रोमी 2:22 - थुलुङ राई

²² वाङमिमलाई नाम्‍सु़रु़ मेबेनी र्‍वाक्‍पामिमका त्‍वाका ङा नाम्‍सु़रु़ बोनी? ङाटामिम घ्राम्‍सिक्‍पामिमका ङाटामिम भ्रेसाका खाप्‍ची डु़म्‍नी?

रोमी 2:22 Referans Kwoze

मत्ती 12:39

गुमीका मेर्मिमलाई र्‍वाम्‍डी, “मेजो़पा नुङ नाम्‍सु़रु़ बेपा आथामबिलिम मु़चु़मिमका हेल्‍लो वो मेल्‍वाम्‍मा छेखोप रेम्‍मु माल्‍मी। लावो मेर्मिम माम्‍चु़नीलाम-जेपा योनाकु छेखोप कोङङा रेम्‍बेट्‌पुमी।

याकूब 4:4

नाम्‍सु़रु़ बेपानी, सु़म्‍दिसेरनुङ ङोप्‍सो़बुङ दु़म्‍मु माम्‍चु़नीलाई नाप्‍छु़न्‍मु सो़ र्‍वाक्‍पा ल्‍वा गानी मेचनी? उहेमका सु़म्‍दिसेरनुङ ङोप्‍सो़बुङ दु़म्‍मु न बु़, मेराम माम्‍चु़नीकु स्वाक्‍चिमो मु़चु़ दु़म।

थु़र्मा 19:37

हेङालोने गानी रेट्‌निम ओर्चिप मु़चु़का सो़रनेम वो पिच्‍चिम मिबु, मा इकी नो़पमा आर्तेमिसकु कोर्थो़लाममिम ल्‍वा हाम वो जेच्‍चिम मिबु।

मर्कूस 11:17

मेकोतिमा गुमीका सीत्तोङा र्‍वाम्‍डी, “हाम आरेप्‍माम र्‍याक्‍मा मिबु मा, ‘आमा नेम खोत्‍ले मिनीसामामिमका सो़म्‍दी बेखोप नेम र्‍वाक्‍साका छेमी।’ लावो गानी ने खुचु़वामिम बाखोप बुड्‌खुम डे बनेन्‍निम बु।”

मत्ती 16:4

छु़लचो़ नुङ नाम्‍सु़रु़ बेपा ओराम थारीकु मु़चु़मिमका छेखोप रेम्‍मु माल्‍मी, लावो मेर्मिमका योनाकु छेखोप कोङङा रेम्‍मु ल्‍वामी।” मेकोतिमा येशूका मेर्मिमलाई पार्जो़ल्‍मिडिमा लम्‍डी।

रोमी 12:9

मु़चु़कु मिक्‍सीलामडा रेम्‍बेपा रिखाम मेएँ लावो आच्‍छाङाकाम बेपा दु़म्‍नी। मेजो़पा ल्‍वा ङेट्‌निमा जो़पा ल्‍वा बेनिम बानी।