रोमी 16:3 - थुलुङ राई

³ गोनुङङा खारी बेपा प्रिस्‍का नुङ अकिलासलाई वो आमा सेव र्‍वाङ्‍साङनी।

रोमी 16:3 Referans Kwoze

२ तिमोथी 4:19

प्रिस्‍किला, अकिलास नुङ ओनेसिफरसकु नेमडाममिमलाई आमा सेव र्‍वाङसाक्‍ङी।

१ कोरिन्थी 16:19

एशिया क्षेत्रडाम मण्‍डलीमिमका गानीलाई सेव र्‍वाम्‍डिम बु। अकिलास नुङ प्रिस्‍किलाका मा उची नेमडा खोम्‍सिक्‍पा मण्‍डलीका वो ङाचो़कु नङडा गानीलाई उनी न-गोलामका ङा सेव र्‍वाम्‍डिम बु।

थु़र्मा 18:26

अपोल्‍लोस घ्रो़म्‍दीनेमडा मेङिसाका जेमु चो़म्‍डु़। गुका जेस्‍ताम ल्‍वा प्रिस्‍किला नुङ अकिलासका थो़च्‍ची, मा गुलाई उची नेमडा येट्‌ची। मेकोतिमा मेर्चिपका गुलाई माम्‍चु़नीकु लाम्‍दीकु दुथाममिम ल्‍वामिम मेरामडाम वो जो़होमका सीट्‌ची।

१ कोरिन्थी 16:16

गानी मेर्मिम मु़चु़मिमकु ल्‍वाड्‌डा बानी। मेर्मिम नुङ मेम्‍माम ङा ब्राम्दु़ल्वा बेपा वाङमिम मु़चु़मिमकु ल्‍वाडा वो बानी।

रोमी 16:9

गोनुङ कोयोङा ख्रीष्‍टकु खारी बेपा उर्बानस नुङ द्‍वादीबुङ ङोप्‍सो़ स्‍ताखुसलाई सेव र्‍वाङ्‌साङनी।

रोमी 8:1

मेम्‍मिमका ख्रीष्‍ट येशूडा थो़रलु़पामिमलाई माम्‍चु़नीका देन्‍दे मेग्‍वामी।

रोमी 8:2

हेङालोने ख्रीष्‍ट येशूलाम त्‍वारो़म ल्‍वापा, माम्‍चु़नी-पेलकु डु़म्‍लाका छु़ल नुङ सिमुलाम रेट्‍पा डु़म्‍लाडाम गोलाई सेल्‍ङिडिमिम बु।

रोमी 8:11

ख्रीष्‍टलाई सिमुलाम फम्‍खेट्‍पा माम्‍चु़नी-पेल गानीगोडा बुमी माला, मेराम पेलका इनीमा सिपा मिरो़मलाई वो सिमुलाम त्‍वारो़म ग्‍वानिमी।

रोमी 16:4

मेर्चिपका गोलाई गेमु लागि उची त्‍वापङा र्‍वाप्‍डा सिच्‍चिम बाइडा। मेर्चिपलाई गो कोङङा मेएँ, लावो वाङसामाडाम मण्‍डलीमिमका वो आला र्‍वाम्‍डी।

रोमी 16:7

एन्‍ड्रोनिकस नुङ यूनियस र्‍वाक्‍मा आमा त्‍वाकु मु़चु़चिप मा गोनुङङा चसिक्‍पा यहूदी ङोप्‍सो़मिमलाई आमा सेव र्‍वाङ्‍साङ्‍नी। थु़र्मामिमगोडा मेर्मिमकु नङ हापा दोस्‍ताम बाइडा। मेम्‍मा गो थो़रलु़मु हापा ङादोङा मेर्मिमका ख्रीष्‍टडा थो़र लु़म्‍डिम बाइडा।

रोमी 16:10

ख्रीष्‍टकु खारीडा थो़रलु़इमिम अपोल्‍लोसलाई सेव र्‍वाङसाङ्‍नी। अरिस्‍तोबुलसकु नेमडाममिमलाई वो सेव बु।

२ कोरिन्‍थी 5:17

मेम्‍मिमका कोङनिम मु़चु़ ख्रीष्‍टडा बु माला मेराम लाले दु़स्‍ताम मु़चु़ सो़। मेम्‍मा ङादोम त्‍वारो़म दाम्‍स्‍ताम बु, रेप्‍नी, लाले त्‍वारो़म चो़म्‍सिड्‍डाम बु।

२ कोरिन्‍थी 12:2

ख्रीष्‍टडा थो़रलु़पा कोले मु़चु़लाई गो छेपु, को-ब्‍ल (१४) थ ङादो गुलाई माम्‍चु़नीका खोत्‍लेडाम येप्‍पा पाह्रीला कोम्‍डी। गुलाई मिरो़मडा लम्‍डिम डे पेलडा डे लम्‍डी मेराम गो मेचक्‍पु, माम्‍चु़नीका चमी।

गलाती 1:22

मेम्‍लोसम्‍म यहूदियाडाम ख्रीष्‍टकु मण्‍डलीमिमका हेल्‍लो वो गोलाई क्रो़म्‍ङिडिमिम मेबायावा।

फिलिप्‍पी 2:25

लावो इपाफ्रोडिटस आमा ल्‍वाकलाई इनीमाडाङा थु़र्मु बासिक्‍पा लु़ङु। गु गोनुङ खारी बेपा मा आमालाम बासिक्‍साका जो़पा-सेला थो़बेन्मुडा क्‍वाल्‍बा बेपा सिपाही सो़, गु इनीमा सेलाचो़ मा आमा खेरेलाडा गोलाई रेम्मु लागि गानी थु़र्निम।

कलस्‍सी 4:11

युस्‍तस र्‍वाक्‍मा येशूका वो गानीलाई सेव र्‍वाक्‍ताम बु। माम्‍चु़नीकु किब्‍दीकाम लागि गोनुङ खारी बेपामिमडा थो़र लु़पा यहूदीमिम ओर्मिम सुले कोङङा सो़। ओर्मिमका गोलाई भ्रसिबेट्‌ङिडिमिम बु।