रोमी 2:6 - थुलुङ राई

⁶ हेङालोने गुमीका खोत्‍ले मु़चु़मिमलाई उमा खारी होम्‍साका पुरस्‍कार ग्‍वामी।

रोमी 2:6 Referans Kwoze

२ कोरिन्‍थी 5:10

गुइ खोत्‍ले ख्रीष्‍टका निया बेपा गन्‍खोपकु ङादोडा येम्‍सिमु बासी, मा मु़चु़का मिरो़मडा बाइडालो जो़पा डे मेजो़पा हाम बु़डु़म बु मेराम होम्‍साका निया ल्‍वासु़।

मत्ती 16:27

हेङालोने मिनीचो़ उ त्‍वाकु पापका ग्‍वामिमिम यु़म-झ्‍वाक्‍सीडा उ पाह्रीचो़मिमनुङ यो। मेराम थारीका गुका खोत्‍ले मु़चु़मिमलाई मेर्मिमका बेम्‍डिम खारी होम्‍साका पुरस्‍कार लोवो देन्‍दे लोवो ग्‍वाकु़मी।

रेम्‍बेट्‌मिडिम ल्‍वा 22:12

“रेप्‍नी, गो येशू योमुङा खापुमिम बु। पुरस्‍कार आमाडा बु मा मु़चु़का बु़डु़म खारी होङङा गो ग्‍वाक्‍पु।

रेम्‍बेट्‌मिडिम ल्‍वा 20:12

मेकोतिमा याक्‍के नुङ डोक्‍पु सिपामिम मे साखाम थो़पा गन्‍खोप ङादोडा येम्‍तासिट्‌पा ल्‍वाउतो मा पाह्रीचो़का खाजेममिम होर्रु़। कोङमी खाजेम वो होर्रु़, मेराम त्‍वारो़मकु खाजेम सो़। मे सिपामिमकाम निया ने मेर्मिमका हाम बेम्‍डिम र्‍वाक्‍साका खाजेममिमडा र्‍याक्‍मा होम्‍साका दु़स्‍ता।

१ कोरिन्थी 3:8

ख्‍लिपा नुङ कु फिक्‍पा निफिकाम खारी ने कोले ङा सो़। मेर्चिपका उची खारीकाम पुरस्‍कार ल्‍वाची।

रेम्‍बेट्‌मिडिम ल्‍वा 2:23

मेराम मेसेमकु चङचङ लाम्‍दिपामिमलाई गो सेट्‌पुमी। मेम्‍मा खोत्‍ले मु़चु़मिमकु न-गोडाम ल्‍वा चक्‍पा गोङा सो़ र्‍वाक्‍साका खोत्‍ले मण्‍डलीका ओराम ल्‍वा चमी। मेम्‍मा इनीमा बासी-दोसीलाम हाम ल्‍वामु घ्रेट्‌पा बुनी मेराम होम्‍साका गो गानी खोत्‍लेलाई ग्‍वानिनी।

१ कोरिन्थी 4:5

मेम्‍मिमका ङाचो़ येशू योमु ङादो हाम वो निया मेबेनी। गुमीका ङा तुकुम्चिमडा थक्‍मा ल्‍वा ओलडा रेन्मी, मा मु़चु़मिमकु न नुङ गो वो रेम्‍बोमी। मेम्‍लो मु़चु़मिमका माम्‍चु़नीलाम त्‍वा त्‍वाहोम डोक्‍पु बेला सो़म्‍सिमी।

रोमी 14:22

मेम्‍मिमका पोमु-डुमुडा बाट्‍पा थो़र, गानी नुङ माम्‍चु़नीगोडा कोङङा जु़ल्‍नी। उहेम मु़चु़ उ त्‍वाकाङा जो़पा बु र्‍वाक्‍पा मिम्‍डु़म ल्‍वाका उ त्‍वापलाई मुमा मेबेडु़, मेराम मु़चु़ ने आलाकाम सो़।

२ कोरिन्‍थी 11:15

मेम्‍मिमका शैतानकु डु़ल्‍चो़मिमका वो माम्‍चु़नीकु न होप्‍माम डु़ल्‍चो़ होङङा रेम्‍बेसिक्‍पा ल्‍वाडा ङाङाया दु़म्‍मु मेबासी। मेर्मिम ने हाम ल्‍वामुका घ्रेट्‌पा बुमी मेराम दिफु ल्‍वामी।

२ तिमोथी 4:14

वाता डु़पा अलेक्‍जेन्‍डरका गोलाई छो़म मेजो़पा बेङ्‌डिम बु, माम्‍चु़नीका उमा खारी होम्‍साका मेरामलाई देन्‍दे ग्‍वामी।