रोमी 16:4 - थुलुङ राई

⁴ मेर्चिपका गोलाई गेमु लागि उची त्‍वापङा र्‍वाप्‍डा सिच्‍चिम बाइडा। मेर्चिपलाई गो कोङङा मेएँ, लावो वाङसामाडाम मण्‍डलीमिमका वो आला र्‍वाम्‍डी।

रोमी 16:4 Referans Kwoze

१ यूहन्‍ना 3:16

ख्रीष्‍टका उनीमा साम इकीमा लागि फ्‍याम्‍डी, मेराम गुइ मिम्‍डिलो रिखाम र्‍वाक्‍मा हाम मेराम थेसिथेडी। गुइ थो़रलु़पा वाङमिम वा-ल्‍वाकमिमकाम लागि इकीमा साम फ्‍यामु बासी।

फिलिप्‍पी 2:30

हेङालोने ख्रीष्‍टकु खारीकाम लागि गु र्‍वाप्‍डाङा सिडा, मा गानी गोलाई ग्‍वामु मेचाप्‍निवाम ख्‍लो़सीडा खारी बोम्सोमु लागि सिमु बासि लोवो हाम होङ्‍ङा मेलु़यावाम बाइडा।

१ थेसलोनिकी 2:14

हेङालोने वा-ल्‍वाकनी, ख्रीष्‍ट येशूडा बाट्‌पा यहूदियाडाम माम्‍चु़नीकु मण्‍डलीमिमकु बेसी गानी बेन्‍निम बु। मे थो़रलु़पामिमलाई त्‍वाकु मु़चु़ यहूदीमिमकाङा दु़खा ग्‍वाम्‍डिम होङङा गानीलाई वो इनीमा नेब्‍दीडाम मु़चु़मिमका दु़खा ग्‍वानिमिम बु।

१ कोरिन्थी 16:1

यरूशलेमडा बाट्‍पा माम्‍चु़नीकु मु़चु़मिमकाम लागि ग्‍वा-ग्‍वा फमुकु दुथाम गलातियाडाम मण्‍डलीमिमलाई गो बेबेत्तोमिम होम्‍साकाङा गानी बेनी।

१ कोरिन्थी 7:17

माम्‍चु़नीका येट्‌निमिलो ङादो गानी खोत्लेङा हेप्‍माम बासीडा बान्‍नी मा ङाचो़ येशूका गानीलाई हामकाम लागि थु़ट्‌निमिमिम बु, मेम्साका ङा गानी बानिम बानी। खोत्‍ले मण्‍डलीका बोमु बासिक्‍पा आमा सीसि वो ओराम ङा सो़।

रोमी 5:7

जो़पा न-गोकाम लागि सिप्‍डा लक्‍पा कोङनिम मु़चु़ डार्मु वो झाम। जो़पा मु़चु़ सिमु बासिक्‍पा खोमडा कोङमी सिमु माल्‍पा मु़चु़ डार्मु ने हापाङा छो़।

थु़र्मा 16:5

मेम्‍मिमका मण्‍डलीमिमकु थो़र बर्तो लस्‍ता, मा येशूडा थो़रलु़पामिम हेल्‍लो लोवो बर्तो लम्‍डी।

थु़र्मा 15:41

मण्‍डलीडाम मु़चु़मिमलाई उनी सो हन्‍बेसाक्‍तो पावल सिरिया नुङ किलिकियाबाडे लस्‍ता।

यूहन्‍ना 15:13

त्‍वाकु ङोप्‍सो़काम लागि त्‍वाकु साम फ्‍यामुडाममा डोक्‍पु रिखाम सु़काम वो मेदु़म।

रेम्‍बेट्‌मिडिम ल्‍वा 1:4

एशिया क्षेत्रडा बाट्‌पा गानी येतले मण्‍डलीमिमलाई गो यूहन्‍नाका ओराम सेलाखाजेम र्‍याक्‍तोङा लेट्‌पु। ओम्‍लो वो बुमी, ङादो वो बाम्‍डी मा आथावो चक्‍थो़ योक्‍पा माम्‍चु़नीलाम नुङ उनीमा साखाम थो़खोपकु ङादोडाम येतले पेलमिमलाम दिदाम नुङ न-भ्रसी ल्‍वानिनु़।

थु़र्मा 9:31

मेकोतिमा यहूदिया, गालील, सामरियाडाम खोत्‍ले मण्‍डलीडाम मु़चु़मिम उनी न भ्रसिक्‍तो बाम्‍डी। मेर्मिमका माम्‍चु़नीकु ङिम जु़ल्‍मिडी, मा माम्‍चु़नी-पेललामका उनी सो हन्‍डामा बर्तो लम्‍डी।

थु़र्मा 15:26

पावल नुङ बारनाबासका उनीमा लाले-पाङके बोमु उचीमा मिरो़म ङा इकीमा ङाचो़ येशू ख्रीष्‍टकु ल्‍वाडा ग्‍वाक्‍चिम बु।

रोमी 16:3

गोनुङङा खारी बेपा प्रिस्‍का नुङ अकिलासलाई वो आमा सेव र्‍वाङ्‍साङनी।

रोमी 16:5

मेर्चिपकु नेमडा खोम्‍सिक्‍पा मण्‍डलीमिमलाई सेव र्‍वाङ्साङनी। आमा द्‍वादीबुङ ङोप्‍सो़ एशियाडा खोत्‍लेडाम ङादोम थो़रलु़पा इपेनितसलाई सेव बु।