रोमी 3:29 - थुलुङ राई

²⁹ हाम माम्‍चु़नी यहूदीमिमकाम कोङङा मा? वाङसामामिमकाम माम्‍चु़नी मेएँ मा? गुमी वाङसामामिमकाम वो माम्‍चु़नी सो़।

रोमी 3:29 Referans Kwoze

कलस्‍सी 3:11

माम्‍चु़नीका आरे बेम्‍डिमका ग्रीक ना यहूदी, कोक्‍ते खिरिरि क्रिप्‍मा ना मेक्रिप्‍मा मु़चु़, मेसीसिक्‍पा, सोक्‍मुचो़, डु़ल्‍चो़ ना मेडु़ल्‍चो़ हाम वो मेएँ। लावो ख्रीष्‍टङा खोत्‍लेडाम डोक्‍पु सो़, मा खोत्‍लेकाडा गुमी बुमी।

एफिसी 3:6

मेराम सु़का वो मेचक्‍मिवाम ल्‍वा ने ओराम सो़: जो़पा-सेलालामका वाङ सामामिमका वो ख्रीष्‍ट येशूडा यहूदीमिमनुङ कोयोङा जि-वाकु खुन्‍चु़म ल्‍वामी, मा कोले मिरो़मडा कोयोङा दु़म्‍मी, मा माम्‍चु़नीका याचे जेम्‍डिम ल्‍वा कोयोङा ल्‍वामी।

गलाती 3:14

अब्राहामलाई ग्‍वाक्‍मिडिम जि येशू ख्रीष्‍टलाम वाङसामामिमका ल्‍वामिनु़ र्‍वाक्‍साका गुमीका थि सोक्‍साका गुइलाई सेल्‍साड्‌डामी। मेम्‍साका इकीमा थो़रलु़सीलामका गुमीका याचे जेम्‍डिम माम्‍चु़नी-पेल गुइ ल्‍वामु चाप्‍सी।

रोमी 15:16

वाङसामाकाम लागि माम्‍चु़नीकु डु़म्‍लाचो़का बोमु बासिक्‍पा होम्‍साका खारी बोमु लागि गुमीका गोलाई ओराम दिदाम ग्‍वाङडिमिम सो़। मेम्मिमका माम्‍चु़नी-पेललाम सेपा दु़म्‍साका माम्‍चु़नीडा सासेन्‍सिमु घ्रेट्‍पा दु़म्‍मिनु़।

रोमी 10:12

यहूदी नुङ वाङसामाडा हाम वो वाङ मिबु। गुमी गुइ खोत्‍लेकाम कोलेङा माम्‍चु़नी बुमी मा गुमीडा सो़म्‍दी बेपा खोत्‍लेलाई हापा जि ग्‍वामी।

रोमी 1:16

जो़पा-सेला थो़बेन्‍मु गोलाई क्रो़म मेलु़, हेङालोने थो़र बेपा खोत्‍लेकाम लागि सेल्‍सिमु ल्‍वापा माम्‍चु़नीकु यु़म सो़, ङादो यहूदीमिमकाम लागि मा वाङ सामाकाम लागि वो सो़।

थु़र्मा 26:17

गो गानालाई यहूदीमिम नुङ वाङसामामिमलामका सेल्‍नी, मा मेर्मिमकाडा ङा थु़र्नी,

थु़र्मा 22:21

“गुमीका गोनुङ र्‍वाम्‍डी, ‘मेलामका लक्‍सा, गो गानालाई हापा होनोवा बाट्‌पा वाङसामामिमकाडा थु़र्नी’।”

थु़र्मा 9:15

ङाचो़का हननियानुङ र्‍वाम्‍डी, “मेरामकाडा लक्‍सा, हेङालोने वाङसामामिम, मा मेर्मिमकु हपमिम, मा इस्राएलीमिमगोडा आमा नङकु दुथाम सो़पा मु़चु़ गो मेरामलाई छेत्तोम बु।

मत्ती 28:19

मेम्‍मिमका लक्‍निमा खोत्‍ले सामाडाम मु़चु़मिमलाई आमा सीसिपा दु़म्‍बेट्‌नी, मा पाप, तारापाचो़ नुङ सेपा पेलकु नङडा मेर्मिमलाई कु-रु़दु़म ग्‍वाक्‍निमी,

मत्ती 22:32

‘गो अब्राहामकु माम्‍चु़नी, इसहाककु माम्‍चु़नी, मा याकूबकु माम्‍चु़नी’ र्‍वाक्‍साका र्‍वाम्डिम ल्वा गानी डाट्‌निम मिबु? सिपामिमकु माम्‍चु़नी गुमी मेएँ, नु़पामिमकु माम्‍चु़नी गुमी।”

थु़र्मा 10:34

ओराम थो़स्‍तु़मा पत्रुसका जेमु चो़म्‍डु़, “माम्‍चु़नीका चोमिक्‍सी मेबोमी र्‍वाक्‍पा आच्‍छाङा गो ल्‍वाउतो।