रोमी 3:30 - थुलुङ राई

³⁰ हेङालोने माम्‍चु़नी कोले ङा बुमी। गुमीका खिरिरि क्रिपा यहूदी लोवो, खिरिरि मेक्रिपा वाङसामा लोवो, खोत्‍लेलाई मेर्मिमकु थो़रलु़सीलाम उनीमा ङादोडा जो़पा न-गोकाम दु़म्‍बेन्‍मी।

रोमी 3:30 Referans Kwoze

गलाती 3:8

माम्‍चु़नीका वाङसामामिमलाई थो़रलु़सीलामका जो़पा न-गोकाम र्‍वाक्‍पा मिम्‍मिडिम बु र्‍वाक्‍साका माम्‍चु़नीकु सिजेमडा ङादोङा र्‍याक्‍मा बाइडा। मेम्‍मिमका अब्राहामलाई, “गानालामकाङा सुबुडा बाट्‌पा खोत्‍ले सामाडाम मु़चु़मिमका जि ल्‍वामी” र्‍वाक्‍साका आरेप्‍माम जो़पा-सेला ङादोङा थो़बेट्‌मा बाइडा।

गलाती 3:20

नले मु़चु़कु थेतेडा दु़म्‍पाका ने नलेकाम लागि जे, लावो माम्‍चु़नीका अब्राहामनुङ याचे जेम्‍डिलो ने वाङमिम मु़चु़ मेथु़र्साका गुमी उनी त्‍वापङा जेम्‍डी।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।

गलाती 6:15

कोक्‍ते खिरिरि क्रिप्‍डी लोवो मेक्रिप्‍डी लोवो मेराम डोक्‍पु ल्‍वा मेएँ, लावो मु़चु़मिमका माम्‍चु़नीलाममिम लाले त्‍वारो़म रमुङा खोत्‍लेडाम डोक्‍पु ल्‍वा सो़।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

गलाती 3:28

आथाडा आनो ना यहूदी बु ना ग्रीक, ना डु़ल्‍चो़ ना वाङ दु़म्‍पा, ना वोस्‍चो़ ना मेसेम दु़म्‍मी, हेङालोने येशू ख्रीष्‍टडा खोत्‍ले कोलेङा सो़।

रोमी 3:28

मेम्‍मिमका डु़म्‍ला होम्‍साका दोसाका मेएँ, लावो थो़रलु़साका ङा माम्‍चु़नीकु ङादोडा जो़पा न-गोकाम दु़म्‍मु चाप्‍सी र्‍वाक्‍साका गुइ च।

रोमी 2:26

खिरिरि मेक्रिपा मु़चु़का डु़म्‍ला होम्‍साका दो माला हाम मेराम माम्‍चु़नीकु ङादोडा खिरिरि क्रिपा कोतिमङा मेएँ मा?

रोमी 2:27

गानी खिरिरि क्रिपा यहूदीमिम खिरिरि मेक्रिपा वाङसामामिमलाम मुमा बेन्‍ला सो़न्‍सिनी हेङालोने गानी र्‍याक्‍मा डु़म्‍ला बाट्‍पा मा खिरिरि क्रिपा लोवो गानी डु़म्‍ला होम्‍साका मेदोनी माला खिरिरि मेक्रिपा वाङसामामिम ने डु़म्‍ला होम्‍साका दोमी।

रोमी 3:22

आरेसाका माम्‍चु़नीका येशू ख्रीष्‍टडला थो़र बेपा खोत्‍ले मु़चु़मिमलाई जो़पा न-गोकाम दु़म्‍बेन्‍मी। हेङालोने गुमीका सु़लाई वो चोमिक्‍सी मेबोमी।

रोमी 4:9

ओराम जि-वा ने खिरिरि क्रिपामिमकाम कोङङा मेएँ, लावो खिरिरि मेक्रिपामिमकाम लागि वो सो़। अब्राहाम ने थो़रलु़सीलामका ङा माम्‍चु़नीकु ङादोडा जो़पा न-गोकाम दु़स्‍ताम बाइडा र्‍वाक्‍तो गेड्‌डिम बु।

रोमी 4:16

माम्‍चु़नीका याचेजेम्‍डिम ल्‍वा ने थो़रलाम ल्‍वासिक्‍पामिमका ओराम माम्‍चु़नीकु दिदामलाम रो। ओरामका डु़म्‍ला होम्‍साका दोपा अब्राहामकु खोत्‍ले चो़-चु़सु़मिमकाम लागि कोङङा मेएँ, लावो अब्राहाम होम्‍साका थो़रलु़पा मु़चु़मिमका वो आच्‍छाङा ल्‍वामी। हेङालोने थो़रलु़पामिमकु ङाउ-खुउ ने अब्राहाम सो़।

१ तिमोथी 2:5

माम्‍चु़नी कोले कोङङा सो़, मा माम्‍चु़नीनुङ मु़चु़कु न-थो़म घ्रो़म्‍बेन्‍मु ने ख्रीष्‍टलामका कोङङा दु़म। आरे बोमु लागि येशू ख्रीष्‍ट ने मु़चु़ दु़म्‍साका योम्‍डी।