रोमी 2:15 - थुलुङ राई

¹⁵ डु़म्‍लाका र्‍वाक्‍ताम ल्‍वामिम उनी त्‍वाकु नगोडा र्‍याक्‍मा बु र्‍वाक्‍पा मेर्मिमकु नेप्‍चीका रेम्‍बु़, मा मेर्मिमकाम त्‍वाकु नेप्‍चीका मेर्मिमलाई याङलो मुमा बेडु़मी मा याङलो जो़पा र्‍वामी।

रोमी 2:15 Referans Kwoze

२ कोरिन्‍थी 5:11

ङाचो़काम ङिम जु़ल्‍मु र्‍वाक्‍पा ल्‍वा गुकु चक्‍तोकोमका मु़चु़मिमलाई माम्‍चु़नीडा थो़र लु़बेन्‍मु माल्‍कु। आकीमा दुथाम माम्‍चु़नीका खोत्‍ले चमी, मा गानी वो आमा दुथाम जो़होमका चनिमिमङा बु र्‍वाक्‍पा आमा न बु।

तीतस 1:15

न-गो सेपा मु़चु़मिमकाम लागि खोत्‍लेङा सेपा दु़म। लावो मेजो़पा न-गोनुङमा नुङ थो़र मेलु़पा मु़चु़मिमकाम लागि ने हाम वो सेपा मेदु़म। हेङालोने मेर्मिमकु न नुङ नेप्‍चीङा मेजो़पा दु़स्‍ताम बु।

२ कोरिन्‍थी 1:12

ओराम सु़म्‍दिसेरडा कोङङा मेएँ लावो इनीमा ङादोडा वो आकीमा बासी-दोसी सेपा दु़म्‍बेत्तोकोम बु। ओराम आच्‍छाङाकाम न गुकु माम्‍चु़नीलाम ल्‍वात्तोकोम सो़। ओराम माम्‍चु़नीकु दिदामका दु़स्‍ताम, मु़चु़कु नेप्‍चीलामका ने मेएँ र्‍वाक्‍साका गुकु आकी धक्‍ची ह्‍वाक्‍साका सेपा नेप्‍चीका र्‍वामु चाम्‍कु।

१ तिमोथी 4:2

लिमा थेट्‌पा मु़चु़मिमकु न घ्रु़पा सेलका घ्रु़डामा मिनी मिक्‍सीलामडा जो़पा लिसिक्‍पा रेम्‍बेसाका वायम डमी।

रोमी 9:1

गो र्‍वामु खापुमिम ल्‍वा आच्‍छाङाकाम सो़। गो ख्रीष्‍टकु मु़चु़, मा गो लिमा मेथेट्‍पु। माम्‍चु़नी-पेल साखामगोडा बाट्‍पा नेप्‍चीका गो लिमा मेथेट्‍पु र्‍वाक्‍साका आमा दुथाम सो़यु़।

थु़र्मा 24:16

मेम्‍मिमका मु़चु़ नुङ माम्‍चु़नीकु ङादोडा हेल्‍लो लोवो आमा त्‍वाकु चाप्‍सी गो जो़पा न-गो जु़लु।

थु़र्मा 23:1

पावलका मे डोक्‍पु घ्रो़म्‍दीथो़ किकिर्या रेप्‍डु़मा र्‍वाक्‍ता, “वा-ल्‍वाकनी, आनेपसम्‍म गो माम्‍चु़नीकु ङादोडा खोत्‍ले ल्‍वाडा जो़पा न-गोका ङा गो उनीमा खारी बेउतोम बु।”

यूहन्‍ना 8:9

मेसेमलाई मुमा बेट्‌पा मु़चु़मिमका ओराम ल्‍वा थो़म्‍डिमा ङादो ङावालामका कोले-कोले बेत्तो वाङमिम वो मेलामका लु़म्डिमा लम्‍डी। मेम्‍मा येशू नुङ मे मेसेम कोङङा मेसिन्‍डा दु़म्‍ची। मे मेसेम येशूकु ङादोडा येम्‍तासिड्‌डा।

रोमी 2:14

वाङ सामामिमनुङ यहूदीमिमकु डु़म्‍ला मिबु। लावो मेर्मिमका डु़म्‍लाडाम होम्‍साकाङा खारी बोमी माला आरेसाका बोमिमिम ल्‍वाङा त्‍वाकु डु़म्‍ला होप्‍माम र्‍वाक्‍पा रेम्‍बोमी।

रोमी 2:27

गानी खिरिरि क्रिपा यहूदीमिम खिरिरि मेक्रिपा वाङसामामिमलाम मुमा बेन्‍ला सो़न्‍सिनी हेङालोने गानी र्‍याक्‍मा डु़म्‍ला बाट्‍पा मा खिरिरि क्रिपा लोवो गानी डु़म्‍ला होम्‍साका मेदोनी माला खिरिरि मेक्रिपा वाङसामामिम ने डु़म्‍ला होम्‍साका दोमी।