रोमी 3:26 - थुलुङ राई

²⁶ माम्‍चु़नीका मु़चु़मिमकु छु़ल हेप्‍साका उनी त्‍वाप जो़पा न-गोकाम बुमी, मा येशूडा थो़रलु़पामिमलाई जो़पा न-गोकाम दु़म्‍बेन्‍मी र्‍वाक्‍पा ल्‍वा ओम्‍लोम थारीका वो रेम्‍बोमी।

रोमी 3:26 Referans Kwoze

रोमी 4:5

कोङनिम मु़चु़का बु़डु़म डु़म्‍ला रु़दु़मका मेएँ, लावो मुमाचो़लाई मुमा मान्‍थिम बनेबेपा माम्‍चु़नीडा थो़र बु़ माला गुलाई माम्‍चु़नीका उनीमा त्‍वाकु ङादोडा मुमा मान्‍थिम दु़म्‍बेन्‍मी। आरेसाका माम्‍चु़नीका मु़चु़मिमलाई थो़रलामका मुमा मान्‍थिम नुङ जो़पा न-गोकाम दु़म्‍बेन्‍मी।

रोमी 3:30

हेङालोने माम्‍चु़नी कोले ङा बुमी। गुमीका खिरिरि क्रिपा यहूदी लोवो, खिरिरि मेक्रिपा वाङसामा लोवो, खोत्‍लेलाई मेर्मिमकु थो़रलु़सीलाम उनीमा ङादोडा जो़पा न-गोकाम दु़म्‍बेन्‍मी।

रोमी 8:33

माम्‍चु़नीका छेट्‌मिडिम मु़चु़लाई सु़का मुमा बेन्‍मु चाप्‍सु़ मा? माम्‍चु़नी उनी त्‍वाकाङा मुमा मान्‍थिम दु़म्‍बेट्‌मिडिम बु।

रेम्‍बेट्‌मिडिम ल्‍वा 15:3

मेम्‍मा मेर्मिमका माम्‍चु़नीकु खारी बेपा मोशाकु काम्‍सो नुङ भेन्‍दाचो़कु काम्‍सो आरे र्‍वाक्‍तो बेत्तोङा बेम्‍डी: “मिप्रङमा माम्‍चु़नी खोत्‍लेडलाम यु़मनुङमा, इनीमा खारीमिम डोक्‍पु नुङ ङाङायाम बुमी। सु़म्‍दिसेरडाम खोत्‍ले मु़चु़मिमकु हप, इनीमा खारीमिम जो़पा नुङ आच्‍छाङाकाम बुमी।

लूका 1:80

मे चो़च्‍चो़ यूहन्‍ना बर्तो लस्‍ता, मा माम्‍चु़नी-पेलका गुलाई यु़मचो़ दु़म्‍बेट्‌मिडी। मेकोतिमा इस्राएलीमिमनुङ रेम्‍मेबेसिथु़मसम्‍म गु र्‍याङगो-र्‍याङगोडाङा बाइडा।

रोमी 3:25

माम्‍चु़नीका इकीमा छु़ल हेम्‍मु लागि येशू ख्रीष्‍टलाई सासेट्‌मिडिमा उनीमा सिसि हाट्‌मिडी र्‍वाक्‍साका थो़रलु़पा मु़चु़मिमकु छु़ल हेप्‍साड्‌मिडिम बु। माम्‍चु़नीका ओराम खारी बेम्‍डिमा गुमी जो़पा न-गोकाम बुमी र्‍वाक्‍पा ल्‍वा रेम्‍बेम्डिम बु। हेङालोने माम्‍चु़नीका ख्रीष्‍ट रोमु ङादो उनी छोक्‍चो इम्‍मिडी मा मु़चु़मिमका बेम्‍डिम छु़लकु देन्‍दे मेग्‍वाक्‍मिवा।

रोमी 3:27

मेम माला उहेम ल्‍वाकु दुथाम गुइ डोक्‍पु लिसिमु? डोक्‍पु लिसिक्‍पा ने ल्‍वा ङा मिबु। गुइ डु़म्‍ला होम्‍साका दोसीमिमका? मेम ने मेएँ, लावो येशूडा थो़र लु़इमिमका कोङङा सो़।