रोमी 2:21 - थुलुङ राई

²¹ आरेसाका गानी वाङमिमलाई सीपा इनी त्‍वाप ने मेसीसिक्‍पा? वाङमिमलाई खुसि मेनु़ र्‍वाक्‍पा मा त्‍वाकाङा खुपा?

रोमी 2:21 Referans Kwoze

१ कोरिन्थी 9:27

आ त्‍वाका त्‍वापलाई योपु, मा जो़होमका जु़लु, मेएँ माला ने वाङमिमलाई जो़पा-सेला थो़बेट्‌पुमिमिम चङडा गो पुरस्‍कार ल्‍वामु मेघ्रेट्‌पा दु़म्‍ङु।

लूका 12:47

“उ नेमहपकु नड्‍डाम ल्‍वा थेसिथेसाका वो मेराम होम्‍साका खारी मेबेपा, मा मेझो़म्‍जोल्‍सिट्‌पा डु़ल्‍चो़ ने छो़म याल्‍ला सो़सी।

लूका 11:46

येशूका मेराम मु़चु़लाई र्‍वाम्‍डी, “गानी मोशाकु डु़म्‍ला छो़म थेट्‌पा मु़चु़मिमलाई वाइतो, हेङालोने डु़म्‍ला होम्‍साका मु़चु़मिम दोमु मेचापा दु़म्‍बेनिमा दोबेनी। लावो इनी त्‍वाका ने मेराम होम्‍साका दोमु मेर्मिमलाई कति कल्‍पा ल्‍वाडा वो मेख्‍लो़नी।

लूका 19:22

“हपका मे डु़ल्‍चो़लाई र्‍वाक्‍ता, ‘गाना इ सिलामका लुक्‍ताम ल्‍वालामकाङा गो मुमा बेनी, ए मेजो़पा न-गोनुङमा डु़ल्‍चो़ बाम आमा मेएँ मेराम रपा, मा हाम मेख्‍लिउवाम बु मेराम रु़पा गो आ न-थो़म मान्‍थिम मु़चु़ बुङु र्‍वाक्‍साका गाना चनामङा बाइडा।

लूका 4:23

येशूका मेर्मिमलाई र्‍वाम्‍डी, “आच्‍छाङा गानी गोलाई ओराम सीसि सो़म्दी र्‍वानी: ‘ए वैद्य, गाना इ त्‍वाका इ त्‍वापलाई ङा सबेडा। कफर्नहुमडा हा-हाम बेन्‍नाम गुकु थो़त्तोको मेराम होप्‍माम हेल्‍लो वो मेल्‍वाम्‍मा खारी आसिन्‍डा इमा शहरडा वो बे’।”

मत्ती 21:13

गुमीका मेर्मिमलाई र्‍वाम्‍डी, “माम्‍चु़नीकु सिजेमडा र्‍याक्‍मा बु, ‘आमा सो़रनेम सो़म्‍दी बेखोप नेम दु़म, लावो गानी ने ओरामलाई खुचु़वामिमकु घ्रो़म्‍खोप बुडखुम बनेबेन्‍निम बु’।”

गलाती 6:13

कोक्‍ते खिरिरि क्रिपामिम उनी त्‍वाप वो मोशाकु डु़म्‍ला होम्‍साका मेदोमी। लावो मेर्मिमका इनीमा मिरो़मकु दुथाम डोक्‍पु लिसिमु लागि गानीलाई कोक्‍ते खिरिरि क्रिम्‍बेनिमी।