रोमी 3:31 - थुलुङ राई

³¹ थो़रलामका माम्‍चु़नीकु ङादोडा जो़पा न-गोकाम दु़म्सी माला हाम माम्‍चु़नीकु डु़म्‍ला ने हाम ना हामकाम दु़म मा? मेम ने मेएँ, लावो आच्‍छाङा उनीमा डु़म्‍ला होम्‍साका डे दोसीहोम बुइमिम दु़म।

रोमी 3:31 Referans Kwoze

गलाती 2:21

माम्‍चु़नीकु दिदाम गो हाम ना हामकाम मेमिम्‍पु। हेङालोने डु़म्‍लाका माम्‍चु़नीकु ङादोडा मुमा मान्‍थिम दु़म्‍बेडु़ माला येशू ख्रीष्‍ट क्रूसडा चेन्‍ला सो़सिम्‍डिम ने हाम ना हामकाम दु़म।

मत्ती 5:17

“मोशाकु डु़म्‍ला लोवो माम्‍चु़नीलाम-जेपामिमका र्‍वाम्‍डिम सिजेमलाई लोवो हाम ना हामकाम दु़म्‍बेड्‌डा गो योङडोम र्‍वाक्‍साका गानी मेमिम्‍सिट्‌नी, लावो गो ने ओर्मिम ल्‍वा खोत्ले रेन्‍थिमु लागि योङडोम सो़।

१ कोरिन्थी 9:21

यहूदी डु़म्‍ला होम्‍साका मेदोपा वाङसामामिमनुङ खारी बेउतोलो मेर्मिमका ख्रीष्‍टडा थो़र लु़मिनु़ र्‍वाक्‍साका गो यहूदी डु़म्‍ला होम्‍साका मेदोपामिम होप्‍मामङा दु़म्‍ङोडो। गो र्‍वामु माल्तोम ल्‍वा ने माम्‍चु़नीकु डु़म्‍लाडाम गो वाङ मेबुङु, लावो ख्रीष्‍टकु डु़म्‍ला होम्‍साका दोङु।

रोमी 10:4

हेङालोने थो़रबेपामिम जो़पा न-गोकाम दु़म्‍मु चाप्‍मिनु़ र्‍वाक्‍साका डु़म्‍लाका माल्‍लु़म ल्‍वा ने येशू ख्रीष्‍टकाङा बेम्‍सोम्‍डी।

रोमी 8:4

त्‍वाकु मिरो़मडाम बादीखाम होम्‍साका मेएँ लावो माम्‍चु़नी-पेल होम्‍साका दोपामिमकाम लागि डु़म्‍लाका र्‍वाक्‍ताम ल्‍वा रोक्‍थिड्‍डाम बु।

गलाती 2:19

हेङालोने गो डु़म्‍ला होम्‍साका दोमु माल्‍तोलो डु़म्‍लाका गोलाई मुमा बेट्‌ङिडी। मेम्‍मिमका गो माम्‍चु़नीकाम लागि नु़पा दु़म्‍मु चापुनु़ र्‍वाक्‍साका डु़म्‍ला होम्‍साका गो दोमु डित्तो।

रोमी 7:25

येशू ख्रीष्‍ट इकीमा ङाचो़लामका ङा माम्‍चु़नीलाई आला दु़म्‍नु़। मेम्‍मिमका गो आमा त्‍वाकु नका ने माम्‍चु़नीकु डु़म्‍लाकाम लाले पाङके बेउ, लावो आमा छु़ललाममिम बासी दोसी होम्‍साका आथावो गो दोङुम बुङु।

रोमी 7:22

आमा न-गो ने माम्‍चु़नीलाममिम डु़म्‍लाडा गेर्सी द्‍वा।

रोमी 4:14

डु़म्‍ला होम्‍साका दोपामिमका दो़दो़वा ल्‍वापा माला ने थो़र ने हाम ना हामकाम दु़म्‍सावा मा माम्‍चु़नीका याचे जेम्‍डिम ल्‍वा वो हाम ना हामकाम दु़म्‍सावा।

रोमी 3:4

आरेप्‍माम हेल्‍लो वो मेदु़म, मु़चु़मिम लिमाचो़ दु़म्‍मी लोवो माम्‍चु़नी आच्‍छाङाकाम बुमी। माम्‍चु़नीकु सिजेमडा र्‍याक्‍मा बु, “गानी जेन्‍निम ल्‍वा आच्‍छाङा सो़ र्‍वाक्‍साका मु़चु़मिमका र्‍वामी, मा निया दु़म्‍मिम थारीका गानी घ्‍ल्‍वानी।”

मत्ती 15:6

आरेसाका मेर्मिमका उनी माम-पापलाई डोक्‍पु बोमु मेबासी र्‍वाक्‍पा गानी सीनी। इनी बेप-पापमिमका बेम्‍खेम्‍डिम डु़म्‍ला होङङा बोमु लागि माम्‍चु़नीकु सिजेम गानी फाल्‍निम बु।

मत्ती 5:20

हेङालोने गो गानीलाई र्‍वाङु, डु़म्‍लाका र्‍वामिम ल्वा डु़म्‍ला सीपा पातु़म्‍री नुङ फरिसीमिमडाम वो जो़होमका मेबेनिवा माला आछाङा गानी पाह्री-किब्‍दीडा हुमु मेल्‍वानी।

मत्ती 3:15

येशूका गुनुङ र्‍वाम्‍डी, “ओम्‍लो आरेङा बे, हेङालोने माम्‍चु़नीका बेनी र्‍वामिमिम खोत्‍ले बोमु बासी।” मेम्‍मा यूहन्‍नाका कु-रु़दु़म ग्‍वामु बिसिड्‍डा।

लूका 20:16

गु रोमा मे बोम्‍था बेपा मु़चु़मिमलाई सेडु़मी, मा अङ्‍गूर ये कोङमीलाई ङा ग्‍वाकु़मी।” मु़चु़मिमका ओराम थो़म्‍डिमा र्‍वाम्‍डी, “आरेप्‍माम हेल्‍लो वो मेदु़म्‍नु़।”

रोमी 2:20

नेप्‍ची मान्‍थिम मु़चु़मिमलाई सीपा, थेसिमेथेट्‍पामिमलाई सीपा गुकु ङा र्‍वानी। माम्‍चु़नीकु डु़म्‍ला गुकुनुङ बु मेम्मिमका सीसिमु बासिक्‍पा ल्‍वा खोत्‍ले गुकु चकु र्‍वाक्‍साका र्‍वानी।

रोमी 3:6

माम्‍चु़नीका देन्‍दे ग्‍वामु र्‍वाक्‍मा मेजो़पा ल्‍वा हेल्‍लो वो मेएँ। मेम माला ने माम्‍चु़नीका सु़म्‍दिसेरडाम मु़चु़मिमकु निया हेसाका बोमु चाम्‍मी मा?