रोमी 2:5 - थुलुङ राई

⁵ लावो इनीमा न-गो लुङ होप्‍माम बेन्‍निमा गुमीथो़ ख्‍लोसिमु न मेबेनिवा। मेम्‍मिमका माम्‍चु़नीकु निया रेम्‍बेसिक्‍पा मेराम छोक्‍चोकाम नेम गानी छो़म डोक्‍पु देन्‍दे ल्‍वानी।

रोमी 2:5 Referans Kwoze

रोमी 1:18

पाह्रीलाम माम्‍चु़नी पापकाम छोक्‍चो मु़चु़मिमकु छु़ल नुङ मेजो़पा खारीकु कोर्थो़लाम रेम्‍बेसिड्‍डाम बु। मेर्मिमकाम उनीमा त्‍वाकु मेजो़पा खारीकाङा आच्‍छाङाकाम सीसि रिप्‍डु़म बु।

यहूदा 1:6

त्‍वाकु साखामगोडा मेबासाका त्‍वाकु बाखोप डिट्पा मे पाह्रीचो़मिमलाई गुमीका हेल्‍लो वो मेभ्रसिक्‍पा सेलरिवाका बसाका मे डोक्‍पु नेमसम्‍मकाम लागि तुकुम्‍चिमगोडा जु़ल्‍थाप्‍मिमिम बु।

२ पत्रुस 3:7

मेराम सिजेमकाङा ओम्‍लोम सुबु नुङ पाह्री मुका ख्‍याबेन्‍मु लागि जु़ल्‍मा बु। मेर्चिपलाई माम्‍चु़नीकु लाम्‍दीडा लाम्‍मेदिपा मु़चु़मिम पुयु़लुमिलोम निया दु़म्मिम नेमसम्‍म जु़ल्‍मा बु।

हिब्रू 3:15

माम्‍चु़नीकु सिजेमडा र्‍याक्‍मा बु: “आनेप गानी माम्‍चु़नीकु लो़लाम थो़न्‍नी माला इनीमा बेप-पापमिम माम्‍चु़नीकु कोर्थो़लाम बम्‍डिम होम्‍साका गानी लु़म्‍ला मेबेडिचो़ मेदु़म्‍नी।”

२ पत्रुस 2:9

आरेसाका उनी लाम्‍दीडा लाम्‍दिपा मु़चु़मिमलाई दु़खालामका हेसाका फ्‍वामु नुङ मेजो़पा खारी बेपामिमलाई निया दु़म्मिम नेमसम्‍म हेसाका जु़ल्‍थामुमि र्‍वाक्‍पा ङाचो़का चमी।

हिब्रू 4:7

आथावो माम्‍चु़नीका कोलेम नेमलाई “आनेप” र्‍वाक्‍साका फ्‍वाक्‍मिडी, मा माम्‍चु़नीका ङादो र्‍वाम्‍डिम होम्‍साका हापा थारी चङडा दाऊदलामका आथावो जेम्‍डी, “माम्‍चु़नीकु लो़लाम थो़न्‍नी माला, लु़म्‍ला मेबेडिचो़ मेदु़म्‍नी।”

हिब्रू 3:13

हेल्‍लो लोवो गानी इनी त्‍वाप त्‍वापगोडा सो हन्‍बेबोमु बासी। मेम्‍मा “आनेप” र्‍वाकिमिम खोत्‍ले थारीसम्‍म गानी मेमङा बेनिम बानी। मेम मेबेनिवा माला गानीगोडाम कोङनिमका छु़लगोनो फोसो़ वाम्‍निमा लु़म्‍ला मेबेडिचो़ दु़म्‍बेनी।

रोमी 9:22

मेम्‍साकाङा माम्‍चु़नीनुङ वो उनीमा छोक्‍चो हाट्‍पा नुङ निया बेपा साखाम गुमी नुङ बु। लावो उनी छोक्‍चो हान्‍मु नुङ पुयु़लुबेन्मु घ्रेट्‍पा मु़चु़मिमलाई वो हापा इम्‍सिसाका लथाट्‌मिडी।

रेम्‍बेट्‌मिडिम ल्‍वा 6:17

हेङालोने माम्‍चु़नी नुङ भेन्‍दाचो़काम छोक्‍चो रेम्‍बेपा डोक्‍पुनेम रोक्‍ताम बु मा ओराम ने सु़का इम्‍मु चाप्‍सु़ मा?”

याकूब 5:3

इनीमा सो़ना, मतोमिम घ्‍लो़स्‍तामा पारिमिम दु़स्‍ताम बु। मेरामङा गानी रारी बेन्‍निमकु दुथाम मेजो़पा सो़पा दु़म, मा मुका होम्‍साका इनीमा मिरो़म मेरामका पु़। हुक्‍पाथारीका गानी इनीमा खाप्‍ची फुट्‌निम बु।

रोमी 11:25

वा-ल्‍वाकनी, थक्‍साका जु़ल्‍मा कोले ल्‍वा गानी चन्‍जो़ल्‍नी र्‍वाक्‍पा आमा न बु। मेराम ल्‍वा गानी चक्‍नी माला गानी इनी त्‍वाकाम लागि डोक्‍पु मेलिन्‍सिनी। मेराम थक्‍मा ल्‍वा आरेप्‍माम बु, रोमु बासिक्‍पा कोति वाङसामामिम ख्रीष्‍टडा मेरोक्‍थु़मसम्‍म इस्राएलीमिमकु न-गो लुङ होप्‍माम दु़म।

२ कोरिन्‍थी 5:10

गुइ खोत्‍ले ख्रीष्‍टका निया बेपा गन्‍खोपकु ङादोडा येम्‍सिमु बासी, मा मु़चु़का मिरो़मडा बाइडालो जो़पा डे मेजो़पा हाम बु़डु़म बु मेराम होम्‍साका निया ल्‍वासु़।

२ थेसलोनिकी 1:5

माम्‍चु़नीका जो़होमका निया बोमी मा उनीमा किब्‍दीकाम लागि गानी घ्रेट्‌पा दु़म्‍निम बु र्‍वाक्‍पा इनीमा दु़खाका रेम्‍बु़।

रेम्‍बेट्‌मिडिम ल्‍वा 2:21

गो गुलाई माम्‍चु़नीथो़ ख्‍लोम्‍सिमु जो़पा थारी ग्‍वाक्‍तो, लावो गुका वाङमिम वोस्‍चो़नुङ अम्‍मु डिन्‍मु न मेबु़वा।