रोमी 3:25 - थुलुङ राई

²⁵ माम्‍चु़नीका इकीमा छु़ल हेम्‍मु लागि येशू ख्रीष्‍टलाई सासेट्‌मिडिमा उनीमा सिसि हाट्‌मिडी र्‍वाक्‍साका थो़रलु़पा मु़चु़मिमकु छु़ल हेप्‍साड्‌मिडिम बु। माम्‍चु़नीका ओराम खारी बेम्‍डिमा गुमी जो़पा न-गोकाम बुमी र्‍वाक्‍पा ल्‍वा रेम्‍बेम्डिम बु। हेङालोने माम्‍चु़नीका ख्रीष्‍ट रोमु ङादो उनी छोक्‍चो इम्‍मिडी मा मु़चु़मिमका बेम्‍डिम छु़लकु देन्‍दे मेग्‍वाक्‍मिवा।

रोमी 3:25 Referans Kwoze

१ यूहन्‍ना 4:10

रिखाम ओरामङा सो़: माम्‍चु़नीलाई गुइ रिखाम बिडिम मेएँ, लावो गुमीका गुइलाई रिखाम बेसाड्‌डामी, मा इकीमा छु़लमिम हेम्‍सामु सासेन्‍सिप्‍डा उनीमा तारापाचो़ थु़र्मिडी।

१ यूहन्‍ना 2:2

इकीमा छु़लकाम लागि गुमी सासेन्‍सिम्‍डी, इकीमा छु़लकाम लागि कोङङा मेएँ खोत्‍ले सु़म्‍दिसेरकु छु़लकाम लागि गुमी सासेन्‍सिम्‍डी।

रोमी 5:9

गुमी सासेन्‍ला सो़सिम्‍डिमा उनीमा सिसिलामका गुइलाई माम्‍चु़नीकु ङादोडा जो़पा न-गोकाम दु़म्‍बेसाड्‍डामी। मेम्‍मिमका गुमीका गुइलाई माम्‍चु़नीकु छोक्‍चोलामका आच्‍छाङा गेसाड्‍डामी।

थु़र्मा 17:30

ङादोम थारीबिलि गुइ माम्‍चु़नीलाई मेचक्‍साका मेथेसाका बिइडिम ल्‍वाडा माम्‍चु़नीका न मेसोक्‍मिवा। लावो गुमीका आथा ने खोत्‍लेथो़ बाट्‌पा खोत्‍ले मु़चु़मिमलाई उनी छु़लमिमलामका ख्‍लोसिमिनु़ र्‍वाम्‍डिम बु।

हिब्रू 10:4

हेङालोने बेनो नुङ छ्‌वारामिमकु सिसिका छु़ल हेम्‍मु मेझाम।

रेम्‍बेट्‌मिडिम ल्‍वा 13:8

मेम्‍मा सेट्‌मिडिम भेन्‍दाचो़कु त्‍वारो़मकु खाजेमडा सु़म्‍दिसेर प्रङ्‌सिमु ङादोङा नङ मेर्‍यासिट्‍पामिम खोत्‍लेका मे हादीबारालाई सेव सान्‍मी।

हिब्रू 11:7

थो़रकाङा नोआका उमा नेमडाममिमलाई होङकोर्माडाम सेल्‍मु कोले डोक्‍पु कुबी-बोक्‍सा बनेबु़डु़। मेरामडाम ङादो हेल्‍लो वो मेदु़म्‍थेङा बाट्‌पा ल्‍वाकु दुथाम गुलाई चङचङया बाबेट्‌पा माम्‍चु़नीका र्‍वाम्‍डिम होङङा गुका बु़डु़। थो़रकाङा गुका सु़म्‍दिसेरलाई मुमा बेड्‌डु़ मा थो़रकाङा गुलाई माम्‍चु़नीका जो़पा र्‍वाम्‍डी।

रोमी 5:1

मेम्‍मिमका थो़रलाम जो़पा न-गोकाम दु़स्‍तिम बु मा इकीमा ङाचो़ येशू ख्रीष्‍टलाम माम्‍चु़नीनुङ इकीमा न-थो़म घ्रो़म्‍बेसाड्‍डामिम बु।

रेम्‍बेट्‌मिडिम ल्‍वा 20:15

उहेमकु नङ त्‍वारो़मकु खाजेमडा र्‍याक्‍मा मेबायावा, मेराम मु़चु़लाई कोङनिमका मुकु भुल्‍मु गोनो छाघ्रोक्‍तु़।

रेम्‍बेट्‌मिडिम ल्‍वा 5:9

मेर्मिमका आरे र्‍वाक्‍तो कोले लाले काम्‍सो बेम्‍डी: “दिल्‍साका जु़ल्‍मा खाजेम रमु नुङ ओरामकु छापमिम होर्मुका घ्रेट्‌पा गानी, हेङालोने गानीलाई सेट्‌निमी मा खोत्‍ले दोचो़लाम, ल्‍वा जेपालाम, मु़चु़मिमलाम नुङ नेब्‍दीलामका माम्‍चु़नीकाम लागि इनीमा सिसिका मु़चु़मिम भ्रेन्‍निमी।

हिब्रू 11:14

मु़चु़मिमका उनी त्‍वाकाम कोले नेब्‍दी माल्‍मिमिम बुमी र्‍वाक्‍पा आरे र्‍वामिमिमका रेम्‍बु़।

१ यूहन्‍ना 1:10

गुइ छु़ल बिडिम मिबु र्‍वाकी माला माम्‍चु़नीलाई लिमाचो़ र्‍वाकिमिम दु़म, मा इकीमा न-गोडा उनीमा सिजेम मेदु़म।

हिब्रू 11:17

थो़रकाङा माम्‍चु़नीका अब्राहामकु न छाम्‍मिडिलो उमा चो़ इसहाक सेन्‍मुमा माम्‍चु़नीलाई ग्‍वामु झो़म्‍सिड्‌डा। अब्राहामनुङ माम्‍चु़नीका याचे जेम्‍डिम बाइडा, मेम मा वो गुका कोलेङा बाट्‌पा उ चो़ सेन्‍मु झो़म्‍सिड्‌डा।

हिब्रू 9:5

करुब र्‍वाकिमिम यु़म झ्‍वासिक्‍पा पाह्रीचो़चिपका मेराम सो़रख्रेप्‍सीकु बाकसडलाम छु़ल हेपा ख्रेम उची लाप्‍तेरका फोप्‍थाक्‍चिम बाइडा। लावो ओम्‍लो मेर्मिम ल्‍वा पेन्‍तिका सो़मु मेझाम।

१ तिमोथी 1:15

छु़लचो़मिम सेल्‍ला ख्रीष्‍ट येशू सु़म्‍दिसेरडा योम्‍डी र्‍वाक्‍पा ल्‍वा आच्‍छाङा र्‍वाक्‍साका रमु बासी सो़, मा छु़लचो़मिमगोडाम गो छो़म डोक्‍पु छु़लचो़।

रोमी 5:11

आकोति कोङङा मेएँ, लावो इकीमा ङाचो़ येशू ख्रीष्‍टलाम गुइ माम्‍चु़नीडा गेर्सिक्‍तोङा बिइ, हेङालोने ख्रीष्‍टकाङा गुइलाई माम्‍चु़नीनुङ इकीमा न-थो़म घ्रो़म्‍बेसाका ङोप्‍सो़ दु़म्‍बेसाड्‍डामिम बु।

रोमी 3:26

माम्‍चु़नीका मु़चु़मिमकु छु़ल हेप्‍साका उनी त्‍वाप जो़पा न-गोकाम बुमी, मा येशूडा थो़रलु़पामिमलाई जो़पा न-गोकाम दु़म्‍बेन्‍मी र्‍वाक्‍पा ल्‍वा ओम्‍लोम थारीका वो रेम्‍बोमी।

रोमी 2:4

डे माम्‍चु़नीका गानीडला न-थो़म रेम्‍बेसाका इनीमा छु़ललाम ख्‍लोनिमी र्‍वाक्‍पा मेचनिमा, हाम उनीमा न-थो़म, इम्‍सीलाई हाम ना हामकाम मिम्‍नी?

थु़र्मा 4:28

इनी न नुङ यु़मका ङादो ङा हाम दु़म्‍नु़ र्‍वाक्‍साका गानी बेन्‍निम बाइडा, मेर्मिमका मेमङा बेम्‍डी।

थु़र्मा 3:18

ख्रीष्‍टका दु़खा ल्‍वामु बासी र्‍वाक्‍साका माम्‍चु़नीका खोत्‍ले माम्‍चु़नीलाम-जेपामिमकु सिलामका जेम्‍डिम सिजेम आरेसाका रोक्‍थिड्‌डा।

थु़र्मा 15:18

उहेमका माके-माके आथाम ओर्मिम ल्‍वा सो़म्‍डिम बाइडा।

थु़र्मा 2:23

येशू गानीलाई ग्‍वामु माम्‍चु़नीकाम ङादो आथाममिम उनी मुलु़ नुङ न बाइडा। मेम्‍मिमका गानी गुमीलाई मेजो़पा मु़चु़मिमलाई ग्‍वाक्‍साका क्रूसडा चेसाका सेन्‍बेट्‌नी।

यूहन्‍ना 6:47

आच्‍छाङा गो गानीलाई र्‍वाङु, उहेमका गोडला थो़र बु़, गुनुङ मेसिपा त्‍वारो़म दु़म।

थु़र्मा 14:16

ङादोम थारीबिलि माम्‍चु़नीका खोत्‍ले सामामिमलाई त्‍वा-त्‍वाहोम उनी न होम्‍साका ङा बुमु-दोमु ग्‍वाम्‍डिमिम बाइडा।

रोमी 5:18

हेसाका कोले मु़चु़कु छु़लका खोत्‍ले मु़चु़मिमका सिमु बासिक्‍पा देन्‍दे ल्‍वाम्‍डी, मेराम होम्‍साकाङा कोले मु़चु़का माम्‍चु़नीकु ङादोडा जो़पा खारी बेसाका मुमा मान्‍थिम दु़म्‍बेसाका त्‍वारो़म रेड्‍डु़।

१ कोरिन्थी 5:7

ओ ङादोम छु़लकु लङखाम गानी पार्नी, मेम्साका गानी लङखाम मान्‍थिम जो़पा लाले फुला होङ्‍ङा सेपा दु़म्नी, आच्‍छाङा गानी मेप्‍माम ङा बुनी। हेङालोने ख्रीष्‍ट ने गुइलाई सेल्मु लागि सासेन्‍सिम्‍डिम बु, गुमीङा इकीमा सेल्सिमुनेम चाडकाम भेन्‍दाचो़ सो़।

२ कोरिन्‍थी 5:21

माम्‍चु़नीका ख्रीष्‍टडा गुइलाई उनी त्‍वाकु ङादोडा जो़पा न-गोकाम दु़म्‍बेन्‍मु लागि हेल्‍लो वो छु़ल मेबेपा ख्रीष्‍टलाई इकीमा छु़ल कुर्बेट्‌मिडी।

एफिसी 1:7

माम्‍चु़नीकु छो़म डोक्‍पु दिदामका ख्रीष्‍टकु सिसिलामका गुमीडाङा गुइलाई सेल्‍साड्‍डामी, मा इकीमा छु़ल हेप्‍साड्‌डामिम बु।

एफिसी 2:13

गानी मेराम थारीका माम्‍चु़नीडाम होनोवा बान्‍नी, लावो आथा ने माम्‍चु़नीका ख्रीष्‍टकु सिसिलाम गानीलाई उनीमा फार्डा रेट्‌निमिम बु।

हिब्रू 9:28

मेम्‍साका ङा येशू ख्रीष्‍टका हापा मु़चु़मिमकु छु़ल हेम्मु लागि कोखेप सासेन्‍ला सो़सिम्‍डी। गुमी आथावो योमी मेम्‍लो गुमी छु़ल हेप्‍डा मेएँ, लावो गुमीलाई लथाक्‍पा मु़चु़मिमलाई सेल्‍ला योमी।

रेम्‍बेट्‌मिडिम ल्‍वा 1:5

माम्‍चु़नीकु दुथाम सो़मुडा थो़रलु़इमिम, सिमुलाम बग्‍गेट्‌पामिमगोडाम खोत्‍लेडाम ङादोम, मा सुबुडाम हपमिमडला साखाम थो़पा येशू ख्रीष्‍टलाम वो दिदाम नुङ न-भ्रसी ल्‍वानिनु़। येशू ख्रीष्‍ट, उहेमका गुइलाई रिखाम बेसामी मा गुमी सिम्‍डिम उनीमा सिसिका गुइलाई इकी छु़लमिमलाम वाङ बेसाड्‌डामी,