रोमी 16:13 - थुलुङ राई

¹³ ङाचो़का थुट्‌मिडिम रुफसलाई सेव। आमा त्‍वाकु माम होप्‍माम ङा रूफसकु मामलाई वो सेव बु।

रोमी 16:13 Referans Kwoze

२ यूहन्‍ना 1:1

माम्‍चु़नीका छेट्‌नामिम द्‌वादीबुङ रिचो़ नुङ इमा चो़मिमलाई मण्‍डली रेपा गो ङाउ यूहन्‍नाका ओराम सेलाखाजेम र्‍याक्‍तोङा बेउ। गो गानीलाई न-गोलामका रिखाम बोनिनी। गो कोङङा गानीलाई रिखाम बोनिनिमिम मेएँ लावो आच्‍छाङाकाम सीसि चक्‍पा खोत्‍लेका गानीलाई रिखाम बोनिमी।

१ तिमोथी 5:2

ङामी मेसेममिमलाई त्‍वाकु माम होङ्‍ङा नुङ स्‍वालामेमिमलाई जो़पा नका त्‍वाकु मेसेम ल्‍वाक होङ्‍ङा बेमी।

मर्कूस 15:21

कुरेनीडाम सिमोन, गु अलेक्‍जेन्‍डर नुङ रूफसकु पाप बाइडा। गु देललामका बिक्‍तोङा बेपा मेर्मिमका डार्मिडी, मा मेरामलाई येशूकु क्रूस कुर्मु क्‍र्‍वाम्‍डी।

यूहन्‍ना 15:16

गानी गोलाई छेट्‌ङिडिनिम मेएँ, गो गानीलाई छेट्‌निनी, मा गानी लक्‍निमा मा सिन्‍बेट्‌नी, मा इनीमा दु़म्‍नु़म बुनु़ र्‍वाक्‍साका गो गानीलाई थुट्‌निनी। मेम्‍मा आमा नङडा गानी हाम बिनी मेराम पापका गानीलाई ग्‍वानिमी।

२ थेसलोनिकी 2:13

माम्‍चु़नीका रिखाम बेपा वा-ल्‍वाकनी, इनीमा लागि माम्‍चु़नीलाई हेल्‍लो लोवो आलासो़ ग्‍वामुङा बासी। हेङालोने माम्‍चु़नी पेलका गानीलाई सेपा उनी मु़चु़ दु़म्‍बेट्‌निम नुङ आच्‍छाङाकाम ल्‍वाडा बेन्‍निम थो़रलाम माम्‍चु़नीका गानी खोत्‍लेडाम ङादो सेल्‍सिमु छेट्‌निम बु।

एफिसी 1:4

माम्‍चु़नीकु मिक्‍सीलामडा गुइ छु़ल मान्‍थिम नुङ हाम वो मेख्‍लो़ट्‌पा दु़म्‍सिनु़ र्‍वाक्‍साका सु़म्‍दिसेर प्रङमु ङादोङा गुमीका गुइलाई ख्रीष्‍टडा छेसाड्‌डामी। गुमीका गुइलाई रिखाम बेसाड्‍डामिमका,

यूहन्‍ना 19:27

मेम्‍मा मे सीसिपालाई वो र्‍वाम्‍डी, “गुमीलाई इमा माम।” मेम्‍लो आथाम मे सीसिपाका येशूकु मामलाई उ त्‍वाकु नेमडाङा लडु़।

मर्कूस 3:35

उहेमका माम्‍चु़नीकु न होम्‍साका बोमी, मेर्मिमङा आमा माम नुङ ल्‍वाक।”

मत्ती 20:16

“आरेसाका याक्‍के मु़चु़मिम दिफु डोक्‍पु दु़म्‍मी, मा डोक्‍पु मु़चु़मिम दिफु याक्‍के दु़म्‍मी।”

रोमी 16:12

ङाचो़कु खारी बोमुडा हेल्‍लो वो मेघ्रु़म्‍पा त्रुफेना नुङ त्रोफोसालाई सेव। ङाचो़कु खारीडा छो़म ब्राम्‍दु़ल्‍वा बेपा द्‍वादीबुङ रिचो़ ल्‍वाक परसीसलाई सेव र्‍वाङसाङनी।

रोमी 16:14

असिंक्रितस, फ्‍लेगन, हर्मेस, पत्रोबास, हर्मास, मा मेर्मिमनुङ बाट्‍पा वाङमिम वा-ल्‍वाकमिमलाई वो आमा सेव बु।