रोमी 3:28 - थुलुङ राई

²⁸ मेम्‍मिमका डु़म्‍ला होम्‍साका दोसाका मेएँ, लावो थो़रलु़साका ङा माम्‍चु़नीकु ङादोडा जो़पा न-गोकाम दु़म्‍मु चाप्‍सी र्‍वाक्‍साका गुइ च।

रोमी 3:28 Referans Kwoze

तीतस 3:7

मेम्‍साका उनीमा दिदामका उनीमा न-गो होप्‍माम दु़म्‍साका हेल्‍लो वो मेसिपा त्‍वारो़म ल्‍वामु न बेपा उनीमा चो़मिम दु़म्‍सिनु़।

गलाती 2:16

लावो सु़ वो डु़म्‍ला होम्‍साका दोसाका मुमा मान्‍थिम दु़म्‍मु मेचाप्‍सु़, लावो येशू ख्रीष्‍टडा थो़रलु़साका कोङङा माम्‍चु़नीकु ङादोडा मुमा मान्‍थिम दु़म्‍मु चाप्‍सु़ र्‍वाक्‍पा ल्‍वा गुकु चक्त्तोकोम बु। मेम्मिमका गुकु वो माम्‍चु़नीकु ङादोडा मुमा मान्‍थिम दु़म्‍मु लागि येशू ख्रीष्‍टडा थो़र लु़त्तोकोम बु, हेङालोने डु़म्‍ला होम्‍साका दोपामिम सु़ वो मुमा मान्‍थिम दु़म्‍मु मेचाप्‍सु़।

गलाती 3:24

थो़रलामकाङा गुइ माम्‍चु़नीकु ङादोडा जो़पा न-गोकाम दु़म्‍सिनु़ र्‍वाक्‍साका येशू ख्रीष्‍ट मेयोक्‍थु़मसम्‍म मेराम डु़म्‍लाका गुइलाई जो़पा खारी बोमुडा क्रिसाड्‍डाम बाइडा।

गलाती 3:8

माम्‍चु़नीका वाङसामामिमलाई थो़रलु़सीलामका जो़पा न-गोकाम र्‍वाक्‍पा मिम्‍मिडिम बु र्‍वाक्‍साका माम्‍चु़नीकु सिजेमडा ङादोङा र्‍याक्‍मा बाइडा। मेम्‍मिमका अब्राहामलाई, “गानालामकाङा सुबुडा बाट्‌पा खोत्‍ले सामाडाम मु़चु़मिमका जि ल्‍वामी” र्‍वाक्‍साका आरेप्‍माम जो़पा-सेला ङादोङा थो़बेट्‌मा बाइडा।

याकूब 2:24

मेम्‍मिमका इकी खारीका माम्‍चु़नीका गुइलाई जो़पा र्‍वामी, थो़रका कोङङा मेएँ र्‍वाक्‍पा गानी चनी।

रोमी 3:26

माम्‍चु़नीका मु़चु़मिमकु छु़ल हेप्‍साका उनी त्‍वाप जो़पा न-गोकाम बुमी, मा येशूडा थो़रलु़पामिमलाई जो़पा न-गोकाम दु़म्‍बेन्‍मी र्‍वाक्‍पा ल्‍वा ओम्‍लोम थारीका वो रेम्‍बोमी।

फिलिप्‍पी 3:9

गो माम्‍चु़नीडा जो़पा दु़म्‍मु ने डु़म्‍ला होम्‍साका दोसाका मेएँ, लावो ख्रीष्‍टडलाम थो़रका जो़पा दु़म्‍ङु। माम्‍चु़नीडा जो़पा दु़म्‍सी ने गुमीलामका रो मा ओराम खारी थो़रलामका दु़म।

रोमी 8:3

छु़लनुङमा मु़चु़कु बादीखामका डु़म्‍ला होम्‍साका दोसाका बोमु मेचापा ल्‍वा माम्‍चु़नी उनी त्‍वाकाङा बेम्‍डी। माम्‍चु़नीका उनीमा त्‍वाकु तारापाचो़लाई छु़लचो़ मु़चु़ होप्‍माम दु़म्‍बेसाका थु़र्मिडी, मेम्‍मा मु़चु़मिमकु छु़ल हेम्‍मु लागि उनीमा तारापाचो़कु मिरो़म सासेसाका देन्‍दे ग्‍वाम्‍डी।

रोमी 4:5

कोङनिम मु़चु़का बु़डु़म डु़म्‍ला रु़दु़मका मेएँ, लावो मुमाचो़लाई मुमा मान्‍थिम बनेबेपा माम्‍चु़नीडा थो़र बु़ माला गुलाई माम्‍चु़नीका उनीमा त्‍वाकु ङादोडा मुमा मान्‍थिम दु़म्‍बेन्‍मी। आरेसाका माम्‍चु़नीका मु़चु़मिमलाई थो़रलामका मुमा मान्‍थिम नुङ जो़पा न-गोकाम दु़म्‍बेन्‍मी।

एफिसी 2:9

मु़चु़कु सेल्‍सी ने जो़पा खारी बेसाका ल्‍वापा मेएँ, मेम्‍मिमका मेरामकु दुथाम सु़का वो नो़ डोक्‍पु बोमु मेचाप्‍सु़।

१ कोरिन्थी 6:11

गानीगोडाम कोङनिम वो आरेप्‍मामङा बान्‍नी। लावो माम्‍चु़नीका गानीलाई सो़ल्‍निमिमा छु़ललामका सेपा दु़म्‍बेट्‌निमिम बु, मा ङाचो़ येशू ख्रीष्‍टकु नङडा इकी माम्‍चु़नीकु पेललाम उनीमा ङादोडा गानीलाई जो़पा दु़बेट्‌निमिम बु।

रोमी 5:1

मेम्‍मिमका थो़रलाम जो़पा न-गोकाम दु़स्‍तिम बु मा इकीमा ङाचो़ येशू ख्रीष्‍टलाम माम्‍चु़नीनुङ इकीमा न-थो़म घ्रो़म्‍बेसाड्‍डामिम बु।

यूहन्‍ना 6:40

हेङालोने आमा पापकु न ओराम बु, उहेम-उहेमका तारापाचो़लाई रेम्‍मी, मा गुडला थो़रलु़मी मेर्मिमका मेसिपा त्‍वारो़म ल्‍वामिनु़। मेम्‍मा हुक्‍पा थारीनेम गो मेर्मिमलाई नु़बेट्‌पुमी।”

यूहन्‍ना 5:24

“आच्‍छाङा गो गानीलाई र्‍वाङु, उहेमका आमा सिजेम थो़सु़, मा गोलाई थु़र्पा पापडला थो़र बु़, मेरामनुङ मेसिपा त्‍वारो़म दु़म। मेम्‍मा मेराम मुमा बेन्‍ला मेसो़सी। गु सिमुलामका त्‍वारो़मडा हुमुदु़म्‍स्‍तु़म बु।

याकूब 2:18

कोङनिमका आरे र्‍वामु चाप्‍सु़, “कोङनिमनुङ थो़र बु, वाङमिमका ने जो़पा खारीमिम बु़डु़म बु।” लावो गो र्‍वाङु, “कोङनिम मु़चु़नुङ खारी मान्‍थिम थो़र हेसाका दु़म गोनुङ रेम्‍बे। गो बेउतोम जो़पा खारीलामका आमा थो़र गानालाई रेम्‍बेनी।”

याकूब 2:20

ए नेप्‍ची मान्‍थिम मु़चु़नी, खारी मान्‍थिम थो़र हाम ना हामकाम दु़म र्‍वाक्‍पा मेचनी?