रोमी 3:9 - थुलुङ राई

⁹ मेम माला गुइ यहूदीमिम वाङमिमडाम जो़पा बुइ मा? मेम ने मेएँ, हेङालोने यहूदी नुङ वाङसामा खोत्‍लेङा छु़लका हुप्‍डु़मिम बु र्‍वाक्‍साका ङादोङा गो रेम्‍बोमु दु़म्‍तोम बु।

रोमी 3:9 Referans Kwoze

गलाती 3:22

लावो खोत्‍ले मु़चु़मिमलाई छु़लका बथाडु़मिम बु र्‍वाक्‍पा माम्‍चु़नीकु सिजेमका रेम्‍बु़। मेम्‍मिमका माम्‍चु़नीका याचे जेम्‍डिम ल्‍वा येशू ख्रीष्‍टडा थो़रलु़साका कोङङा गुइ ल्‍वामु चाप्‍सी।

रोमी 6:15

हाम गुइ डु़म्‍लाकु साखाम गोडा मेबुइ, लावो दिदामकु साखामगोडा बुइ र्‍वाक्‍साका गुइ छु़ल बोमु? आरेप्‍माम ने हेल्‍लो वो मेएँ।

रोमी 11:32

हेङालोने माम्‍चु़नीकु दिदाम खोत्‍लेका ल्‍वामिनु़ र्‍वाक्‍साका गुमीका र्‍वामिमिम मेथो़पा खोत्‍लेलाई मेर्मिमकु नसीहोमका पार्जो़ल्‍मिडी।

रोमी 3:19

डु़म्‍लागोडाम ल्‍वा ने डु़म्‍लाका र्‍वामिम थो़पा मु़चु़मिमकाम लागि र्‍वाक्‍साका गुइ चडिम बु। मेम्‍मिमका खोत्‍ले मु़चु़मिमकु सि ड्‍यासी मा सु़म्‍दिसेरडाम मु़चु़मिमलाई माम्‍चु़नीकु ङादोडा येम्‍सिबेन्‍मी।

फिलिप्‍पी 1:18

लावो ओराम ने हाम मा? खोत्‍लेडाम डोक्‍पु ल्‍वा ने ओरामङा सो़, मेजो़पा नका दु़म्‍नु़का आच्‍छाङाकाम नका, हेसाका लोवो मेर्मिमका ख्रीष्‍टकु दुथाम थो़बेन्‍मिमिम बुमी। ओरामकाङा गो भ्रसिद्‍वाङु।

गलाती 3:10

माम्‍चु़नीकु ङादोडा मुमा मान्‍थिम दु़म्‍मु लागि डु़म्‍लागोडाम खारी बेसीडा थो़र बेपा खोत्‍ले मु़चु़मिम वाइतो बेन्‍ला सो़सिमी। हेङालोने माम्‍चु़नीकु सिजेमडा र्‍याक्‍मा बु, “मोशाकु डु़म्‍लागोडा बाट्‍पा खोत्‍ले ल्‍वा जो़होमका मेबेसाका बाट्‍पा खोत्‍ले मु़चु़मिम वाइतो बेन्‍ला सो़सिमी।”

१ कोरिन्थी 14:15

मेम माला गो हाम बोमु? गो आमा न-गोका सो़म्‍दी बेउ मा थेसीथेट्‍पा आमा नका वो सो़म्‍दी बेउ। आमा न-गोका काम्‍सो बेउ मा आमा नका वो काम्‍सो बेउ।

१ कोरिन्थी 10:19

गो हाम र्‍वाक्‍तोङा बेउमिम? ङाटालाई ग्‍वाक्‍मा पोमुथोकमिमङा हाम डोक्‍पु ल्‍वा मा? लोवो ङाटा ङा हाम डोक्‍पु ल्‍वा?

१ कोरिन्थी 4:7

सु़का गानीलाई वाङमिम मु़चु़डाम डोक्‍पु दु़म्‍बेट्‍नी? गानीनुङ हाम बु मेराम गानीलाई माम्‍चु़नीका ग्‍वाक्‍निमिम मेएँ मा? माम्‍चु़नीका ग्‍वाक्‍निम माला हेङा गानी डोक्‍पु लिन्‍सिनी?

रोमी 11:7

मेम माला मेर्मिमलाई हाम दु़स्‍ता मा? खोत्‍ले इस्राएलीमिमका उनी त्‍वाकु नका माल्‍मिडिम ल्‍वा मेडार्मिवा। लावो माम्‍चु़नीका थुट्‌मिडिम इस्राएलीमिमका कोङङा मेराम ल्‍वा डार्मिडी। वाङमिम खोत्‍ले इस्राएलीमिम लुङ होप्‍माम न-गोनुङमा दु़म्‍मिडी।

रोमी 3:5

लावो गुइ बिमिम मेजो़पा खारीका माम्‍चु़नीलाई जो़पा ल्‍वासी माला गुइ हाम र्‍वामु मा? हाम माम्‍चु़नी गुइनुङ भुर्मु मेजो़पा मा? कोङनिम मु़चु़का आरेप्‍माम मिम्‍मी।

रोमी 1:18

पाह्रीलाम माम्‍चु़नी पापकाम छोक्‍चो मु़चु़मिमकु छु़ल नुङ मेजो़पा खारीकु कोर्थो़लाम रेम्‍बेसिड्‍डाम बु। मेर्मिमकाम उनीमा त्‍वाकु मेजो़पा खारीकाङा आच्‍छाङाकाम सीसि रिप्‍डु़म बु।

लूका 7:39

येशूलाई येट्‌पा फरिसीका ओराम ल्‍वास्‍तु़मा उ नड्‍डा आरे र्‍वाक्‍ता, “ओराम माम्‍चु़नीलाम-जेपा मु़चु़ माला ने हेप्‍माम मेसेमका गुलाई लु़प्‍तोङा लेडु़ र्‍वाक्‍साका चवा, हेङालोने मेराम ने छु़लचो़ मेसेम डे।”

रोमी 2:1

मेम्‍मिमका वाङमिमकु निया बेपा मु़चु़नी, गो मुमा मान्‍थिम बुङु र्‍वामु मेल्‍वानी, हेङालोने उहेम ल्‍वाडा गानी वाङमिमलाई मुमा बेनिमी मेराम खारी इनी त्‍वाका वो बोनी मा मुमाचो़ दु़म्‍नी।

रोमी 3:1

मेम माला यहूदी दु़म्‍मिडिलो मेर्मिमलाई हाम जो़पा दु़स्‍ता मा? खिरिरि क्रिप्‍सीगोडाम डोक्‍पु ल्‍वा हाम बु?

रोमी 7:14

डु़म्‍ला ने माम्‍चु़नी-पेलका ग्‍वाक्‍साड्‍डामिम जो़पा ल्‍वा र्‍वाक्‍साका गुइ चडिम बु। लावो गो ने आमा न-गो होम्‍साका दोपा छु़लका र्‍वामिम थो़पा मा डु़ल्‍चो़ होङङा छु़लडा भ्रेन्‍सिङडोम मु़चु़ सो़।