रोमी 16:17 - थुलुङ राई

¹⁷ द्‍वादीबुङ वा-ल्‍वाकनी, गानीगोडा गो-फ दु़म्‍पा मा रिबुसी किन्‍बेट्‍पा मु़चु़मिमडाम चङचङया बानी र्‍वाक्‍साका गो गानीलाई छो़म र्‍वाङु। मेर्मिमका इनीमा सीसिकु कोर्थो़लाम जेमी। मेप्‍माम मु़चु़मिमडाम वाङ बानी।

रोमी 16:17 Referans Kwoze

यहूदा 1:19

गानीलाई दु़मेबेट्‌पा, उनी त्‍वाकु नका दोपा मा माम्‍चु़नी-पेल मान्‍थिम मु़चु़ ओर्मिम सो़।

२ थेसलोनिकी 3:6

वा-ल्‍वाकनी येशू ख्रीष्‍टकु नङडा गानीलाई र्‍वाकु, गुकु सीत्तोकोम सीसि होम्‍साका मेदोसाका भ्रेपा खोत्‍ले वा-ल्‍वाकमिमडाम वाङ बानी।

२ तिमोथी 3:5

माम्‍चु़नीकु सो़रलोले बेपा लिसिक्‍पा, लावो माम्‍चु़नीडा आच्‍छाङाका थो़रमेलु़पा दु़म्‍मी। तिमोथी, आरेप्‍माम मु़चु़मिमडाम वाङ बाया।

कलस्‍सी 2:8

मामासो़, सु़का वो गानीलाई हाम ना हामकाम नुङ वायम डक्‍पा मु़चु़कु नेप्‍चीका मेर्मिमकु सीसि होम्‍साका लाम्‍दिमु मेर्‍वामिनु़। मेराम सीसि ने ख्रीष्‍टलाममिम मेएँ, मु़चु़का बेम्‍खेम्‍डिम डु़म्‍ला नुङ सु़म्‍दिसेरकु दुथाममिम ल्‍वा सो़।

तीतस 3:10

मेदु़बेट्‌पा मु़चु़लाई कोखेप-नकखेप ङिम्‍साडा। मेम्‍मा हाम वो मेबे।

गलाती 2:4

लावो कोङनिम थो़रलु़पा लिसिक्‍पा वा-ल्‍वाकमिम आकीमा सामागोडा रोम्‍डिमा कोक्‍ते खिरिरि दु़म्‍मु बासी र्‍वाम्‍डी। हेङालोने गुकु येशू ख्रीष्‍टनुङ कोले दु़म्‍साका मोशाकु डु़म्‍ला होम्‍साका दोमु बासिक्‍पा ल्‍वाडाम वाङ दु़म्‍तोकोम बाइडा, मा मेर्मिमका गुकु वाङ दु़म्‍तोकोम ल्‍वाकु दुथाम गो-गो चो़पा बेसाका आथावो उनीमा यहूदी डु़म्‍लाकु डु़ल्‍चो़ होप्‍मामङा दु़म्बेन्‍मु माल्‍तिकिम बाइडा।

१ तिमोथी 1:3

गो माकेडोनियाडा लङ्‌डोलो गानानुङ छो़म र्‍वाङ्‌जो़ल्‍ङोडोम होम्‍साका गाना एफिससडाङा बाया, मा लिमा ल्‍वा सीपा मु़चु़मिमलाई मेम मेबेनी बेमी,

फिलिप्‍पी 3:17

वा-ल्‍वाकनी, गो बेउमिम होप्माङा बेपा मु़चु़ दु़म्नी। मेम्‍मा गुकु गानीलाई ग्‍वाक्‍तोकोम आकी बेसी होङङा बेपामिमलामका सीन्‍सिट्‌नी।

मत्ती 18:7

“ओ सु़म्‍दिसेरडाम मु़चु़मिम ने हाउरेमा, हेङालोने मु़चु़मिमलाई छु़ल बेबेट्‌पा ल्वा ने हापाङा बु। आरेप्माम ल्वामिम ने रो ङा, लावो वाङमिमलाई छु़ल बेबेट्‌पा मु़चु़ ने हाउरेमा!

१ कोरिन्थी 3:3

गानी आथावो ओ सु़म्‍दिसेरडाम मु़चु़ होप्‍मामङा बुनी। गानी नाचु़र बेबोनी मा छोक्‍चो बेबोनी माला हाम गानी सु़म्‍दिसेरडाम मु़चु़मिम होप्‍माम मेदु़म्‍निवा मा?

थु़र्मा 15:24

गुकुगोडाम लक्‍पा कोङ-कोङ मु़चु़मिमका वाङमी-वाङमी ङा ल्‍वा सीसाका गानीलाई छो़म दु़खा ग्‍वानिमिमा हाम बोमु-बोमु दु़म्‍बेट्‌निमी ए र्‍वाक्‍पा ल्‍वा गुकु थो़त्तोकोम बु। लावो मेर्मिम मु़चु़लाई गुकु थु़र्तोकोमिम मेएँ।

१ यूहन्‍ना 2:19

ख्रीष्‍टकु कोर्थो़लाम बक्‍पा ओ मु़चु़मिम गुइनुङ लाम्‍दिपा थो़र लु़पामिम मेएँ, मेम्‍मिमका गुइलाई डिसाड्‌डामी। मेर्मिम मु़चु़ गुइनुङ लाम्‍दिपा थो़रलु़पामिम माला ने गुइनुङ बामिवा। लावो मेर्मिम सु़ वो गुइनुङ लाम्‍दिपा थो़र लु़पा मेएँ रेछा र्‍वाक्‍पा मेर्मिमका डिसाड्‌डामिमलामका रेम्‍बेम्‍डी।

मत्ती 18:17

गुका इनीमा वो ल्‍वा मेबिसावा माला मण्‍डलीनुङ सो़या। मण्‍डलीका र्‍वामिम वो मेरामका थो़मु मेबिसावा माला मेरामलाई माम्‍चु़नीडा थो़रमेलु़पा वाङसामा होङङा लोवो कर फक्‍पा मेजो़पा छु़लचो़ होङङा लोवो बेनी।

१ कोरिन्थी 11:18

गो र्‍वामुङा बासिलो, गानी मण्‍डलीडा कोदेप खोम्‍सिनिलो गानीगोडा गो-फ दु़म ए र्‍वाक्‍पा गो थो़उ। कोङनिम ल्‍वा आच्‍छाङा वो दु़म्‍मु चाप्‍सु़।

लूका 17:1

येशूका उनी सीसिपामिमलाई र्‍वाम्‍डी, “मु़चु़मिमलाई छु़ल बेबेट्‌पा मेजो़पा ल्‍वामिम रोमी। लावो मु़चु़मिमलाई मेम बेबेट्‌पा मेराम मु़चु़ ने वाइतो!

मत्ती 7:15

“उडलाम भेन्‍दा होङङा बेपा लावो ङिमलु़पा बडिमिम होप्‍माम माम्‍चु़नीलाम-जेपा लिसिक्‍पामिमडाम चङचङया बानी वो!