रोमी 3:10 - थुलुङ राई

¹⁰ ओराम ल्‍वा माम्‍चु़नीकु सिजेमडा वो र्‍याक्‍मा बु, “माम्‍चु़नीकु ङादोडा सु़ वो जो़पा मेबुमी, कोले वो मेबुमी।

रोमी 3:10 Referans Kwoze

रोमी 3:23

खोत्‍ले मु़चु़मिमका छु़ल बेम्‍डिमका माम्‍चु़नीकु यु़म-झ्‍वाक्‍सीलामका होनोवा दु़म्‍मिडिम बु।

मत्ती 15:19

हेङालोने न-गोलामकाङा मेजो़पा न, मु़चु़ सेट्‌पा, नाम्‍सु़रु़, वाङमी मेसेमनुङ अम्‍बाल्‍पा, खुपा, लिमा थेट्‌पा, मा डक्‍साका जेपा ल्‍वामिम लुमी।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

मर्कूस 10:18

मेकोतिमा येशूका मेरामनुङ र्‍वाम्‍डी, “गाना गोलाई हेङा जो़पा र्‍वानामिम? वाङमी सु़ वो जो़पा मेबुमी, कोले माम्‍चु़नी कोङङा जो़पा बुमी।

१ पत्रुस 1:16

हेङालोने माम्‍चु़नीकु सिजेमका र्‍वा, “मेजो़पा ल्‍वाडाम गो वाङ बुङुमिम होङङा गानी मेजो़पा ल्‍वाडाम वाङ बानी।”

रोमी 3:4

आरेप्‍माम हेल्‍लो वो मेदु़म, मु़चु़मिम लिमाचो़ दु़म्‍मी लोवो माम्‍चु़नी आच्‍छाङाकाम बुमी। माम्‍चु़नीकु सिजेमडा र्‍याक्‍मा बु, “गानी जेन्‍निम ल्‍वा आच्‍छाङा सो़ र्‍वाक्‍साका मु़चु़मिमका र्‍वामी, मा निया दु़म्‍मिम थारीका गानी घ्‍ल्‍वानी।”

रेम्‍बेट्‌मिडिम ल्‍वा 22:15

मे शहरकु पाखानो ने ख्‍लेबामिम, मुनाङका थो़पा सो़र्मुनुङमामिम, मु़चु़ सेट्‌पामिम, ङाटा सेव साट्‌पामिम, नुङ लिमा थेन्‍मु द्‌वाक्‍पामिम मा मेमङा बेपाम बाट्‌पामिम दु़म्‍मी।

रेम्‍बेट्‌मिडिम ल्‍वा 21:8

लावो ङिजो़ल्‍पा, थो़र मेलु़पा, घ्रामलु़पा खारी बेपा, मु़चु़ सेट्‌पा, वाङमिम मेसेमनुङ अम्‍पा, मुनाङका थो़पा सो़र्मुनुङमा, ङाटा सेव साट्‌पा नुङ खोत्‍ले लिमाचो़मिम ने गन्‍धक वाक्‍तोङा बेपा ङिमलु़पा मुकु भुल्‍मु गोडा दु़म्‍मी। ओराम ननोम सिसि सो़।”

रोमी 11:8

माम्‍चु़नीकु सिजेमडा र्‍याक्‍मा बु, “माम्‍चु़नीका मेर्मिमलाई हाम वो थेसिथेन्‍मु मेचापा न ग्‍वाम्‍डी। मेम्‍मा हाम वो मेल्‍वापा मिक्‍सी नुङ हाम वो मेथो़पा नोफ्‍ला ग्‍वाम्‍डी मा ओम्‍लोसम्‍म वो मेर्मिम मेप्‍माम ङा बुमी।”

रोमी 3:11

माम्‍चु़नीकु दुथाम थेसीथेट्‍पा मु़चु़ सु़ वो मेबुमी, मा माम्‍चु़नीलाई माल्‍पा वो मेबुमी।