रोमी 2:19 - थुलुङ राई

¹⁹ नका मेल्‍वापामिमलाई क्रिपा मा तुकुम्‍चिमडाम ओल गो ङा सो़ र्‍वाक्‍साका र्‍वानी।

रोमी 2:19 Referans Kwoze

१ कोरिन्थी 4:10

गुकु ने ख्रीष्‍टकाम लागि नेप्‍ची मान्‍थिम, लावो गानी ने ख्रीष्‍टनुङ नेप्चीनुङमा बुनी! गुकु ने मेचापा बुकु, लावो गानी ने यु़मनुङमा बुनी! गानी ने खोत्‍लेका डोक्‍पु बोनिमी, लावो गुकुलाई ने डोक्‍पु मेबोकिमी!

यूहन्‍ना 9:34

मेर्मिमका मेराम मु़चु़लाई र्‍वाम्‍डी, “गाना ने गक्‍नालोङा छु़लका देम्‍पा बान्‍ना! हाम गुकुलाई सीमु माल्‍की?” मेम्‍मा मेर्मिमका गुलाई घ्रो़म्‍दीनेमलामका पाखा कोल्‍सोम्‍डी।

मत्ती 15:14

मेम्‍मिमका मेर्मिमकामथो़ न-मेसोमी। मेर्मिम ने मिक्‍सीका मेल्‍वापामिमलाई क्रिपा मिक्‍सीका मेल्‍वापामिम सो़। मिक्‍सीका मेल्‍वापाका मिक्‍सीका मेल्‍वापालाई क्रियु़ माला निफिङा पोलु़मगोयु़ वाम्‍ची।”

मत्ती 6:23

लावो इनी मिक्‍सी मेजो़पा बु माला खोत्‍ले मिरो़मङा तुकुम्‍चिमनुङमा दु़म। गानीगोडा बाट्पा ओल तुकुम्‍चिम दु़स्‍ता माला गानी छो़म मेजो़पा दु़म्‍नी।

मत्ती 5:14

“गानी सु़म्‍दिसेरडाम ओल होप्‍माम सो़। पोप्‍चङडला बनेबेम्‍मा शहर सु़का वो थमु मेचाम्‍मी।

फिलिप्‍पी 2:15

मेम्‍साका गानी मुमा मेबेडिमिम नुङ आच्‍छाङाकाम दु़म्साका थो़र मेलु़इमिम नुङ मेजो़पा मु़चु़मिम गोडा मेख्‍लो़ट्‌पा माम्‍चु़नीकु चो़ दु़म्‍नी। मेर्मिम मु़चु़ गोडा गानी सु़म्‍दिसेरडा झ्‍वाक्‍पा सोरलुङ होङका झ्‍वानी।

१ कोरिन्थी 3:18

सु़का वो उ त्‍वापलाई ताङताहेरथो़ मेलनु़। गानीगोडाम कोङनिमका उ त्‍वापलाई ओराम सु़म्‍दिसेरडाम नेप्‍चीनुङमा मिम्‍सी माला गु नेप्‍ची मान्‍थिम दु़म्‍नु़, मेम्‍साका कोङङा आच्‍छाङाकाम नेप्‍चीनुङमा दु़म।

थु़र्मा 26:18

मा गाना मेर्मिमकु मिक्‍सी ह्‌वाक्‍साडामी, मेर्मिम तुकुम्‍चिमलामका ओलडा ख्‍लोम्‍सिमिनु़, मा शैतानकु यु़मलामका माम्‍चु़नीडा रोमिनु़। आरेसाका गोडला बोमिमिम उनी थो़रका मेर्मिमकु उनी छु़ल हेम्‍सी, मा माम्‍चु़नीका छेट्‌मिडिम मु़चु़मिमकु बाखोपडा मेर्मिमका बुमु ल्‍वामी।’

लूका 1:79

मा तुकुम्‍चिमडा नुङ सिमुलाम खोपा मु़चु़मिमडला मेराम झ्‍वा, मेम्‍मा गुमीका इकीमा न भ्रसी बेन्‍मी।”

मर्कूस 10:15

आच्‍छाङा गो गानीनुङ र्‍वाङु, उहेमका माम्‍चु़नीकु किब्‍दी चो़च्‍चो़ होङका मेरङु़, मेरामका मेगोडा हुमु वो मेल्‍वासु़।”

मत्ती 4:16

माम्‍चु़नी मेछेसाका तुकुम्‍चिमडा होङङा बाट्‌पा मु़चु़मिमका माम्‍चु़नीकु सेल्‍सीकाम ओल ल्‍वाम्‍डिम बु। मेसिपा त्‍वारो़म मेल्‍वापा मु़चु़मिमडला मे ओल झ्‍वाक्‍ताम बु।”

रोमी 2:18

गुमीका गानी हाम बोनिमिम द्‍वामी र्‍वाक्‍पा चनी मा डु़म्‍लालाम सीसिट्‌निम जो़पा ल्‍वामिमकु दुथाम वो चनी।

रोमी 2:20

नेप्‍ची मान्‍थिम मु़चु़मिमलाई सीपा, थेसिमेथेट्‍पामिमलाई सीपा गुकु ङा र्‍वानी। माम्‍चु़नीकु डु़म्‍ला गुकुनुङ बु मेम्मिमका सीसिमु बासिक्‍पा ल्‍वा खोत्‍ले गुकु चकु र्‍वाक्‍साका र्‍वानी।