रोमी 16:19 - थुलुङ राई

¹⁹ गानी माम्‍चु़नीका र्‍वामिमिम थो़नी र्‍वाक्‍पा ल्‍वा खोत्‍लेका थो़म्डिम बु। मेम्‍मिमका ओराम ल्‍वाकु दुथाम गो गेर्सिक्‍पा बुङु। गानी जो़पा खारी बोमुडा नेप्‍चीनुङमा दु़म्‍नी मा मेजो़पा खारी बेसीडा मुमा मान्‍थिम दु़म्‍नी र्‍वाक्‍पा आमा न बु।

रोमी 16:19 Referans Kwoze

मत्ती 10:16

“रेप्‍नी, गो गानीलाई बडिमिमकु थेतेडा भेन्‍दामिमलाई होङङा थु़र्तोङा लेनिनी। मेम्‍मिमका गानी ब्‍लो होप्‍माम चङको चङको बाट्‌पा नुङ तुकतुकुर होप्‍माम मुमा मान्थिम जो़पा दु़म्‍नी।

१ कोरिन्थी 14:20

वा-ल्‍वाकनी, चो़च्‍चो़ होङङा मिम्‍मु डिट्‌नी। मेजो़पा ल्‍वाडा न मेछेपा चो़च्‍चो़ होप्‍माम दु़म्‍नी, लावो इनी मिम्‍सीडा ने न छेपा ङाचो़ होप्‍माम दु़म्‍नी।

फिलिप्‍पी 2:15

मेम्‍साका गानी मुमा मेबेडिमिम नुङ आच्‍छाङाकाम दु़म्साका थो़र मेलु़इमिम नुङ मेजो़पा मु़चु़मिम गोडा मेख्‍लो़ट्‌पा माम्‍चु़नीकु चो़ दु़म्‍नी। मेर्मिम मु़चु़ गोडा गानी सु़म्‍दिसेरडा झ्‍वाक्‍पा सोरलुङ होङका झ्‍वानी।

रोमी 1:8

खोत्‍लेडाम ङादो येशू ख्रीष्‍टलाम गानी खोत्‍लेकाम लागि गो माम्‍चु़नीलाई आलासो़ र्‍वाङु। हेङालोने येशू ख्रीष्‍टडाम इनीमा थो़रकु दुथाम सु़म्‍दिसेरडा खोत्‍लेथो़ थो़बेट्‍मा बु।

फिलिप्‍पी 1:9

गो इनीमा लागि ओराम सो़म्‍दी बेउ: इनीमा रिखाम, नेप्‍ची, नुङ थेसिथेसी छो़म बर्तो-बर्तो लनु़,

कलस्‍सी 3:16

ख्रीष्‍टकु सिजेम हाङकोलो लोवो इनीमा न-गोडा जु़ल्साका नु़निम बानी। सीबोनिलो नुङ मुलु़ ग्‍वाबोनिलो नेप्‍चीनुङमाका बेनी। माम्‍चु़नीकु सिजेमगोडाम काम्‍सो, उनीमा नङ कोमु काम्‍सो नुङ उनीमा दुथाममिम वाङमिम काम्‍सोमिम बेत्तो माम्‍चु़नीलाई न-गोलामका आलासो़ ग्‍वाक्‍नी।

एफिसी 5:17

मेम्‍मिमका नेप्‍ची मान्‍थिम मेदु़म्‍नी, लावो माम्‍चु़नीका गानी हाम बोमिनु़ र्‍वाक्‍पा न बोमी मेराम थेसिथेन्‍मु माल्‍नी।

लूका 10:3

गानी लक्‍नी, लावो लमु ङादो थो़नी, गानीलाई गो बडिमिमकु थेतेगोडा भेन्‍दाकु चो़ होङङा थु़र्तोङा लेनिनी।