रोमी 4:14 - थुलुङ राई

¹⁴ डु़म्‍ला होम्‍साका दोपामिमका दो़दो़वा ल्‍वापा माला ने थो़र ने हाम ना हामकाम दु़म्‍सावा मा माम्‍चु़नीका याचे जेम्‍डिम ल्‍वा वो हाम ना हामकाम दु़म्‍सावा।

रोमी 4:14 Referans Kwoze

फिलिप्‍पी 3:9

गो माम्‍चु़नीडा जो़पा दु़म्‍मु ने डु़म्‍ला होम्‍साका दोसाका मेएँ, लावो ख्रीष्‍टडलाम थो़रका जो़पा दु़म्‍ङु। माम्‍चु़नीडा जो़पा दु़म्‍सी ने गुमीलामका रो मा ओराम खारी थो़रलामका दु़म।

हिब्रू 7:28

मोशाकु डु़म्‍लाका ने छु़ल बोमु चापा मु़चु़ बाइडा लोवो डोक्‍पु डु़म्‍लाचो़ थुड्‌डु़। लावो मोशाका डु़म्‍ला ग्‍वाक्‍तु़मिम चङ्‌डा माम्‍चु़नीका कसम पेसाका र्‍वाम्‍डिम सिजेमका हेल्‍लो लोवो दु़म्‍पाम बाट्‌पा मा खोत्‍ले बोमु चापा उनीमा तारापाचो़ येशूलाई डोक्‍पु डु़म्‍लाचो़ थुट्‌मिडी।

हिब्रू 7:19

मोशाकु डु़म्‍लाका ने मु़चु़मिमलाई माम्‍चु़नीकु ङादोडा जो़पा बोमु मेचाप्‍सु़वा, लावो मेरामडाम हापा जो़पा ल्‍वा माम्‍चु़नीका ग्‍वानिनी र्‍वाम्‍डिम मेराम ल्‍वालामका गुइ माम्‍चु़नीकु फार्डा रोम्‍थिमु चाप्‍सी।

गलाती 2:21

माम्‍चु़नीकु दिदाम गो हाम ना हामकाम मेमिम्‍पु। हेङालोने डु़म्‍लाका माम्‍चु़नीकु ङादोडा मुमा मान्‍थिम दु़म्‍बेडु़ माला येशू ख्रीष्‍ट क्रूसडा चेन्‍ला सो़सिम्‍डिम ने हाम ना हामकाम दु़म।

रोमी 4:16

माम्‍चु़नीका याचेजेम्‍डिम ल्‍वा ने थो़रलाम ल्‍वासिक्‍पामिमका ओराम माम्‍चु़नीकु दिदामलाम रो। ओरामका डु़म्‍ला होम्‍साका दोपा अब्राहामकु खोत्‍ले चो़-चु़सु़मिमकाम लागि कोङङा मेएँ, लावो अब्राहाम होम्‍साका थो़रलु़पा मु़चु़मिमका वो आच्‍छाङा ल्‍वामी। हेङालोने थो़रलु़पामिमकु ङाउ-खुउ ने अब्राहाम सो़।

रोमी 3:31

थो़रलामका माम्‍चु़नीकु ङादोडा जो़पा न-गोकाम दु़म्सी माला हाम माम्‍चु़नीकु डु़म्‍ला ने हाम ना हामकाम दु़म मा? मेम ने मेएँ, लावो आच्‍छाङा उनीमा डु़म्‍ला होम्‍साका डे दोसीहोम बुइमिम दु़म।

गलाती 5:4

गानी डु़म्‍लालाम जो़पा न-गोकाम दु़म्‍मु न बोनी माला येशू ख्रीष्‍टलाम वाङ दु़म्‍निम बु। माम्‍चु़नीकु दिदामडाम वाङ दु़म्‍निम बु।

१ कोरिन्थी 1:13

हाम ख्रीष्‍ट दो़म्‍सिम्‍डिम बु मा? हाम पावल इनीमा लागि क्रूसडा चेसिड्‌डा? हाम पावलकु नङडा गानी कु-रु़दु़म रन्‍नी मा?