रोमी 2:23 - थुलुङ राई

²³ माम्‍चु़नीका ग्‍वाक्‍साड्‍डामिम डु़म्‍ला गुइनुङ बु र्‍वाक्‍साका गानी डोक्‍पु लिन्‍सिनी, हाम गानी मेरामङा डु़म्‍लाका र्‍वामिमिम होङङा मेबोनी मा?

रोमी 2:23 Referans Kwoze

रोमी 2:17

लावो गानी गो यहूदी ङा र्‍वाक्‍साका डु़म्‍लाडा थो़रलु़नी मा माम्‍चु़नीलाई छेपु र्‍वाक्‍साका डोक्‍पु लिन्‍सिनी।

रोमी 9:4

मेर्मिम इस्राएलीमिम सो़, मा माम्‍चु़नीका मेर्मिमलाई उनीमा त्‍वाकु चो़-चु़सु़ दु़म्‍बेट्‌मिडी मा उनी त्‍वाकु यु़म-झ्‍वाक्‍सी मेर्मिमडला रेम्‍बेम्‍डी। मेम्‍मा मेर्मिमनुङ सो़रख्रेप्‍मिडी, मा डु़म्‍ला ग्‍वाम्‍डी, उनीमा लाले-पाङके बोमु वो सीट्‌मिडी, गुमीका याचे जेम्‍डिम ल्‍वा मेर्मिमका डार्मिडी।

रोमी 3:2

मेर्मिमकाम लागि जो़पा दु़स्‍ताम ल्‍वामिम ने हापाङा बु। खोत्‍लेडाम ङादो माम्‍चु़नीका यहूदीमिमलाई उनी त्‍वाकु सिजेम ग्‍वाम्‍डी।

यूहन्‍ना 5:45

“पापकु ङादोडा गानीलाई गो मुमा बेनिनी र्‍वाक्‍पा मेमिम्‍नी। गानीलाई मुमा बेट्‌पा ने मोशा सो़, गुलामका ख्‍लो़ला सो़म्‍सिमु लन्‍थाट्‌निम बाइडा।

लूका 18:11

मे फरिसी येम्‍स्‍तामा आरे र्‍वाक्‍तो सो़म्‍दी बु़डु़, ‘माम्‍चु़नी, गो गानीलाई आलासो़ र्‍वाङु, हेङालोने गो वाङमिम मु़चु़मिम होप्‍माम खुचु़वा मेबुङु, मु़चु़मिमलाई मेजो़पा मेबेउमी, मा नाम्‍सु़रु़ मेबेउ। मेम्‍मा ओराम कर फक्‍पा मु़चु़ होप्‍माम वो गो मेबुङु।

रोमी 3:27

मेम माला उहेम ल्‍वाकु दुथाम गुइ डोक्‍पु लिसिमु? डोक्‍पु लिसिक्‍पा ने ल्‍वा ङा मिबु। गुइ डु़म्‍ला होम्‍साका दोसीमिमका? मेम ने मेएँ, लावो येशूडा थो़र लु़इमिमका कोङङा सो़।