रोमी 2:20 - थुलुङ राई

²⁰ नेप्‍ची मान्‍थिम मु़चु़मिमलाई सीपा, थेसिमेथेट्‍पामिमलाई सीपा गुकु ङा र्‍वानी। माम्‍चु़नीकु डु़म्‍ला गुकुनुङ बु मेम्मिमका सीसिमु बासिक्‍पा ल्‍वा खोत्‍ले गुकु चकु र्‍वाक्‍साका र्‍वानी।

रोमी 2:20 Referans Kwoze

२ तिमोथी 3:5

माम्‍चु़नीकु सो़रलोले बेपा लिसिक्‍पा, लावो माम्‍चु़नीडा आच्‍छाङाका थो़रमेलु़पा दु़म्‍मी। तिमोथी, आरेप्‍माम मु़चु़मिमडाम वाङ बाया।

तीतस 1:16

मेर्मिम मु़चु़का माम्‍चु़नीलाई छेत्तोकोम बु ने र्‍वामी, लावो उनी खारी बेसीलामका माम्‍चु़नीलाई मेछेमिमिम रेम्‍बोमी। मेर्मिम मु़चु़मिम माम्‍चु़नीलाई मेद्‌वाक्‍पा नुङ गुमीका र्‍वामिमिम मेथो़पा, मा जो़पा खारी हाम वो बोमु मेघ्रेट्‌पा सो़।

२ तिमोथी 1:13

गोलामका गाना थो़न्‍नाम आच्‍छाङाकाम सीसिडा जो़होमका लाम्‍दियाम बाया मा मेराम सीसि बोथाडा-थार्थाडा। मेम्‍मा ख्रीष्‍ट येशूडा बाट्‌पा इमा थो़र नुङ वाङमिमडला बोनामिम इमा रिखामडा गाना मेराम रेम्‍बेपा दु़म्‍सा।

१ कोरिन्थी 3:1

वा-ल्‍वाकनी, गानीनुङ जेङडोलो माम्‍चु़नी-पेलनुङमा मु़चु़मिमनुङ जेङडोम होम्‍साका जेमु मेचापुवा, लावो सु़म्‍दिसेरडाम मु़चु़मिम, ख्रीष्‍टडा मालो गक्‍पा चो़च्‍चो़नुङ होम्‍साका जेङडो।

रोमी 6:17

गानी ङादो छु़लकु डु़ल्‍चो़ बान्‍नी। लावो ओम्‍लो ने गानी सीसिट्‌निमिम सीसि होङङा इनी त्‍वाकु न-गोलामका बेन्‍निमका माम्‍चु़नीलाई आलासो़।

१ पत्रुस 2:2

मालो गक्‍पा चो़च्‍चो़का उमा मामकु दु़दु़ डुमु मालु़मिम होङङा गानी वो माम्‍चु़नीकु सिजेम थो़पा छो़म न बेनी। मेम्‍साका माम्‍चु़नीडलाम इनी थो़र बर्तो ल, मा गानी सेल्‍सिनी।

हिब्रू 5:13

मामकु दु़दु़ कोङङा डुङु़ माला ने आथावो चो़च्‍चो़ङा दु़म। मेम्‍मिमका गु जो़पा मेजो़पा ल्‍वा हाम र्‍वाक्‍साका छेमु मेचापा दु़म।

मत्ती 11:25

मेकोतिलोङा येशूका र्‍वाम्‍डी, “पाआ, सुबु नुङ पाह्रीकाम मिप्रङमा, गो गानीलाई आलासो़ ग्‍वानिनी। हेङालोने थेट्‌पा नुङ नेप्‍चीनुङमा मु़चु़मिमडाम थक्‍साका जु़ल्‍निम ल्‍वा चो़च्‍चो़ होप्‍माम मु़चु़मिमकाडा रेम्‍बेन्‍नी।

रोमी 2:19

नका मेल्‍वापामिमलाई क्रिपा मा तुकुम्‍चिमडाम ओल गो ङा सो़ र्‍वाक्‍साका र्‍वानी।

रोमी 3:31

थो़रलामका माम्‍चु़नीकु ङादोडा जो़पा न-गोकाम दु़म्सी माला हाम माम्‍चु़नीकु डु़म्‍ला ने हाम ना हामकाम दु़म मा? मेम ने मेएँ, लावो आच्‍छाङा उनीमा डु़म्‍ला होम्‍साका डे दोसीहोम बुइमिम दु़म।

याकूब 3:1

वा-ल्‍वाकनी, गुइ मण्‍डलीडा सीपा मु़चु़मिमकाम ने छो़म छो़पा निया दु़म र्‍वाक्‍पा चनी, मेम्‍मिमका गानीगोडाम खोत्‍लेका ने सीपा मु़चु़ दु़म्‍मु मेमाल्‍नी।