रोमी 2:26 - थुलुङ राई

²⁶ खिरिरि मेक्रिपा मु़चु़का डु़म्‍ला होम्‍साका दो माला हाम मेराम माम्‍चु़नीकु ङादोडा खिरिरि क्रिपा कोतिमङा मेएँ मा?

रोमी 2:26 Referans Kwoze

कलस्‍सी 2:11

गानी ख्रीष्‍टनुङ दु़म्मु ने आच्‍छाङा क्रिप्‍सी दु़म्मु ङा सो़। मु़चु़लाम मिरो़मडा दु़म्डिम खिरिरि क्रिप्‍सी मेएँ, लावो गानीलाई ख्रीष्‍टलाम क्रिप्‍सी दु़म्निम बु। ओराम क्रिप्‍सी ने इनीमा छु़ल बेपा न नुङ छु़लकु यु़मलामका सेल्सिमु ल्वामु सो़।

रोमी 8:4

त्‍वाकु मिरो़मडाम बादीखाम होम्‍साका मेएँ लावो माम्‍चु़नी-पेल होम्‍साका दोपामिमकाम लागि डु़म्‍लाका र्‍वाक्‍ताम ल्‍वा रोक्‍थिड्‍डाम बु।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।

एफिसी 2:11

कोबिलि गानी वाङसामामिम, हेप्‍माम बान्‍नी मेराम मिम्‍सिट्‍नी, ल्‍वाका खिरिरि क्रिप्‍सी बेम्‍मा यहूदीमिमका गानीलाई कोक्‍ते खिरिरि क्रिप्‍सी मेबेम्‍मा र्‍वामी। गानीलाई मेम र्‍वाक्‍पामिम त्‍वाप ने खिरिरि क्रिप्‍सी बेम्‍मा मिम्‍सिमी।

रोमी 3:30

हेङालोने माम्‍चु़नी कोले ङा बुमी। गुमीका खिरिरि क्रिपा यहूदी लोवो, खिरिरि मेक्रिपा वाङसामा लोवो, खोत्‍लेलाई मेर्मिमकु थो़रलु़सीलाम उनीमा ङादोडा जो़पा न-गोकाम दु़म्‍बेन्‍मी।

मत्ती 15:28

मेकोतिमा येशूका मे मेसेमलाई र्‍वाम्‍डी, “ए छापा, इमा थो़र छो़म डोक्‍पु बु। गाना र्‍वाक्‍नाम होङङा दु़म्नु़।” मेम्‍मा मे मेसेमकु जाउमोचो़ मेराम थारीकाङा सस्‍ल्‍याड्‌डा।

रोमी 2:25

डु़म्‍ला होम्‍साका दोनी माला ने खिरिरि क्रिप्‍सी आच्‍छाङा जो़पा ङा दु़म, लावो डु़म्‍ला होम्‍साका मेदोनी माला गानी खिरिरि क्रिप्‍सी बोनिमिम वो खिरिरि क्रिप्‍सी मेबोनिमिम कोतिमङा दु़म।

रोमी 2:27

गानी खिरिरि क्रिपा यहूदीमिम खिरिरि मेक्रिपा वाङसामामिमलाम मुमा बेन्‍ला सो़न्‍सिनी हेङालोने गानी र्‍याक्‍मा डु़म्‍ला बाट्‍पा मा खिरिरि क्रिपा लोवो गानी डु़म्‍ला होम्‍साका मेदोनी माला खिरिरि मेक्रिपा वाङसामामिम ने डु़म्‍ला होम्‍साका दोमी।

गलाती 6:15

कोक्‍ते खिरिरि क्रिप्‍डी लोवो मेक्रिप्‍डी लोवो मेराम डोक्‍पु ल्‍वा मेएँ, लावो मु़चु़मिमका माम्‍चु़नीलाममिम लाले त्‍वारो़म रमुङा खोत्‍लेडाम डोक्‍पु ल्‍वा सो़।