रोमी 4:15 - थुलुङ राई

¹⁵ डु़म्‍लाका र्‍वामिम मेथो़पामिमडला माम्‍चु़नीका छोक्‍चो हान्‍मी, मा डु़म्‍ला मेबायावाम माला ने छु़ल वो मेगक्‍सावा।

रोमी 4:15 Referans Kwoze

रोमी 5:13

माम्‍चु़नीका डु़म्‍ला ग्‍वामुडाम ङादो वो ओराम सुबुडा छु़ल बाइडा, लावो डु़म्‍ला मेबायावामका छु़ल बेम्‍डिम वो नडा मेजु़ल्‍मिवा।

गलाती 3:10

माम्‍चु़नीकु ङादोडा मुमा मान्‍थिम दु़म्‍मु लागि डु़म्‍लागोडाम खारी बेसीडा थो़र बेपा खोत्‍ले मु़चु़मिम वाइतो बेन्‍ला सो़सिमी। हेङालोने माम्‍चु़नीकु सिजेमडा र्‍याक्‍मा बु, “मोशाकु डु़म्‍लागोडा बाट्‍पा खोत्‍ले ल्‍वा जो़होमका मेबेसाका बाट्‍पा खोत्‍ले मु़चु़मिम वाइतो बेन्‍ला सो़सिमी।”

१ कोरिन्थी 15:56

सिमुलामका यु़म छु़ललाम ल्‍वासु़ मा छु़लका यु़म डु़म्‍लालाम ल्‍वासु़।

गलाती 3:19

मेम माला डु़म्‍ला हेङा चाहे दु़स्‍ता मा? मु़चु़मिमका मेजो़पा खारी बोमी र्‍वाक्‍पा ल्‍वा रेम्‍बोमु लागि माम्‍चु़नीका अब्राहामनुङ याचे जेम्‍डिम मेराम चो़-चु़सु़ मेयोक्‍थु़मसम्‍म डु़म्‍ला मु़चु़मिमगोडा थु़र्मिडी। मेराम डु़म्‍ला ने माम्‍चु़नीका पाह्रीचो़मिमलाम मु़चु़मिम नुङ माम्‍चु़नीकु थेतेडा दु़म्‍पा मोशालाई ग्‍वाम्‍डिम बाइडा।

यूहन्‍ना 3:36

उहेमका माम्‍चु़नीकु तारापाचो़डला थो़र बु़, मेरामनुङ मेसिपा त्‍वारो़म दु़म। उहेमका तारापाचो़का र्‍वामिमिम मेथो़सु़, मेरामका मेसिपा त्‍वारो़म मेल्‍वासु़। लावो माम्‍चु़नीकु देन्‍दे मेरामडला दु़महोम बु।”

१ यूहन्‍ना 3:4

उहेम मु़चु़का छु़ल बु़, मेरामका माम्‍चु़नीकु डु़म्‍ला होम्‍साका मेबु़। माम्‍चु़नीकु डु़म्‍लाकु कोर्थो़लाम बक्‍साका बुमुङा छु़ल सो़।

एफिसी 5:6

सु़का वो गानीलाई हाम ना हामकु ल्‍वा बेसाका लु-फेले मेबोनिमिनु़। हेङालोने माम्‍चु़नीका र्‍वामिमिम मेथो़साका आरेप्‍माम मेजो़पा खारी बेपा मु़चु़मिमलाई गुमीका देन्‍दे ग्‍वामी।

यूहन्‍ना 15:22

गो मेयोङुवा, मा मेर्मिमनुङ मेर्‍वाङुवाम माला मेर्मिम उनी छु़लकु मुमा बेन्‍ला मेसो़म्‍सिप्‍मिवा। लावो आथा ने मेर्मिमका छु़ल मेबेमिवाम लिसिक्‍पा ल्‍वा मेर्मिमनुङ हाम वो मिबु।

कलस्‍सी 3:6

आरेप्‍माम मेजो़पा खारीका माम्‍चु़नीका र्‍वामिमिम मेथो़पामिमडला गुमीका छो़म डोक्‍पु छोक्‍चो रेम्‍बोमी।

रोमी 1:17

जो़पा-सेलाका मु़चु़लाई माम्‍चु़नीका उनीमा त्‍वाकु ङादोडा हेसाका जो़पा दु़म्‍बेन्‍मी र्‍वाक्‍पा रेम्‍बु़, मा माम्‍चु़नीनुङ जो़पा दु़म्‍पा ल्‍वा ने थो़रलामङा चो़म्‍सी, मा थो़रकाङा खोत्‍ले रेथिबेडु़। मेम्‍साकाङा माम्‍चु़नीकु सिजेमका र्‍वा, “उहेम मु़चु़ थो़रलामका माम्‍चु़नीकु ङादोडा जो़पा न-गोकाम दु़म, मेराम मु़चु़काङा त्‍वारो़म ल्‍वासु़।”

रेम्‍बेट्‌मिडिम ल्‍वा 19:15

उनी सिलाम हन्‍पा कातु़रु़ मु़चु़मिमलाई चार्मु लु। “गुमीका मेर्मिमलाई हपका मोकु़मिम होप्‍माम सेलकु डु़लु़म्‍चो़का साखाम थो़मी।” गुमीका मेर्मिमलाई खोत्‍लेडलाम यु़मनुङमा माम्‍चु़नीकु छोक्‍चो रेम्‍बेन्‍मी। मेराम ने अङ्‍गूर धेम्‍साका खाल्‍पा मु़चु़ होङङा गुमीका उनी मिक्‍सीकु पिमिमलाई देम्‍मिमिम सो़।