रोमी 2:14 - थुलुङ राई

¹⁴ वाङ सामामिमनुङ यहूदीमिमकु डु़म्‍ला मिबु। लावो मेर्मिमका डु़म्‍लाडाम होम्‍साकाङा खारी बोमी माला आरेसाका बोमिमिम ल्‍वाङा त्‍वाकु डु़म्‍ला होप्‍माम र्‍वाक्‍पा रेम्‍बोमी।

रोमी 2:14 Referans Kwoze

रोमी 2:12

माम्‍चु़नीकु डु़म्‍ला मेथेसाका उहेमका छु़ल बेम्‍डिम बु, मेर्मिम मेराम डु़म्‍ला मान्‍थिङा पुयु़लुमी मा डु़म्‍लागोडा बासाका छु़ल बेम्‍डी माला मेर्मिमका वो मेराम डु़म्‍लालामकाङा देन्‍दे ल्‍वामी।

रोमी 2:27

गानी खिरिरि क्रिपा यहूदीमिम खिरिरि मेक्रिपा वाङसामामिमलाम मुमा बेन्‍ला सो़न्‍सिनी हेङालोने गानी र्‍याक्‍मा डु़म्‍ला बाट्‍पा मा खिरिरि क्रिपा लोवो गानी डु़म्‍ला होम्‍साका मेदोनी माला खिरिरि मेक्रिपा वाङसामामिम ने डु़म्‍ला होम्‍साका दोमी।

एफिसी 2:12

मेराम थारीका गानी ख्रीष्‍टडाम वाङ बान्‍नी। गानी माम्‍चु़नीका छेट्‌मिडिम सामा इस्राएलीनुङ हेमकेमङा मेबाट्‌पा वाङ नेब्‍दीलाम रोक्‍पा मु़चु़ होप्‍माम बान्‍नी, मा माम्‍चु़नीका मेर्मिमनुङ जेम्‍डिम याचे गानी मेचन्‍थाल्‍निवा, मा गानी सु़म्‍दिसेरडा बान्‍निलो हाम हुम ल्‍वामु न मेबेपा मा माम्‍चु़नी मान्‍थिम बान्‍नी।

थु़र्मा 17:30

ङादोम थारीबिलि गुइ माम्‍चु़नीलाई मेचक्‍साका मेथेसाका बिइडिम ल्‍वाडा माम्‍चु़नीका न मेसोक्‍मिवा। लावो गुमीका आथा ने खोत्‍लेथो़ बाट्‌पा खोत्‍ले मु़चु़मिमलाई उनी छु़लमिमलामका ख्‍लोसिमिनु़ र्‍वाम्‍डिम बु।

थु़र्मा 10:35

मु़चु़ उहेम सामाडाम ङा लोवो माम्‍चु़नीकु ङिम जु़ल्‍पा, मा जो़पा खारी बेपा मु़चु़ ङा माम्‍चु़नीका द्‌वामी।

रोमी 1:32

आरेप्‍माम मु़चु़का ने सिमुङा घ्रेट्‍पा दु़म्‍मी र्‍वाक्‍पा माम्‍चु़नीलाममिम छो़म जो़पा डु़म्‍ला थो़त्तो थो़त्तोङा वो मेर्मिमका मेप्‍माम ङा खारी बोमी। मेकोति कोङङा मेएँ, आथावो कोर्थो़लाम मेप्‍माम खारी बेपालाई कोमी।

१ कोरिन्थी 11:14

वोस्‍चो़का धु़पा सेम डु़ल्‍लु़ माला उ नो़-कल ल र्‍वाक्‍पा हाम छ्‌याङलो-छ्‌याङलो मिबु मा?

फिलिप्‍पी 4:8

हुम-दडा, वा-ल्‍वाकनी, जो़पा नुङ कोमुका घ्रेट्‌पा ल्‍वामिम इनीमा नडा मिम्‍नी। मेर्मिम ल्‍वा: आच्‍छाङाकाम, डोक्‍पु मिम्‍मुका घ्रेट्‌पा, माम्चु़नीकु मिक्‍सीलामडा जो़पा, सेपा, द्‌वादीबुङ, सो़मुका घ्रेट्‌पा।

थु़र्मा 14:16

ङादोम थारीबिलि माम्‍चु़नीका खोत्‍ले सामामिमलाई त्‍वा-त्‍वाहोम उनी न होम्‍साका ङा बुमु-दोमु ग्‍वाम्‍डिमिम बाइडा।

रोमी 2:15

डु़म्‍लाका र्‍वाक्‍ताम ल्‍वामिम उनी त्‍वाकु नगोडा र्‍याक्‍मा बु र्‍वाक्‍पा मेर्मिमकु नेप्‍चीका रेम्‍बु़, मा मेर्मिमकाम त्‍वाकु नेप्‍चीका मेर्मिमलाई याङलो मुमा बेडु़मी मा याङलो जो़पा र्‍वामी।

१ कोरिन्थी 9:21

यहूदी डु़म्‍ला होम्‍साका मेदोपा वाङसामामिमनुङ खारी बेउतोलो मेर्मिमका ख्रीष्‍टडा थो़र लु़मिनु़ र्‍वाक्‍साका गो यहूदी डु़म्‍ला होम्‍साका मेदोपामिम होप्‍मामङा दु़म्‍ङोडो। गो र्‍वामु माल्तोम ल्‍वा ने माम्‍चु़नीकु डु़म्‍लाडाम गो वाङ मेबुङु, लावो ख्रीष्‍टकु डु़म्‍ला होम्‍साका दोङु।

एफिसी 2:3

गुइ वो कोखेप मेर्मिम होप्‍मामङा बाइडी। त्‍वाकु मिरो़म नुङ नका र्‍वाक्‍ताम मेजो़पा ल्‍वा होम्‍साका दोस्‍थाल्‍ली। मेम्‍साका इकीमा त्‍वाकु मेजो़पा न होम्‍साका दोसिवाम माला गुइ वो वाङमिम होम्‍साकाङा माम्‍चु़नीकु देन्‍दे ल्‍वामु बासिक्‍पा बाइडा।