रोमी 2:27 - थुलुङ राई

²⁷ गानी खिरिरि क्रिपा यहूदीमिम खिरिरि मेक्रिपा वाङसामामिमलाम मुमा बेन्‍ला सो़न्‍सिनी हेङालोने गानी र्‍याक्‍मा डु़म्‍ला बाट्‍पा मा खिरिरि क्रिपा लोवो गानी डु़म्‍ला होम्‍साका मेदोनी माला खिरिरि मेक्रिपा वाङसामामिम ने डु़म्‍ला होम्‍साका दोमी।

रोमी 2:27 Referans Kwoze

२ कोरिन्‍थी 3:6

गुमीका गुकुलाई लाले सो़रख्रेप्‍सीकु डु़ल्‍चो़ दु़म्‍मु चापा दु़म्‍बेत्तिकिमिम बु। ओराम लाले सो़रख्रेप्‍सी ने र्‍याक्‍मा डु़म्‍लामिम मेएँ, लावो माम्‍चु़नी-पेललाम सो़। र्‍याक्‍मा डु़म्‍लाका सिमुलाम रेडु़, लावो माम्‍चु़नी-पेलका ने त्‍वारो़म ग्‍वाक्‍सामी।

रोमी 8:4

त्‍वाकु मिरो़मडाम बादीखाम होम्‍साका मेएँ लावो माम्‍चु़नी-पेल होम्‍साका दोपामिमकाम लागि डु़म्‍लाका र्‍वाक्‍ताम ल्‍वा रोक्‍थिड्‍डाम बु।

रोमी 2:29

नगोलामका यहूदी दु़म्‍पा कोङङा यहूदी सो़, मा आच्‍छाङाकाम खिरिरि क्रिप्‍सी ने नगोडा दु़म्‍पा ल्‍वा सो़, ओराम ने माम्‍चु़नी-पेललाम दु़म्‍पा ल्‍वा सो़, डु़म्‍लाडा र्‍यासिट्‍पा ल्‍वा मेएँ। आरेप्‍माम मु़चु़लाई मु़चु़का मेएँ, माम्‍चु़नीका जो़पा मिम्‍मी।

हिब्रू 11:3

माम्‍चु़नीका जेम्‍डिमका खोत्‍ले सु़म्‍दिसेर प्रङ्‌सिड्‌डा, मेम्‍साका मिक्‍सीका ल्‍वासिक्‍पा हाम बु मेराम मिक्‍सीका मेल्‍वासीमिमलामका प्रङ्‌सिड्‌डाम बु र्‍वाक्‍साका गुइ थो़रलामकाङा थेसिथेडी।

गलाती 5:14

मोशाकु खोत्‍ले डु़म्‍लाका र्‍वाक्‍ताम ल्‍वा कोले ल्‍वाडा रोक्‍थिड्‌डाम बु, “इनी त्‍वापलाई होङङा इनीमा साउखोरेलाई रिखाम बेनी”

रोमी 13:10

रिखाम बेपाका वाङमिमकाम लागि मेजो़पा मेबु़मी। मेम्‍मिमका रिखाम बोमु ङा डु़म्‍लाका र्‍वाक्‍ताम ल्‍वा बोम्‍सोमु सो़।

रोमी 2:20

नेप्‍ची मान्‍थिम मु़चु़मिमलाई सीपा, थेसिमेथेट्‍पामिमलाई सीपा गुकु ङा र्‍वानी। माम्‍चु़नीकु डु़म्‍ला गुकुनुङ बु मेम्मिमका सीसिमु बासिक्‍पा ल्‍वा खोत्‍ले गुकु चकु र्‍वाक्‍साका र्‍वानी।

थु़र्मा 13:22

शाऊललाई माम्‍चु़नीका हपलामका ख्‍लुम्‍डिम चङडा मेर्मिमकु हप दाऊद बनेम्‍डी। माम्‍चु़नीका दाऊदकु दुथाम आरे र्‍वाम्‍डी, ‘यिशैकु चो़ दाऊद आमा न होप्‍माम मु़चु़ डार्तोम बु, मेरामका गो र्‍वाङुमिम होप्‍माम खोत्‍ले खारी बु़।’

मत्ती 3:15

येशूका गुनुङ र्‍वाम्‍डी, “ओम्‍लो आरेङा बे, हेङालोने माम्‍चु़नीका बेनी र्‍वामिमिम खोत्‍ले बोमु बासी।” मेम्‍मा यूहन्‍नाका कु-रु़दु़म ग्‍वामु बिसिड्‍डा।

रोमी 2:15

डु़म्‍लाका र्‍वाक्‍ताम ल्‍वामिम उनी त्‍वाकु नगोडा र्‍याक्‍मा बु र्‍वाक्‍पा मेर्मिमकु नेप्‍चीका रेम्‍बु़, मा मेर्मिमकाम त्‍वाकु नेप्‍चीका मेर्मिमलाई याङलो मुमा बेडु़मी मा याङलो जो़पा र्‍वामी।

रोमी 2:25

डु़म्‍ला होम्‍साका दोनी माला ने खिरिरि क्रिप्‍सी आच्‍छाङा जो़पा ङा दु़म, लावो डु़म्‍ला होम्‍साका मेदोनी माला गानी खिरिरि क्रिप्‍सी बोनिमिम वो खिरिरि क्रिप्‍सी मेबोनिमिम कोतिमङा दु़म।

रोमी 2:26

खिरिरि मेक्रिपा मु़चु़का डु़म्‍ला होम्‍साका दो माला हाम मेराम माम्‍चु़नीकु ङादोडा खिरिरि क्रिपा कोतिमङा मेएँ मा?

रोमी 3:30

हेङालोने माम्‍चु़नी कोले ङा बुमी। गुमीका खिरिरि क्रिपा यहूदी लोवो, खिरिरि मेक्रिपा वाङसामा लोवो, खोत्‍लेलाई मेर्मिमकु थो़रलु़सीलाम उनीमा ङादोडा जो़पा न-गोकाम दु़म्‍बेन्‍मी।

१ कोरिन्थी 7:19

हेङालोने खिरिरि क्रिप्‍सी बोमु नुङ मेबोमु हाम वो मेएँ, लावो माम्‍चु़नीका र्‍वामिमिम होम्‍साका बोमुङा डोक्‍पु सो़।

एफिसी 2:11

कोबिलि गानी वाङसामामिम, हेप्‍माम बान्‍नी मेराम मिम्‍सिट्‍नी, ल्‍वाका खिरिरि क्रिप्‍सी बेम्‍मा यहूदीमिमका गानीलाई कोक्‍ते खिरिरि क्रिप्‍सी मेबेम्‍मा र्‍वामी। गानीलाई मेम र्‍वाक्‍पामिम त्‍वाप ने खिरिरि क्रिप्‍सी बेम्‍मा मिम्‍सिमी।

२ तिमोथी 3:15

गाना ने चो़च्‍चो़लो आथामङा माम्‍चु़नीकु सिजेम चनामिम बु, मेराम सिजेमका ख्रीष्‍ट येशूडा थो़र लु़न्‍नामलामका सेल्‍सिमुकाम लागि गानालाई सीमु चाम्‍ना।