रोमी 2:16 - थुलुङ राई

¹⁶ मु़चु़मिमका थक्‍साका जु़ल्‍मिडिम ल्‍वा ने माम्‍चु़नीका निया बोमिमिम नेम खोत्‍ले मु़चु़मिमगोडा येशू ख्रीष्‍टलाम रेम्‍बोमी। ओर्मिम ल्‍वा गो दो़उतोम जो़पा-सेला होप्‍माम ङा दु़म।

रोमी 2:16 Referans Kwoze

१ कोरिन्थी 4:5

मेम्‍मिमका ङाचो़ येशू योमु ङादो हाम वो निया मेबेनी। गुमीका ङा तुकुम्चिमडा थक्‍मा ल्‍वा ओलडा रेन्मी, मा मु़चु़मिमकु न नुङ गो वो रेम्‍बोमी। मेम्‍लो मु़चु़मिमका माम्‍चु़नीलाम त्‍वा त्‍वाहोम डोक्‍पु बेला सो़म्‍सिमी।

थु़र्मा 17:31

हेङालोने माम्‍चु़नीका उनी त्‍वाका ङा थुट्‌मीडिम येशूलामका सुबुडा बाट्‌पा मु़चु़मिमकाम जो़होमका निया दु़म्‍पा कोङ थारी जु़ल्‍मिडिम बु, मा गुमीलाई सिमुलामका फम्‍डिमा खोत्‍ले मु़चु़मिमलाई ओराम आच्‍छाङा र्‍वाक्‍पा रेम्‍बेम्‍डिम बु।”

थु़र्मा 10:42

मु़चु़मिमलाई जो़पा-सेला थो़बेन्‍मुमी, मा सिपा नुङ नु़पामिमकाम नियाबेपा माम्‍चु़नीका थुट्‌मिडिम मु़चु़ येशू ङा सो़ र्‍वाक्‍साका सो़मु गुमीका गुकुलाई र्‍वाम्‍डिम बु।

लूका 8:17

थक्‍साका जु़ल्‍मा खोत्‍ले ल्‍वासिमा ख्रेप्‍साका जु़ल्‍मामिम खोत्‍ले लुमिमा ओलडा दो़।

१ पत्रुस 4:5

लावो सिपा नुङ नु़पामिमकु निया बेपा माम्‍चु़नीकु ङादोडा मेर्मिमका सो़मु बासी।

रोमी 3:6

माम्‍चु़नीका देन्‍दे ग्‍वामु र्‍वाक्‍मा मेजो़पा ल्‍वा हेल्‍लो वो मेएँ। मेम माला ने माम्‍चु़नीका सु़म्‍दिसेरडाम मु़चु़मिमकु निया हेसाका बोमु चाम्‍मी मा?

२ पत्रुस 2:9

आरेसाका उनी लाम्‍दीडा लाम्‍दिपा मु़चु़मिमलाई दु़खालामका हेसाका फ्‍वामु नुङ मेजो़पा खारी बेपामिमलाई निया दु़म्मिम नेमसम्‍म हेसाका जु़ल्‍थामुमि र्‍वाक्‍पा ङाचो़का चमी।

२ तिमोथी 4:1

ख्रीष्‍ट येशू हप होङङा दु़म्‍साका योमिलो गुमीका सिपा लोवो नु़पा लोवो खोत्‍लेकाम निया बोमी। मेम्‍मिमका माम्‍चु़नी नुङ ख्रीष्‍टकु ङादोडा गो गानालाई ओर्मिम छो़म बेबेनी:

२ तिमोथी 2:8

सिमुलाम बम्‍गेम्‍डिम दाऊदकु दोचो़लाममिम येशू ख्रीष्‍टलाई मिम्‍डा, गो थो़बेत्तोमिम जो़पा-सेला ओरामङा सो़।

१ तिमोथी 1:11

ओराम सीसि आलाकाम इकीमा माम्‍चु़नीलामका योक्‍ताम बु। गुमीका गोलाई ओराम यु़मनुङमा सीसि सीमु ग्‍वाङडिमी।

रोमी 16:25

येशू ख्रीष्‍टकु दुथाम गो दो़उतोम जो़पा-सेलालाम माम्‍चु़नीका इनीमा थो़रलु़सीडा सोनुङमा दु़म्‍बेनिमी। ओराम ल्‍वा सु़म्‍दिमोलो आथामङा थक्‍मा बाइडा र्‍वाक्‍साका छ्‍याङलो छ्‍याङलो रेम्‍बु़डु़म बु।

यूहन्‍ना 12:48

गोलाई मेद्‌वाक्‍पा, मा आमा सिजेम मेथो़पामिमकाम लागि नियाचो़ बुमी, मेराम गो ङादो जेङ्‌डोम ल्‍वाका हुक्‍पा थारीनेम मेराम मु़चु़लाई मुमा बेडु़।

हिब्रू 9:27

खोत्‍लेका ङा कोखेम सिमु बासी मा मेराम चङडा माम्‍चु़नीका उमा निया बोमी।

२ तिमोथी 4:8

आथा ने माम्‍चु़नीकु ङादोडा जो़पा दु़म्‍पाकाम मुकुट आमा लागि जु़ल्‍मा बु, उहेम मुकुट जो़होमका निया बेपा ख्रीष्‍ट योमिमा गोलाई खुबेन्‍ङिमी। गोलाई कोङङा मेएँ, गुमी योमिमिम थारी छो़म लथाक्‍पा खोत्‍ले मु़चु़लाई खुबेन्‍मी।

२ कोरिन्‍थी 5:10

गुइ खोत्‍ले ख्रीष्‍टका निया बेपा गन्‍खोपकु ङादोडा येम्‍सिमु बासी, मा मु़चु़का मिरो़मडा बाइडालो जो़पा डे मेजो़पा हाम बु़डु़म बु मेराम होम्‍साका निया ल्‍वासु़।

रोमी 2:5

लावो इनीमा न-गो लुङ होप्‍माम बेन्‍निमा गुमीथो़ ख्‍लोसिमु न मेबेनिवा। मेम्‍मिमका माम्‍चु़नीकु निया रेम्‍बेसिक्‍पा मेराम छोक्‍चोकाम नेम गानी छो़म डोक्‍पु देन्‍दे ल्‍वानी।

मत्ती 16:27

हेङालोने मिनीचो़ उ त्‍वाकु पापका ग्‍वामिमिम यु़म-झ्‍वाक्‍सीडा उ पाह्रीचो़मिमनुङ यो। मेराम थारीका गुका खोत्‍ले मु़चु़मिमलाई मेर्मिमका बेम्‍डिम खारी होम्‍साका पुरस्‍कार लोवो देन्‍दे लोवो ग्‍वाकु़मी।

गलाती 1:11

वा-ल्‍वाकनी, गानी ओराम ल्‍वा चन्‍जो़ल्‍नी र्‍वाक्‍पा न बेउ, गो दो़उतोम जो़पा-सेला मु़चु़मिमलाम रोक्‍पा सेला मेएँ।

१ कोरिन्थी 15:1

वा-ल्‍वाकनी, गो गानीलाई थो़बेट्‌निनिम जो़पा-सेला मिम्‍बेन्‍मु आमा न बु, उहेम गानी रन्‍नी मा मेरामडाङा बुनिम बुनी।