रोमी 4:11 - थुलुङ राई

¹¹ मेम्‍मिमका खिरिरि क्रिप्‍सी ने उमा थो़रलाम माम्‍चु़नीका जो़पा न-गोकाम दु़म्‍बेट्‌मिडिम छेखोप रेम्‍बेट्‌मिडिम सो़। आरेसाका अब्राहामका खिरिरि मेक्रिपा लोवो माम्‍चु़नीडा ने थो़रलु़साका जो़पा न-गोकाम दु़म्‍पा वाङसामामिमकाम ङाउ-खुउ दु़स्‍ता।

रोमी 4:11 Referans Kwoze

रोमी 3:22

आरेसाका माम्‍चु़नीका येशू ख्रीष्‍टडला थो़र बेपा खोत्‍ले मु़चु़मिमलाई जो़पा न-गोकाम दु़म्‍बेन्‍मी। हेङालोने गुमीका सु़लाई वो चोमिक्‍सी मेबोमी।

लूका 19:9

मेकोतिमा येशूका मेरामलाई र्‍वाम्‍डी, “आनेप गाना नुङ इ नेमडाम खोत्‍लेङा सेल्‍सिट्‌निम बु, हेङालोने गाना वो अब्राहामकु चो़ ङा सो़।

हिब्रू 11:7

थो़रकाङा नोआका उमा नेमडाममिमलाई होङकोर्माडाम सेल्‍मु कोले डोक्‍पु कुबी-बोक्‍सा बनेबु़डु़। मेरामडाम ङादो हेल्‍लो वो मेदु़म्‍थेङा बाट्‌पा ल्‍वाकु दुथाम गुलाई चङचङया बाबेट्‌पा माम्‍चु़नीका र्‍वाम्‍डिम होङङा गुका बु़डु़। थो़रकाङा गुका सु़म्‍दिसेरलाई मुमा बेड्‌डु़ मा थो़रकाङा गुलाई माम्‍चु़नीका जो़पा र्‍वाम्‍डी।

२ कोरिन्‍थी 1:22

गुइ गुमीकाम ङा र्‍वाक्‍साका गुमीका गुइडला उनीमा छेखोप ओप्‍मिडिम बु मा ङादो ग्‍वाक्‍पा बैना होप्‍मामङा इकीमा न-गोडा माम्‍चु़नी-पेल ग्‍वाक्‍साड्‌डामिम बु।

फिलिप्‍पी 3:9

गो माम्‍चु़नीडा जो़पा दु़म्‍मु ने डु़म्‍ला होम्‍साका दोसाका मेएँ, लावो ख्रीष्‍टडलाम थो़रका जो़पा दु़म्‍ङु। माम्‍चु़नीडा जो़पा दु़म्‍सी ने गुमीलामका रो मा ओराम खारी थो़रलामका दु़म।

एफिसी 4:30

गानीगोडा बाट्‌पा माम्‍चु़नी-पेललाई इनी बासी-दोसीलामका मेभ्रसिक्‍पा मेदु़म्‍बेट्‌नी, हेङालोने सेल्‍सिक्‍पा नेम गानी वो सेल्‍सिमु ल्‍वानी र्‍वाक्‍साका माम्‍चु़नीका उनी त्‍वाकु पेल ग्‍वाक्‍साका गानीडला छाप ओप्‍मिडिम बु।

एफिसी 1:13

मेम्साका गानी वो आच्‍छाङाकु सिजेम, सेल्सिक्‍पा जो़पा-सेला थो़न्‍निमा ख्रीष्‍टडा थो़र बेन्‍नी। मेम्मिमका माम्‍चु़नीका ङादो याचे जेम्‍डिम माम्‍चु़नी-पेल गानीलाई ग्‍वाक्‍साका उनीमा मु़चु़ र्‍वाक्‍पा छाप ओप्‍मिडिम बु।

गलाती 6:16

ओराम ल्‍वा होम्‍साका दोपा मा माम्‍चु़नीकु खोत्‍ले मु़चु़मिमका न-भ्रसी नुङ न-थो़म ल्‍वामिनु़।

गलाती 5:5

लावो गुइ थो़रलाम माम्‍चु़नीकु ङादोडा जो़पा न-गोकाम दु़म्‍सिनु़ र्‍वाक्‍साका इकी न-गोडा लन्‍थामु चापा ने माम्‍चु़नी-पेलका दु़म्‍बेसामी।

गलाती 3:29

गानी ख्रीष्‍टकाम माला गानी अब्राहामकु चो़-चु़सु़, मा माम्‍चु़नीका याचे जेम्‍डिम ल्‍वाकु खुन्‍चु़म ल्‍वापा सो़।

गलाती 3:22

लावो खोत्‍ले मु़चु़मिमलाई छु़लका बथाडु़मिम बु र्‍वाक्‍पा माम्‍चु़नीकु सिजेमका रेम्‍बु़। मेम्‍मिमका माम्‍चु़नीका याचे जेम्‍डिम ल्‍वा येशू ख्रीष्‍टडा थो़रलु़साका कोङङा गुइ ल्‍वामु चाप्‍सी।

गलाती 3:7

मेम्‍मिमका गानी ओराम ल्‍वा चन्‍जो़ल्‍नी, उहेमका थो़र बोमी मेर्मिमङा अब्राहामकु चो़-चु़सु़मिम सो़।

रोमी 10:11

माम्‍चु़नीकु सिजेमका र्‍वा, “गुमीडला थो़रलु़पा मु़चु़का हेल्‍लो वो उनी क्रो़म लुमु मेबासी।”

रोमी 10:6

लावो थो़रलाम माम्‍चु़नीकु ङादोडा जो़पा न-गोकाम दु़म्‍मु लागि उनीमा सिजेमका आरे र्‍वा, “नगोडा आरे मेर्‍वाका, सु़ पाह्री ल?” (लोवो येशूलाई धाली सो़न्‍मु र्‍वाक्‍साका)

रोमी 10:4

हेङालोने थो़रबेपामिम जो़पा न-गोकाम दु़म्‍मु चाप्‍मिनु़ र्‍वाक्‍साका डु़म्‍लाका माल्‍लु़म ल्‍वा ने येशू ख्रीष्‍टकाङा बेम्‍सोम्‍डी।

यूहन्‍ना 6:35

येशूका मेर्मिमनुङ र्‍वाम्‍डी, “मेसिपा त्‍वारो़म ग्‍वाक्‍पा सो़बेम गोङा सो़। उहेम मु़चु़ आमाडा रो मेराम मु़चु़ हेल्‍लो वो क्रु़म मेसि, मा गोडला थो़रलु़पा मु़चु़ हेल्‍लो वो कोरा मेसि।

रेम्‍बेट्‌मिडिम ल्‍वा 9:4

सुबुडाम जेम, बोट, धक्‍सालाई हाम वो मेबेनी लावो उहेम मु़चु़मिमकाम कुप्‍पीडा माम्‍चु़नीकु छाप मिबु मेर्मिमलाई कोङङा दु़खा ग्‍वाक्‍नी र्‍वाक्‍पा ल्‍वा मेर्मिमका रम्‍डी।

२ पत्रुस 1:1

गो येशू ख्रीष्‍टकु डु़ल्‍चो़ नुङ थु़र्मा सिमोन पत्रुसका, इकीमा माम्‍चु़नी नुङ गुइलाई सेल्‍पा येशू ख्रीष्‍टकु चोमिक्‍सी मान्‍थिम नुङ जो़पा खारी बेसीलामका आकीमा होप्‍माम हापा थिकाम थो़र ल्‍वापा गानीलाई ओराम सेलाखाजेम र्‍याक्‍तोङा बेउ।

रोमी 9:30

गो र्‍वामु माल्‍तोम ल्‍वा ओराम ङा सो़। वाङसामामिम माम्‍चु़नीकु न-गो होम्‍साका मेदोपा मु़चु़ बाम्‍डी। लावो मेर्मिम ने थो़रलु़सीलामका माम्‍चु़नीकु ङादोडा जो़पा न-गोकाम मु़चु़ दु़म्‍मिडी।

रोमी 9:6

हाम माम्‍चु़नीकु सिजेम हाम ना हामकाम दु़स्‍ता मा? मेएँ, हेङालोने इस्राएलडा गक्‍पा र्‍वाक्‍साका आच्‍छाङा खोत्‍ले इस्राएली र्‍वामु मेझाम,

रोमी 3:26

माम्‍चु़नीका मु़चु़मिमकु छु़ल हेप्‍साका उनी त्‍वाप जो़पा न-गोकाम बुमी, मा येशूडा थो़रलु़पामिमलाई जो़पा न-गोकाम दु़म्‍बेन्‍मी र्‍वाक्‍पा ल्‍वा ओम्‍लोम थारीका वो रेम्‍बोमी।

यूहन्‍ना 8:33

मेर्मिमका गुमीलाई र्‍वाम्‍डी, “गुकु ने अब्राहामकु चो़-चु़सु़, सु़काम हेल्‍लो वो डु़ल्‍चो़ दु़म्‍तोकोम मिबु। गानी फ्‍वान्‍सिनी र्‍वाक्‍साका हाम र्‍वानिमिम?”

यूहन्‍ना 6:47

आच्‍छाङा गो गानीलाई र्‍वाङु, उहेमका गोडला थो़र बु़, गुनुङ मेसिपा त्‍वारो़म दु़म।

यूहन्‍ना 6:40

हेङालोने आमा पापकु न ओराम बु, उहेम-उहेमका तारापाचो़लाई रेम्‍मी, मा गुडला थो़रलु़मी मेर्मिमका मेसिपा त्‍वारो़म ल्‍वामिनु़। मेम्‍मा हुक्‍पा थारीनेम गो मेर्मिमलाई नु़बेट्‌पुमी।”

यूहन्‍ना 3:36

उहेमका माम्‍चु़नीकु तारापाचो़डला थो़र बु़, मेरामनुङ मेसिपा त्‍वारो़म दु़म। उहेमका तारापाचो़का र्‍वामिमिम मेथो़सु़, मेरामका मेसिपा त्‍वारो़म मेल्‍वासु़। लावो माम्‍चु़नीकु देन्‍दे मेरामडला दु़महोम बु।”

मत्ती 16:16

सिमोन पत्रुसका र्‍वाक्‍ता, “गानी ख्रीष्‍ट, हेल्‍लो लोवो बाट्‌पाम बाट्‌पा माम्‍चु़नीकु तारापाचो़।”

मत्ती 8:11

गो गानीलाई र्‍वाङु, नेप्सुङ ओपाथो़ नुङ नेप्सुङ गाम्पाथो़म सु़म्‍दिसेर खोत्‍लेलामका वाङसामा मु़चु़मिम हापा रोमी। मेम्‍मा अब्राहाम, इसाहक, याकूबनुङ पाह्री-किब्‍दीडा ग्रुला पेप्‍डा मेर्मिम गन्‍मी।

रोमी 9:33

ख्रीष्‍टकु दुथाम माम्‍चु़नीका र्‍वाम्‍डिम होङङा माम्‍चु़नीकु सिजेमडा र्‍याक्‍मा बु, “रेप्‍नी, गो सियोनडा कोले साम्‍फ्‍ले लुङ जु़ल्‍पु, उहेम लुङडा मु़चु़मिमका खेल तुमी, मेरामका मेर्मिमलाई चार्सु़मी, लावो गुमीडा थो़रलु़पामिम सु़ वो क्रो़म लु़मु बासिक्‍पा मेदु़म्‍मी।”

यूहन्‍ना 3:33

गुमीका सो़मिमिम ल्‍वा उहेम मु़चु़का थो़र बु़, मेरामका माम्‍चु़नी आच्‍छाङाकाम बुमी र्‍वाक्‍पा रेम्‍बु़।

रोमी 3:30

हेङालोने माम्‍चु़नी कोले ङा बुमी। गुमीका खिरिरि क्रिपा यहूदी लोवो, खिरिरि मेक्रिपा वाङसामा लोवो, खोत्‍लेलाई मेर्मिमकु थो़रलु़सीलाम उनीमा ङादोडा जो़पा न-गोकाम दु़म्‍बेन्‍मी।

रोमी 4:10

आरेप्‍माम हेल्‍लो दु़स्‍ता? गुका यहूदी डु़म्‍ला होम्‍साका खिरिरि क्रिम्‍डु़म चङडा डे ङादो डे? खिरिरि क्रिम्‍सी दु़म्‍मु ङादोङा अब्राहामका थो़र बु़डु़। खिरिरि क्रिम्‍मु ङादोङा माम्‍चु़नीका गुलाई जो़पा न-गोकाम दु़म्‍बेट्‌मिडी।