रोमी 4:16 - थुलुङ राई

¹⁶ माम्‍चु़नीका याचेजेम्‍डिम ल्‍वा ने थो़रलाम ल्‍वासिक्‍पामिमका ओराम माम्‍चु़नीकु दिदामलाम रो। ओरामका डु़म्‍ला होम्‍साका दोपा अब्राहामकु खोत्‍ले चो़-चु़सु़मिमकाम लागि कोङङा मेएँ, लावो अब्राहाम होम्‍साका थो़रलु़पा मु़चु़मिमका वो आच्‍छाङा ल्‍वामी। हेङालोने थो़रलु़पामिमकु ङाउ-खुउ ने अब्राहाम सो़।

रोमी 4:16 Referans Kwoze

एफिसी 2:8

माम्‍चु़नीकु दिदामकाङा गानी थो़र बेन्‍नी मा सेल्‍सिट्‌नी। इनी त्‍वापङा सेल्‍सिट्‌निम ने मेएँ, लावो ओराम सेल्‍सी ने माम्‍चु़नीका न बेम्‍डिमा मेडेङा ग्‍वाक्‍निमिम बु।

गलाती 3:22

लावो खोत्‍ले मु़चु़मिमलाई छु़लका बथाडु़मिम बु र्‍वाक्‍पा माम्‍चु़नीकु सिजेमका रेम्‍बु़। मेम्‍मिमका माम्‍चु़नीका याचे जेम्‍डिम ल्‍वा येशू ख्रीष्‍टडा थो़रलु़साका कोङङा गुइ ल्‍वामु चाप्‍सी।

रोमी 9:8

ओराम र्‍वाक्‍मा ने, मिरो़मलामका गक्‍पामिम ने माम्‍चु़नीकु चो़-चु़सु़ मेएँ, लावो माम्‍चु़नीका ग्‍वानिनी र्‍वाक्‍साका याचे जेम्‍डिम कोङङा अब्राहामकु चो़-चु़सु़मिम सो़।

तीतस 3:7

मेम्‍साका उनीमा दिदामका उनीमा न-गो होप्‍माम दु़म्‍साका हेल्‍लो वो मेसिपा त्‍वारो़म ल्‍वामु न बेपा उनीमा चो़मिम दु़म्‍सिनु़।

एफिसी 2:5

गुइ छु़ल बिइडिमका सिप्‍ल्‍याक्‍पा बाइडी लोवो माम्‍चु़नीका ख्रीष्‍टलाई सिमुलाम फम्‍डिलो गुमीनुङङा गुइलाई वो नु़बेसाड्‌डामी। आरेसाका गुमीका न-थो़म रेम्‍बेम्‍डिमा गानी सेल्‍सिट्‌निम बु।

रोमी 15:8

गो गानीनुङ र्‍वाङु, माम्‍चु़नीका यहूदीमिमलाई मेर्मिमकु बेप-पापनुङ याचे जेम्‍डिम ल्‍वा आच्‍छाङा र्‍वाक्‍साका रेम्‍बोमु लागि ख्रीष्‍ट यहूदीमिमकु डु़ल्‍चो़ दु़म्‍मिडिम सो़।

रोमी 5:1

मेम्‍मिमका थो़रलाम जो़पा न-गोकाम दु़स्‍तिम बु मा इकीमा ङाचो़ येशू ख्रीष्‍टलाम माम्‍चु़नीनुङ इकीमा न-थो़म घ्रो़म्‍बेसाड्‍डामिम बु।

२ पत्रुस 1:10

मेम्‍मिमका वा-ल्‍वाकनी, माम्‍चु़नीका गानीलाई येट्‌निम नुङ छेट्‌निम र्‍वाक्‍पा रेम्‍बोमु छो़म सो हन्‍पा दु़म्‍नी। गानी आरे बोनी माला इनी थो़रडाम हेल्‍लो वो ताङताहेरथो़ मेलनी।

रोमी 4:11

मेम्‍मिमका खिरिरि क्रिप्‍सी ने उमा थो़रलाम माम्‍चु़नीका जो़पा न-गोकाम दु़म्‍बेट्‌मिडिम छेखोप रेम्‍बेट्‌मिडिम सो़। आरेसाका अब्राहामका खिरिरि मेक्रिपा लोवो माम्‍चु़नीडा ने थो़रलु़साका जो़पा न-गोकाम दु़म्‍पा वाङसामामिमकाम ङाउ-खुउ दु़स्‍ता।

लूका 19:9

मेकोतिमा येशूका मेरामलाई र्‍वाम्‍डी, “आनेप गाना नुङ इ नेमडाम खोत्‍लेङा सेल्‍सिट्‌निम बु, हेङालोने गाना वो अब्राहामकु चो़ ङा सो़।

रोमी 3:22

आरेसाका माम्‍चु़नीका येशू ख्रीष्‍टडला थो़र बेपा खोत्‍ले मु़चु़मिमलाई जो़पा न-गोकाम दु़म्‍बेन्‍मी। हेङालोने गुमीका सु़लाई वो चोमिक्‍सी मेबोमी।

रोमी 3:30

हेङालोने माम्‍चु़नी कोले ङा बुमी। गुमीका खिरिरि क्रिपा यहूदी लोवो, खिरिरि मेक्रिपा वाङसामा लोवो, खोत्‍लेलाई मेर्मिमकु थो़रलु़सीलाम उनीमा ङादोडा जो़पा न-गोकाम दु़म्‍बेन्‍मी।

गलाती 3:14

अब्राहामलाई ग्‍वाक्‍मिडिम जि येशू ख्रीष्‍टलाम वाङसामामिमका ल्‍वामिनु़ र्‍वाक्‍साका गुमीका थि सोक्‍साका गुइलाई सेल्‍साड्‌डामी। मेम्‍साका इकीमा थो़रलु़सीलामका गुमीका याचे जेम्‍डिम माम्‍चु़नी-पेल गुइ ल्‍वामु चाप्‍सी।

गलाती 3:16

माम्‍चु़नीका अब्राहाम नुङ उमा चो़-चु़सु़नुङ याचे जेम्‍डिम बाइडा। हापा चो़-चु़सु़मिमनुङ मेएँ कोलेङा र्‍वाक्‍साका माम्‍चु़नीकु सिजेमडा र्‍याक्‍मा बु। कोलेङा चो़-चु़सु़ र्‍वाक्‍मा ख्रीष्‍ट सो़।