रोमी 2:12 - थुलुङ राई

¹² माम्‍चु़नीकु डु़म्‍ला मेथेसाका उहेमका छु़ल बेम्‍डिम बु, मेर्मिम मेराम डु़म्‍ला मान्‍थिङा पुयु़लुमी मा डु़म्‍लागोडा बासाका छु़ल बेम्‍डी माला मेर्मिमका वो मेराम डु़म्‍लालामकाङा देन्‍दे ल्‍वामी।

रोमी 2:12 Referans Kwoze

१ कोरिन्थी 9:21

यहूदी डु़म्‍ला होम्‍साका मेदोपा वाङसामामिमनुङ खारी बेउतोलो मेर्मिमका ख्रीष्‍टडा थो़र लु़मिनु़ र्‍वाक्‍साका गो यहूदी डु़म्‍ला होम्‍साका मेदोपामिम होप्‍मामङा दु़म्‍ङोडो। गो र्‍वामु माल्तोम ल्‍वा ने माम्‍चु़नीकु डु़म्‍लाडाम गो वाङ मेबुङु, लावो ख्रीष्‍टकु डु़म्‍ला होम्‍साका दोङु।

गलाती 3:10

माम्‍चु़नीकु ङादोडा मुमा मान्‍थिम दु़म्‍मु लागि डु़म्‍लागोडाम खारी बेसीडा थो़र बेपा खोत्‍ले मु़चु़मिम वाइतो बेन्‍ला सो़सिमी। हेङालोने माम्‍चु़नीकु सिजेमडा र्‍याक्‍मा बु, “मोशाकु डु़म्‍लागोडा बाट्‍पा खोत्‍ले ल्‍वा जो़होमका मेबेसाका बाट्‍पा खोत्‍ले मु़चु़मिम वाइतो बेन्‍ला सो़सिमी।”

रोमी 8:3

छु़लनुङमा मु़चु़कु बादीखामका डु़म्‍ला होम्‍साका दोसाका बोमु मेचापा ल्‍वा माम्‍चु़नी उनी त्‍वाकाङा बेम्‍डी। माम्‍चु़नीका उनीमा त्‍वाकु तारापाचो़लाई छु़लचो़ मु़चु़ होप्‍माम दु़म्‍बेसाका थु़र्मिडी, मेम्‍मा मु़चु़मिमकु छु़ल हेम्‍मु लागि उनीमा तारापाचो़कु मिरो़म सासेसाका देन्‍दे ग्‍वाम्‍डी।

रोमी 1:32

आरेप्‍माम मु़चु़का ने सिमुङा घ्रेट्‍पा दु़म्‍मी र्‍वाक्‍पा माम्‍चु़नीलाममिम छो़म जो़पा डु़म्‍ला थो़त्तो थो़त्तोङा वो मेर्मिमका मेप्‍माम ङा खारी बोमी। मेकोति कोङङा मेएँ, आथावो कोर्थो़लाम मेप्‍माम खारी बेपालाई कोमी।

मत्ती 11:24

लावो गो गानीनुङ र्‍वाङु, निया दु़म्मिम नेम सदोम शहरडाम मु़चु़मिमका ल्‍वापाडाम वो इम्‍मु मेझापा देन्‍दे गानी ल्‍वानी।”

याकूब 2:10

हेङालोने उहेमका खोत्‍ले डु़म्‍ला होम्‍साका बु़, मा कोले ल्‍वा कोङङा डु़म्‍ला होम्‍साका मेबु़ माला मेरामका खोत्‍ले डु़म्‍ला होम्‍साका मेबु़वामका मुमा बेन्‍ला सो़सी।

रोमी 4:15

डु़म्‍लाका र्‍वामिम मेथो़पामिमडला माम्‍चु़नीका छोक्‍चो हान्‍मी, मा डु़म्‍ला मेबायावाम माला ने छु़ल वो मेगक्‍सावा।

मत्ती 11:22

लावो गो गानीलाई र्‍वाङु, निया दु़म्मिम नेम टुरोस शहर नुङ सीदोन शहरडाम मु़चु़मिमका ल्‍वापा देन्‍देडाम इम्‍मु मेझापा देन्‍दे गानी ल्‍वानी।

गलाती 3:22

लावो खोत्‍ले मु़चु़मिमलाई छु़लका बथाडु़मिम बु र्‍वाक्‍पा माम्‍चु़नीकु सिजेमका रेम्‍बु़। मेम्‍मिमका माम्‍चु़नीका याचे जेम्‍डिम ल्‍वा येशू ख्रीष्‍टडा थो़रलु़साका कोङङा गुइ ल्‍वामु चाप्‍सी।

यूहन्‍ना 19:11

येशूका र्‍वाम्‍डी, “माम्‍चु़नीका गानीलाई ग्‍वाक्‍निमका कोङङा गोडला इनीमा साखाम बुमिम। मेम्‍मिमका इनीमा ल्‍वाडा गोलाई ग्‍वाक्‍पाका छो़म डोक्‍पु छु़ल बु़डु़म बु।”

थु़र्मा 2:23

येशू गानीलाई ग्‍वामु माम्‍चु़नीकाम ङादो आथाममिम उनी मुलु़ नुङ न बाइडा। मेम्‍मिमका गानी गुमीलाई मेजो़पा मु़चु़मिमलाई ग्‍वाक्‍साका क्रूसडा चेसाका सेन्‍बेट्‌नी।