11 हेङालोने माम्चु़नीका सु़लाई वो चोमिक्सी मेबोमी।
ओराम थो़स्तु़मा पत्रुसका जेमु चो़म्डु़, “माम्चु़नीका चोमिक्सी मेबोमी र्वाक्पा आच्छाङा गो ल्वाउतो।
मेसिन्डाम मण्डलीडा कोङनिम नङ दोपा डोक्पु मु़चु़मिम बाम्डी– लोवो गो ने हे होङङा मेलु़ङुवा, हेङालोने माम्चु़नीका चो मिक्सी मेबोमी– मेर्मिमका गो दो़उतोम जो़पा-सेलाडा कोले ल्वा वो मेकाप्मिवा।
उहेमका मेजो़पा बु़, मेम बु़डु़मका गु मेजो़पाङा बेला सो़सी मा माम्चु़नीका मेफ्वाक्साका मेर्मिम खोत्लेलाई देन्दे ग्वामी।
गानी नेमहपनी, इनीमा डु़ल्चो़मिमलाई जो़होम नु़म बेनी मा ङिम सान्मु डिट्नी। नेमहप नुङ डु़ल्चो़ निफिकाम पाह्रीला नेमहप कोलेङा बुमी मा गुमीका चोमिक्सी मेबोमी र्वाक्पा ल्वा मिम्सिट्नी।
मेर्मिमका उनी सीसिपामिमलाई हेरोद हपलाम बासिक्पा मु़चु़मिमनुङ येशूकाडा थु़र्मिडी। मेर्मिमका र्वाम्डी, “ए ङाचो़, गानी लिमा मेथेनी र्वाक्साका गुकु चकु। माम्चु़नीकु लाम्दी जो़होमका सीनिमी। गानी सु़लाम वो मेबान्सिनी, मा खोत्लेलाई कोहोङङा बोनी।
मेकोतिमा मे ल्वा खुपा मु़चु़मिमका हिलाबेम्डी, “ङाचो़, गानी र्वानिमिम नुङ सीनिमिम ल्वा जो़पा बु, मा सु़लाई वो चोमिक्सी मेबोनी, लावो आच्छाङा माम्चु़नीकु लाम्दी सीनिमी र्वाक्पा गुकु चकु।
माम्चु़नीडा गानी सो़म्दी बोनिलो गुमीलाई पाप र्वानी, गुमीका निया वो बोमी। गुमीका चोमिक्सी मेबेसाका मेर्मिमका बेम्डिम खारी होम्साका खोत्ले मु़चु़मिमकु निया बोमी। मेम्मिमका ओराम सुबुडा वाङथो़लाम रोक्पा होङङा बुनिलो माम्चु़नीलाई डोक्पु मिम्साका उनीमा ङिम जु़ल्निमा बानी।
मेम माला गुइ हाम र्वामु? हाम माम्चु़नीका निया मेबोमी मा? मेम ने मेएँ!
