम गानी सो़न्‍निम मु़चु़का मु़चु़मिमलाई कु-रु़दु़म ग्‍वाक्‍तोङा लेन्‍मी। खोत्‍ले मु़चु़मिम उनीमाडा लक्‍तोङा लेन्‍मिमिम बु।”

रोमी 3:25

माम्‍चु़नीका इकीमा छु़ल हेम्‍मु लागि येशू ख्रीष्‍टलाई सासेट्‌मिडिमा उनीमा सिसि हाट्‌मिडी र्‍वाक्‍साका थो़रलु़पा मु़चु़मिमकु छु़ल हेप्‍साड्‌मिडिम बु। माम्‍चु़नीका ओराम खारी बेम्‍डिमा गुमी जो़पा न-गोकाम बुमी र्‍वाक्‍पा ल्‍वा रेम्‍बेम्डिम बु। हेङालोने माम्‍चु़नीका ख्रीष्‍ट रोमु ङादो उनी छोक्‍चो इम्‍मिडी मा मु़चु़मिमका बेम्‍डिम छु़लकु देन्‍दे मेग्‍वाक्‍मिवा।

रोमी 6:14

छु़लका गानीडला साखाम मेथो़डु़, हेङालोने गानी डु़म्‍लाकु साखामगोडा मेबुनी, गानी ने माम्‍चु़नीकु दिदामगोडा बुनी।