रोमी 4:10 - थुलुङ राई

¹⁰ आरेप्‍माम हेल्‍लो दु़स्‍ता? गुका यहूदी डु़म्‍ला होम्‍साका खिरिरि क्रिम्‍डु़म चङडा डे ङादो डे? खिरिरि क्रिम्‍सी दु़म्‍मु ङादोङा अब्राहामका थो़र बु़डु़। खिरिरि क्रिम्‍मु ङादोङा माम्‍चु़नीका गुलाई जो़पा न-गोकाम दु़म्‍बेट्‌मिडी।

रोमी 4:10 Referans Kwoze

गलाती 6:15

कोक्‍ते खिरिरि क्रिप्‍डी लोवो मेक्रिप्‍डी लोवो मेराम डोक्‍पु ल्‍वा मेएँ, लावो मु़चु़मिमका माम्‍चु़नीलाममिम लाले त्‍वारो़म रमुङा खोत्‍लेडाम डोक्‍पु ल्‍वा सो़।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

रोमी 4:9

ओराम जि-वा ने खिरिरि क्रिपामिमकाम कोङङा मेएँ, लावो खिरिरि मेक्रिपामिमकाम लागि वो सो़। अब्राहाम ने थो़रलु़सीलामका ङा माम्‍चु़नीकु ङादोडा जो़पा न-गोकाम दु़स्‍ताम बाइडा र्‍वाक्‍तो गेड्‌डिम बु।

रोमी 4:11

मेम्‍मिमका खिरिरि क्रिप्‍सी ने उमा थो़रलाम माम्‍चु़नीका जो़पा न-गोकाम दु़म्‍बेट्‌मिडिम छेखोप रेम्‍बेट्‌मिडिम सो़। आरेसाका अब्राहामका खिरिरि मेक्रिपा लोवो माम्‍चु़नीडा ने थो़रलु़साका जो़पा न-गोकाम दु़म्‍पा वाङसामामिमकाम ङाउ-खुउ दु़स्‍ता।