रोमी 4:12 - थुलुङ राई

¹² आरेसाकाङा यहूदीमिमका खिरिरि क्रिप्‍मिडिमका कोङङा मेएँ, लावो अब्राहामका थो़र बु़डु़म होम्‍साकाङा मेर्मिमका वो थो़र बेम्‍डिमका गु खिरिरि क्रिपामिमकाम वो ङाउ-खुउ दु़स्‍ताम सो़।

रोमी 4:12 Referans Kwoze

१ पत्रुस 2:21

आरेप्‍मामङा दु़खा इम्‍मुकाम लागि माम्‍चु़नीका गानीलाई येट्‌निमिम सो़। हेङालोने गानी उनी सु़ल-सु़ल लाम्‍दिनी र्‍वाक्‍साका ख्रीष्‍टका वो इनीमा लागि इम्‍मिडिमा रेम्‍बेट्‌निमी।

२ कोरिन्‍थी 12:18

गो तीतसलाई इनीमाडा लमु र्‍वाक्‍साका छो़म र्‍वाङडो मा कोले ल्‍वाकलाई वो गुनुङ थु़र्तो। तीतसका लिमा थेसाका गानीलाम हाम-हुम रङडु़ मा? गुचुकु कोलेङा न नुङ कोलेङा बेसी-दोसीका मेबेचुकुवा मा?

मत्ती 3:9

‘गुकु ने अब्राहामकु चो़-चु़सु़ सो़, मेम्‍मिमका देन्‍दे मेल्‍वाकु’ र्‍वाक्‍पा इनी त्‍वाप-त्‍वापगोडा मेमिम्‍सिट्‌नी, हेङालोने गो गानीलाई र्‍वाङु, माम्‍चु़नीका ओर्मिम लुङकाम वो अब्राहामकु चो़-चु़सु़ प्रङमु चाम्‍मी।

रोमी 4:11

मेम्‍मिमका खिरिरि क्रिप्‍सी ने उमा थो़रलाम माम्‍चु़नीका जो़पा न-गोकाम दु़म्‍बेट्‌मिडिम छेखोप रेम्‍बेट्‌मिडिम सो़। आरेसाका अब्राहामका खिरिरि मेक्रिपा लोवो माम्‍चु़नीडा ने थो़रलु़साका जो़पा न-गोकाम दु़म्‍पा वाङसामामिमकाम ङाउ-खुउ दु़स्‍ता।

रोमी 4:13

अब्राहाम नुङ उमा चो़-चु़सु़मिमका सु़म्‍दिसेरडाम दो़दो़वा ल्‍वामी र्‍वाक्‍साका याचेजम्‍डिम ल्‍वा ने डु़म्‍लाका र्‍वाक्‍ताम होङङा बेसाका मेएँ, लावो थो़रलु़सीलाम जो़पा न-गोका दु़म्‍साका रोक्‍ताम सो़।