रोमी 4:21 - थुलुङ राई

²¹ हेङालोने माम्‍चु़नीका याचे जेम्‍डिम ल्‍वा आच्‍छाङा गुमीका बोमी र्‍वाक्‍साका चडु़म बाइडा।

रोमी 4:21 Referans Kwoze

लूका 1:37

हेङालोने माम्‍चु़नीका बोमु मेचाप्‍मिमिम हाम वो मिबु।”

हिब्रू 11:19

माम्‍चु़नीका इसहाकलाई सिमुलामका फमु चाम्‍मी र्‍वाक्‍पा अब्राहामका मिम्‍स्‍ताम बाइडा। मेम्‍मा आच्‍छाङा र्‍वाक्‍पा माला गुका इसहाक सिमुलामका ख्‍लोसिक्‍पा डार्स्‍तु़म होप्‍माम ङा सो़।

२ तिमोथी 1:12

मेम्‍मिमका गो ओर्मिम ल्‍वाकु दुथाम दु़खा इम्‍तोङा लेट्‌पु, लावो ओरामडाम आमा क्रो़म मेलु़। हेङालोने सु़डला थो़र लु़ङडोम बु गो छेपु गुमी येशू। मेम्‍मा गुमीका गोलाई ग्‍वाङ्‌डिमिम खारीडा सु़म्‍दिसेर हुक्‍पा थारीसम्‍म बोङिमी-थार्ङिमी र्‍वाक्‍पा लु़ङ्‌डोम बु।

लूका 1:45

गाना आलाकाम सो़, हेङालोने मिप्रङमाका गानालाई र्‍वाम्‍डिम ल्‍वा रोथी र्‍वाक्‍साका थो़र लु़न्‍नाम बु।”

मत्ती 19:26

येशूका मेर्मिमलाई किकिर्या रेप्‍तो र्‍वाम्‍डी, “ओराम बोमु मु़चु़मिमका मेचाम्‍मी, लावो माम्‍चु़नीका ने खोत्‍ले बोमु चाम्‍मी।”

२ कोरिन्‍थी 9:8

माम्‍चु़नीका गानी चाहेबोनिमिमडाम वो हापा जि-वा ग्‍वामु चाम्‍निमी। मेम्‍मा गानीलाई हामकाम वो खेरेला मेदु़म, मेम्‍मिमका गानी जो़पा खारी खोत्‍ले बोम्‍सोमु चाम्‍नी।

रोमी 14:4

वाङमिमकु डु़ल्‍चो़काम निया बेपा गानी सु़ मा? उमा नेमहपकाङा डु़ल्‍चो़कु खारी बेसी जो़पा बु डे मेएँ र्‍वाक्‍साका निया बोमी। जो़होमका खारी बोमु मेचापा डु़ल्‍चो़लाई ङाचो़काङा जो़होमका खारी बोमु चापा दु़म्‍बेन्‍मी।

रोमी 8:38

हेङालोने उहेम ल्‍वाका वो ख्रीष्‍टकु रिखामलामका गुइलाई वाङ बोमु मेचाप्‍सा र्‍वाक्‍पा गुइ चडिम बु। ना सिमुलामका ना त्‍वारो़मका ना पाह्रीचो़मिमका ना मुनाङपेलमिमका ना ओम्‍लोम नुङ दिफु दु़म्‍पा ल्‍वामिमका, ना कोङनिम यु़मका,

हिब्रू 11:13

ओर्मिम खोत्‍ले मु़चु़मिमका सिमु थारीसम्‍म थो़रङा लु़म्‍डिम बाम्‍डी। मेर्मिमलाई माम्‍चु़नीका हाम ग्‍वानिनी बेम्‍डिम मेराम मेडार्मिवा लोवो होनोवाम मेर्मिमका मेराम ल्‍वाम्‍डी मा छो़म गेर्सिम्‍डी। मेम्‍मा मेर्मिमका उनी त्‍वाप सुबुडा वाङथो़लाम रोक्‍पा मु़चु़ नुङ लाम्‍दिप्‍बाल्‍पा मु़चु़ र्‍वाक्‍साका र्‍वाम्‍डी।

लूका 1:1

द्‍वादीबुङ ङाचो़ थियोफिलस, येशूकु दुथाम गुकुगोडा हा-हाम ल्‍वा दु़स्‍ताम बाइडा मेर्मिम खोत्‍ले ल्‍वाकु दुथाम हापा मु़चु़मिमका र्‍यामु माल्‍मिडी।

रोमी 14:5

कोङनिमका कोलेममिम नेम वाङमिम नेमडाम डोक्‍पु मिम्‍मु चाप्‍सु़, लावो कोङनिमका खोत्‍ले नेम कोहोप्‍मामङा मिम्‍डु़। मेम्‍मिमका खोत्‍ले मु़चु़का त्‍वा-त्‍वाहोम नगोडा त्‍वाका थो़र बेम्‍मा ल्‍वाडा आच्‍छाङा मिम्‍मु बासी।