रोमी 5:11 - थुलुङ राई

¹¹ आकोति कोङङा मेएँ, लावो इकीमा ङाचो़ येशू ख्रीष्‍टलाम गुइ माम्‍चु़नीडा गेर्सिक्‍तोङा बिइ, हेङालोने ख्रीष्‍टकाङा गुइलाई माम्‍चु़नीनुङ इकीमा न-थो़म घ्रो़म्‍बेसाका ङोप्‍सो़ दु़म्‍बेसाड्‍डामिम बु।

रोमी 5:11 Referans Kwoze

रोमी 5:10

गुइ माम्‍चु़नीकु स्‍वाक्‍चिमो मु़चु़ बाइडिलो ने उनीमा तारापाचो़ ख्रीष्‍ट सासेट्‌मिडिमा गुमीनुङ न-थो़म घ्रो़म्‍बेट्‌मिडिम बाइडा माला, आथा ने गुइ गुमीनुङ न-थो़म घ्रो़म्‍बेडिमका गुमीका ख्रीष्‍टकु त्‍वारो़मलाम आथावो गुइलाई सेल्‍सामी।

फिलिप्‍पी 4:4

ङाचो़ येशूडा हेल्‍लो लोवो भ्रन्‍सिट्‌नी। आथावो गो र्‍वाङु, भ्रन्‍सिट्‌नी।

गलाती 4:9

लावो आथा ने गानी माम्‍चु़नीलाई छेट्‌निम बु, आरेसाका वो र्‍वाकी, माम्‍चु़नीलाम गानी छेला सो़सिट्‌निम बु। लावो हेसाका गानी हाम ना हामकाम यु़म मेबाट्‌पा ल्‍वाकु सीसिथो़ आथावो ख्‍लोन्‍सीनी मा मेरामकु डु़ल्‍चो़ दु़म्‍मु न बोनी?

१ पत्रुस 1:8

गुमीलाई गानी ल्‍वान्‍निम मिबु लोवो गुमीलाई रिखाम बोनी। ओम्‍लो गुमीलाई गानी मेल्‍वानी लावो गुमीडा थो़रलु़नी, मा सो़मु मेझापा छो़म डोक्‍पु न-भ्रसी ल्‍वानी।

कलस्‍सी 2:6

मेम्‍मिमका ख्रीष्‍ट येशूलाई ङाचो़ र्‍वाक्‍साका रन्‍निम होङङा गुमीडा दोनिम बानी।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।

फिलिप्‍पी 3:1

हुम-दडा, आमा वा-ल्‍वाकनी, ङाचो़ येशूडा गेर्सी द्‌वाक्‍नी। गो ङादो र्‍याक्‍तोम ल्‍वा आथावो गानीलाई र्‍यामु गो मेघ्रु़म्‍ङु, मा मेराम ल्‍वा ने गानीलाई बोपा-थार्पा सो़।

गलाती 5:22

लावो माम्‍चु़नी-पेलका ने गुइलाई आरेप्‍माम दु़म्‍बेसामी– रिखाम बेपा, न-थो़म भ्रसिक्‍पा, न-गो भ्रसिक्‍पा, इम्‍सिमु चापा, न-थो़मनुङमा, खोत्‍लेकाम लागि जो़पा मिम्‍पा, थो़र लु़इमिम,

१ कोरिन्थी 10:16

ङाचो़ येशूकु ग्रुला पेखोपडा कान्‍चु़रे रसाका गुइ माम्‍चु़नीलाई आलासो़ ग्‍वाकी। हाम गुइ कान्‍चु़रेलाम डुङिलो ख्रीष्‍टकु सीसिडा दो़दो़वा डार्स्‍तिम मेएँ मा? मेम्‍मा गुइ सो़बेम चक्‍साका पिइरिलो हाम गुइ ख्रीष्‍टकु मिरो़मकु दो़दो़वा डार्स्‍तिम मेएँ मा?

रोमी 11:15

हेङालोने माम्‍चु़नीका मेर्मिमलाई ङेट्‌मिडिलो सु़म्‍दिसेरडाम हापा मु़चु़मिम उनीमा त्‍वाकु मु़चु़ दु़म्‍मिडी माला, माम्‍चु़नी आथावो मेर्मिमनुङ दु़म्मी माला मेर्मिम ने सिमुलाम बम्‍गेडिम कोतिम ङा सो़।

रोमी 2:17

लावो गानी गो यहूदी ङा र्‍वाक्‍साका डु़म्‍लाडा थो़रलु़नी मा माम्‍चु़नीलाई छेपु र्‍वाक्‍साका डोक्‍पु लिन्‍सिनी।

यूहन्‍ना 1:12

लावो गुमीलाई हुनाखाना बेपा, मा गुमीडला थो़र लु़पामिम खोत्‍लेलाई गुमीका माम्‍चु़नीकु चो़मिम दु़म्‍पा साखाम ग्‍वाम्‍डिमी।

लूका 1:46

मेकोतिमा मरियमका र्‍वाक्‍ता, “आमा न-गोलामका ङा मिप्रङमाकु कोमु काम्‍सो बेउ,

रोमी 5:1

मेम्‍मिमका थो़रलाम जो़पा न-गोकाम दु़स्‍तिम बु मा इकीमा ङाचो़ येशू ख्रीष्‍टलाम माम्‍चु़नीनुङ इकीमा न-थो़म घ्रो़म्‍बेसाड्‍डामिम बु।

रोमी 5:3

मेकोति कोङङा मेएँ, दु़खा थारीका वो गुइ गेर्सी द्‍वाकी, हेङालोने मेराम दु़खाकाङा गुइलाई इम्‍मु चापा दु़म्‍बेसा र्‍वाक्‍पा चडिम बु।

रोमी 8:23

प्रङसिट्‍पा कोङङा मेएँ, माम्‍चु़नी-पेलका चङडा रेट्‍पा न भ्रसी ल्‍वामु लागि गुइ वो नगोनो दु़खा इम्‍तोङा बिइ। इकीमा माम्‍चु़नीका उनीमा त्‍वाकु तारापाचो़ दु़म्‍बेसामी मा इकीमा मिरो़म पुयु़लुमुलाम सेल्‍सामिनु़ र्‍वाक्‍साका गुइ लथाडी।

रोमी 9:10

आकोति कोङङा मेएँ, रिबेकाका वो इकीमा ङाउ-खुउ इसहाकलामका निची तारापाचो़ कस्‍तु़।

२ कोरिन्‍थी 8:19

मेकोति कोङङा मेएँ, लावो मेराम ल्‍वाक ने ग्‍वा-ग्‍वा सोक्‍थिट्‍पा खारी बोमुडा ख्‍लो़किनु़ मा गुकुनुङङा यरूशलेम लनु़ र्‍वाक्‍साका मण्‍डलीमिमका थुट्‌मिडिम सो़। गुकु ङाचो़कु नङ कोमु लागि मा वाङमिमलाई ख्‍लो़पा जो़पा खारी बोम्‍सोमु लागि ओराम खारी बोकु।