Biblia Todo Logo
Bib sou entènèt

- Piblisite -




रोमी 5:14 - थुलुङ राई

14 आदम बाइडालो आथाम डु़म्‍ला र्‍याक्‍पा मोशासम्‍म सिमुका मु़चु़मिमडला साखाम थो़ड्‍डु़। मेर्मिमका बेम्‍डिम छु़ल आदमका माम्‍चु़नीका र्‍वाम्‍डिम मेथो़सु़वाम होप्‍माम मेएँ, लोवो मेर्मिम सिमु बास्‍ता। आदम ने रोक्‍पा येशू ख्रीष्‍टलाई रेम्‍बेट्‍पा मु़चु़ बाइडा।

Gade chapit la Kopi




रोमी 5:14
17 Referans Kwoze  

मेम्‍मिमका माम्‍चु़नी सिजेमडा र्‍याक्‍मा बु, “खोत्‍लेडाम ङादोम मु़चु़ आदम उ सामनुङमा दु़स्‍ता।” लावो चङडाम आदम त्‍वारो़म ग्‍वाक्‍पा पेल सो़।


खोत्‍लेका ङा कोखेम सिमु बासी मा मेराम चङडा माम्‍चु़नीका उमा निया बोमी।


कोले मु़चु़का बु़डु़म छु़लका खोत्‍ले मु़चु़मिमडला सिमुलाम रेड्‍डु़म होम्‍साका ङा माम्‍चु़नी छो़म न-थो़मनुङमा दु़म्‍साका मु़चु़मिमलाई जो़पा न-गोकाम दु़म्‍बेट्‌मिडी। मेर्मिमका येशू ख्रीष्‍टलाम त्‍वारो़म ल्‍वामी।


चो़च्‍चो़ कमु खापा मेसेमका हिम्‍बा इम्‍डु़मिम होम्‍साकाङा ओम्‍लोसम्‍म प्रङसिट्‍पामिमका वो दु़खा इम्‍तोङा बोमी र्‍वाक्‍पा गुइ चडिम बु।


मेराम थारीका छु़लका सिमुलाम रेड्‍डु़ मा मु़चु़मिमडला साखाम थो़डु़म होम्‍साकाङा ओम्‍लो माम्‍चु़नीकु दिदामका साखाम थो़त्तोङा बु़। ओराम दिदामका गुइलाई माम्‍चु़नीकु ङादोडा जो़पा न-गोकाम दु़म्‍बेसाका इकीमा ङाचो़ येशू ख्रीष्‍टलाम हेल्‍लो वो मेसिपा त्‍वारो़म ग्‍वाक्‍साड्‍डामिम बु।


हेङालोने प्रङसिट्‍पा ने हाम ना हामकाम दु़स्‍ताम बाइडा। लावो आरे दु़स्‍ताम ने उ त्‍वाप ङा दु़स्‍ताम मेएँ। प्रङ्स्‍ताम ल्‍वामिमका हाम हुम लन्‍थामिनु़ र्‍वाक्‍साका माम्‍चु़नीका आरे बेम्‍डिम बाइडा।


सु़म्‍दिमोलोम मु़चु़ आदमलामका सुबुडा छु़ल गस्‍ता मा मेराम छु़लका सिमुलाम रेड्‍डु़। आरेसाका खोत्‍ले मु़चु़मिमका छु़ल बेम्‍डिमका खोत्‍ले मु़चु़डा सिमुलाम छास्‍ता।


हेङालोने आदमनुङ हेमकेम बाट्‍पा खोत्‍ले मु़चु़मिम सिमी, मेम्‍साकाङा ख्रीष्‍टनुङ हेमकेम बाट्‍पा खोत्‍ले मु़चु़का लाले त्‍वारो़म ल्‍वामी।


Swiv nou:

Piblisite


Piblisite