रोमी 2:25 - थुलुङ राई

²⁵ डु़म्‍ला होम्‍साका दोनी माला ने खिरिरि क्रिप्‍सी आच्‍छाङा जो़पा ङा दु़म, लावो डु़म्‍ला होम्‍साका मेदोनी माला गानी खिरिरि क्रिप्‍सी बोनिमिम वो खिरिरि क्रिप्‍सी मेबोनिमिम कोतिमङा दु़म।

रोमी 2:25 Referans Kwoze

गलाती 6:15

कोक्‍ते खिरिरि क्रिप्‍डी लोवो मेक्रिप्‍डी लोवो मेराम डोक्‍पु ल्‍वा मेएँ, लावो मु़चु़मिमका माम्‍चु़नीलाममिम लाले त्‍वारो़म रमुङा खोत्‍लेडाम डोक्‍पु ल्‍वा सो़।

थु़र्मा 7:51

“ए लु़म्‍ला मेबेडिचो़नी, लुङ होप्‍माम न-गो नुङ नोफ्‍लाका मेथो़पानी, गानी हेल्‍लो लोवो माम्‍चु़नी-पेलकु कोर्थो़लाम येम्‍सिनी। इनीमा ङाउ-खुउमिमका हाम बेम्‍डी, गानी वो मेम ङा बोनी।

रोमी 2:28

पाखालाम कोङङा यहूदी लिसिक्‍पा ने आच्‍छाङाकाम यहूदी मेएँ, मेम्‍साकाङा पाखाडा ल्‍वासिक्‍पा खिरिरि क्रिप्‍सी नुङ मिरो़मडाम ल्‍वा वो आच्‍छाङाकाम मेएँ।

रोमी 2:23

माम्‍चु़नीका ग्‍वाक्‍साड्‍डामिम डु़म्‍ला गुइनुङ बु र्‍वाक्‍साका गानी डोक्‍पु लिन्‍सिनी, हाम गानी मेरामङा डु़म्‍लाका र्‍वामिमिम होङङा मेबोनी मा?

रोमी 2:13

हेङालोने डु़म्‍ला थो़साका कोङङा मु़चु़मिम माम्‍चु़नीकु ङादोडा जो़पा न-गोकाम मेदु़म्‍मी, लावो डु़म्‍ला होम्‍साका दोपा मु़चु़ङा माम्‍चु़नीका जो़पा न-गोकाम मिम्‍मी।

रोमी 2:26

खिरिरि मेक्रिपा मु़चु़का डु़म्‍ला होम्‍साका दो माला हाम मेराम माम्‍चु़नीकु ङादोडा खिरिरि क्रिपा कोतिमङा मेएँ मा?

रोमी 2:27

गानी खिरिरि क्रिपा यहूदीमिम खिरिरि मेक्रिपा वाङसामामिमलाम मुमा बेन्‍ला सो़न्‍सिनी हेङालोने गानी र्‍याक्‍मा डु़म्‍ला बाट्‍पा मा खिरिरि क्रिपा लोवो गानी डु़म्‍ला होम्‍साका मेदोनी माला खिरिरि मेक्रिपा वाङसामामिम ने डु़म्‍ला होम्‍साका दोमी।

१ कोरिन्थी 7:19

हेङालोने खिरिरि क्रिप्‍सी बोमु नुङ मेबोमु हाम वो मेएँ, लावो माम्‍चु़नीका र्‍वामिमिम होम्‍साका बोमुङा डोक्‍पु सो़।

गलाती 6:13

कोक्‍ते खिरिरि क्रिपामिम उनी त्‍वाप वो मोशाकु डु़म्‍ला होम्‍साका मेदोमी। लावो मेर्मिमका इनीमा मिरो़मकु दुथाम डोक्‍पु लिसिमु लागि गानीलाई कोक्‍ते खिरिरि क्रिम्‍बेनिमी।