रोमी 16:12 - थुलुङ राई

¹² ङाचो़कु खारी बोमुडा हेल्‍लो वो मेघ्रु़म्‍पा त्रुफेना नुङ त्रोफोसालाई सेव। ङाचो़कु खारीडा छो़म ब्राम्‍दु़ल्‍वा बेपा द्‍वादीबुङ रिचो़ ल्‍वाक परसीसलाई सेव र्‍वाङसाङनी।

रोमी 16:12 Referans Kwoze

१ कोरिन्थी 16:16

गानी मेर्मिम मु़चु़मिमकु ल्‍वाड्‌डा बानी। मेर्मिम नुङ मेम्‍माम ङा ब्राम्दु़ल्वा बेपा वाङमिम मु़चु़मिमकु ल्‍वाडा वो बानी।

१ कोरिन्थी 15:58

मेम्‍मिमका आमा द्‌वादीबुङ वा-ल्‍वाकनी, थो़रलु़इमिम दु़म्‍निम बानी मा यु़मनुङमा दु़म्‍नी। हेल्‍लो लोवो ङाचो़कु खारी छो़म बेनिम बानी। हेङालोने गानी ङाचो़काम लागि ब्राम्‍दु़ल्‍वा बोनिमिम हाम ना हाम मेदु़म र्‍वाक्‍पा गानी चनी।

१ तिमोथी 4:10

गुइ हेल्‍लो लोवो बुमिमिम माम्‍चु़नीलाम हाम-हुम ल्‍वापा न बिइमिम बु, गुमी ने खोत्‍लेकाम सेल्‍पा मा मेरामडाम वो थो़र लु़पामिमलाई सेल्‍पा सो़। मेम्‍मिमका गुइ ब्राम्‍दु़ल्‍वा नुङ मेझापातो खारी बिइमिम बु।

१ थेसलोनिकी 1:3

थो़रका बेबेट्‌निम इनीमा खारी, रिखामका बेबेट्‌निम ब्राम्‍दु़ल्‍वा नुङ इकीमा ङाचो़ येशू ख्रीष्‍टडाम हाम हुम ल्‍वापा नका बेबेट्‌निम इनीमा इम्‍सी माम्‍चु़नी पापनुङ सो़म्‍दी बोकुलो मिम्‍कुम बुकु।

कलस्‍सी 4:12

गानी गोडामङा कोले इपाफ्रास, गु ख्रीष्‍ट येशूकु डु़ल्‍चो़का गानीलाई सेव र्‍वाक्‍ताम बु। मेम्‍मा इनीमा थो़र छो़म डोक्‍पु दु़म्‍नु़, मा गानी हाम वो मेख्‍लो़ट्‌पा दु़म्‍साका माम्‍चु़नीका न बोमिमिम होङङा खोत्‍ले बोमु चापा दु़म्‍निनु़ र्‍वाक्‍साका इनीमा लागि हेल्‍लो लोवो गुका छो़म न सोक्‍साका सो़म्‍दी बु़होम बु।

कलस्‍सी 1:29

ख्रीष्‍टका गोगोडा ग्‍वाङ्‍डिमिम डोक्‍पु यु़मलामका गो ओरामकाम लागि छो़म ब्राम्‍दु़ल्‍वा बेउ।

१ कोरिन्थी 15:10

लावो गो हाम बुङु, मेराम माम्‍चु़नीकु दिदामका दु़म्‍ङोडोम बु, मा गोडलाम उनीमा दिदाम हाम ना हामकाम मेदु़म्‍सावा। गो ने वाङमिम खोत्‍ले थु़र्मामिमडाम वो हापा मेझापातो खारीमिम बेउतो। लावो गो बेउतोम मेएँ, गोनुङ बाट्‌पा माम्‍चु़नीकु दिदामका।

मत्ती 9:38

मेम्‍मिमका उनी मा-के खोम्‍मु खारी बेपा मु़चु़मिम थु़र्नी र्‍वाक्‍साका मा-के थोक्‍पा ये-दकु ङाचो़लाई सो़म्‍दी बेनी।”

मत्ती 5:47

इनी ङोप्‍सो़मिमनुङ कोङङा गानी सेवो सानिम बुनी माला वाङमिमडाम गानी हाम जो़पा बेन्‍नी मा? माम्चु़नीडा थो़रमेलु़पामिमका वो मेमङा बोमी।

रोमी 16:11

आमा त्‍वाकु मु़चु़ हेरोदियनलाई सेव बु मा ङाचो़डा थो़रलु़पा नर्किससकु नेमडाम खोत्‍लेलाई सेव र्‍वाक्‍ताम बु र्‍वाक्‍साका खोत्‍लेलाई थो़बेन्‍साङनी।

रोमी 16:13

ङाचो़का थुट्‌मिडिम रुफसलाई सेव। आमा त्‍वाकु माम होप्‍माम ङा रूफसकु मामलाई वो सेव बु।