रोमी 2:17 - थुलुङ राई

¹⁷ लावो गानी गो यहूदी ङा र्‍वाक्‍साका डु़म्‍लाडा थो़रलु़नी मा माम्‍चु़नीलाई छेपु र्‍वाक्‍साका डोक्‍पु लिन्‍सिनी।

रोमी 2:17 Referans Kwoze

रोमी 2:23

माम्‍चु़नीका ग्‍वाक्‍साड्‍डामिम डु़म्‍ला गुइनुङ बु र्‍वाक्‍साका गानी डोक्‍पु लिन्‍सिनी, हाम गानी मेरामङा डु़म्‍लाका र्‍वामिमिम होङङा मेबोनी मा?

रेम्‍बेट्‌मिडिम ल्‍वा 2:9

गो इमा थो़मतेर्सिड्‍डाम चक्‍पु, गानानुङ हाम वो मिबुमिम वो चक्‍पु, लावो पाह्रीला ने गाना खोत्‍लेका लिट्‌पा बुना। इमा दुथाम मेजो़पा जेपा मेर्मिम मु़चु़लाई गो छेपुमी। मेर्मिमका उनी त्‍वाप ने माम्‍चु़नीकु मु़चु़ यहूदी र्‍वामी, मेर्मिम यहूदी मेएँ लावो मेर्मिम ने शैतानकु घ्रो़म्‍दीनेम सो़।

रोमी 9:32

हेङालोने मेर्मिमका थो़रमेलु़साका डु़म्‍लालाम कोङङा माम्‍चु़नीकु ङादोडा जो़पा दु़म्‍मु माल्‍मिडिम बाइडा। आरेसाका डु़म्‍ला होम्‍साका दोसाका मेर्मिमका ख्रीष्‍टलाम मेडेङा ल्‍वापा राप्‍लावाडा थो़रमेलु़मिवा। मेम्‍मिमका मेर्मिमकाम लागि ख्रीष्‍ट ने खेल तुक्‍पा लुङ होप्‍माम दु़म्‍मिडी।

यूहन्‍ना 5:45

“पापकु ङादोडा गानीलाई गो मुमा बेनिनी र्‍वाक्‍पा मेमिम्‍नी। गानीलाई मुमा बेट्‌पा ने मोशा सो़, गुलामका ख्‍लो़ला सो़म्‍सिमु लन्‍थाट्‌निम बाइडा।

मत्ती 3:9

‘गुकु ने अब्राहामकु चो़-चु़सु़ सो़, मेम्‍मिमका देन्‍दे मेल्‍वाकु’ र्‍वाक्‍पा इनी त्‍वाप-त्‍वापगोडा मेमिम्‍सिट्‌नी, हेङालोने गो गानीलाई र्‍वाङु, माम्‍चु़नीका ओर्मिम लुङकाम वो अब्राहामकु चो़-चु़सु़ प्रङमु चाम्‍मी।

रेम्‍बेट्‌मिडिम ल्‍वा 3:9

शैतानकु घ्रो़म्‍दीनेमडाम मु़चु़मिम उहेमका उनी त्‍वापलाई यहूदी र्‍वामी लावो यहूदी ने मेएँ मेर्मिम ने लिमाचो़मिम सो़। मेर्मिमलाई गो इमाडा रेट्‌पुमी मा इमा खेल चु़म्‍बेसाका सेव सान्‍बेट्‌पुमी। मेम्‍मा गो गानालाई रिखाम बोनी र्‍वाक्‍पा मेर्मिमका चमी।

रेम्‍बेट्‌मिडिम ल्‍वा 3:1

“सार्डिस मण्‍डलीडाम पाह्रीचो़लाई ओराम ल्‍वा र्‍याका: माम्‍चु़नीकु येतले पेलमिम नुङ येतले सोरलुङमिम जेथाक्‍पाका आरे र्‍वामी, गाना बेन्‍नाम इमा खारीमिम गो चक्‍पु। गाना नु़पा बुना र्‍वाक्‍साका इमा नङ दोस्‍ताम बु लोवो गाना सिन्‍नाम बु।

एफिसी 2:11

कोबिलि गानी वाङसामामिम, हेप्‍माम बान्‍नी मेराम मिम्‍सिट्‍नी, ल्‍वाका खिरिरि क्रिप्‍सी बेम्‍मा यहूदीमिमका गानीलाई कोक्‍ते खिरिरि क्रिप्‍सी मेबेम्‍मा र्‍वामी। गानीलाई मेम र्‍वाक्‍पामिम त्‍वाप ने खिरिरि क्रिप्‍सी बेम्‍मा मिम्‍सिमी।

गलाती 2:15

गुकु ने गक्‍तोकोलोङा यहूदी बात्तोको मा वाङसामा होप्‍माम छु़लचो़ गुकु मेएँ।

२ कोरिन्‍थी 11:22

हाम मेर्मिम हिब्रू? गो वो हिब्रू ङा। हाम मेर्मिम इस्राएलीमिम? गो वो मेङा। हाम मेर्मिम अब्राहामकु चो़ चु़सु़मिम? गो वो मेङा।

यूहन्‍ना 8:41

इनीमा त्‍वाकु पापका बु़डु़म खारी गानी वो बोनिम बुनी।” मेर्मिमका गुमीनुङ र्‍वाम्‍डी, “माम-पापका नाम्‍सु़रु़ बेसाका गुकु गक्‍तोकोम मेएँ। आकीमा कोलेङा पाप माम्‍चु़नीङा सो़।”

यूहन्‍ना 8:33

मेर्मिमका गुमीलाई र्‍वाम्‍डी, “गुकु ने अब्राहामकु चो़-चु़सु़, सु़काम हेल्‍लो वो डु़ल्‍चो़ दु़म्‍तोकोम मिबु। गानी फ्‍वान्‍सिनी र्‍वाक्‍साका हाम र्‍वानिमिम?”

यूहन्‍ना 7:19

हाम मोशाका गानीलाई डु़म्‍ला ग्‍वाक्‍निमी मेएँ मा? मावो गानी सु़वो मेराम डु़म्‍ला होम्‍साका मेदोनी। हेङा गानी गोलाई सेन्‍मु माल्‍ङिनी?”

लूका 10:28

येशूका मेराम मु़चु़लाई र्‍वाम्‍डी, “गाना जो़होमका र्‍वाक्‍ना। मेमङा बे, मा गाना हेल्‍लो वो मेसिपा त्‍वारो़म ल्‍वाना।”

यूहन्‍ना 5:39

माम्‍चु़नीकु सिजेम गानी डानी, हेङालोने मेरामका मेसिपा त्‍वारो़म ग्‍वाक्‍सा र्‍वाक्‍पा गानी लु़नी। मेरामका आमा दुथामङा सो़यु़।

रोमी 3:27

मेम माला उहेम ल्‍वाकु दुथाम गुइ डोक्‍पु लिसिमु? डोक्‍पु लिसिक्‍पा ने ल्‍वा ङा मिबु। गुइ डु़म्‍ला होम्‍साका दोसीमिमका? मेम ने मेएँ, लावो येशूडा थो़र लु़इमिमका कोङङा सो़।